النار توقد في ضميري

[سعود العواد]

النار توقد في ضميري وأنا أشوف
ماأقدر أطفيها ولا حولي أسعاف

نار المحبه تلتهب تشوي الجوف
وأكبر دليل أسمه للعمر قصاف

أسأل مجرب مبتلي يطلب العوف
يبكي وينادي مختلي فرق مشراف

الحب يلوي للملا كان معروف
أمره عجايب واقع فيه عراف

أعرف طريقه بالشقى كان موصوف
قبلي كثير من الملا صابه أخفاف

أنصح أنا غيري وأنا كنت ملقوف
دخلت بالحيله ولافيه منصاف

حبيت مافكرت والدمع مكفوف
يجري وزرع القلب يابس وهياف


حضيض منهو بالهوى يأخذ النوف
دايم مطاليبه جميله وتنشاف

أن جاد ظني في يالتوالي يجي خوف
الحي منا يلتقي والهوى جاف

كل يمر منا حياوي ومكسوف
ولى الشباب ولا تحقق لنا أهداف


المشكله هاوي ولا قال معيوف
بين الرجاءواليأس من عمرنا طاف

وينك ياعصر الطفوله تجي لوف
وتشوف حالي عقب ماكان مرياف

ماأظن وقت اللي مضى فيه مخلوف
وقت الربيع يذكر به أنواع وأصناف

واليوم طراده مقيد ومكتوف
أخشى الملقف والكلام زيف وأخراف

الله يعين اللي تولع بموصوف
العين سوداء والخد نور كشاف

الشاعر/:::: سعود بن احمد العواد

[حياة الروح]

ابداع في كلماتك
صح ألسانك

[سعود العواد]

الله أكبر

الله أكبر ياأريش العين وشهوله والغلا كله سرى في شرايني

لاتكابرني على شي ماطوله يكفي ماجاني بلا يانظر عيني

الله اللي حط حبك أومدلوله في صميم القلب مابين ضلعيني

في عيوني نظرتك والحشا حوله وردة البستان سيد المزاييني

الموده بين الاحباب مدبوله والشعر أحلى نغم في المحبيني

الشاعر**سعود بن احمد العواد’’’