يابو سعود

[سعود العواد]

يابو سعود

يابو سعود حالي من الوقت لا شي
كني على جمر القضى في الظهيره

مثل الشويه أتقلب وأنا حي
والحال يشكي من مواجع خطيره

مصلوب في شمس القوايل مغشي
وقت السموم والموارد هجيره

بعيد ماحولي اظلال ولا في
اشكي زماني والحياة المريره

حاولت اعدل مابقى والزمن عي
والورد ماينفع ابليا عبيره

الشاعر سعود بن احمد العواد

[حياة الروح]

ابداع ياشاعرنا
الورد ماينفع بليا عبيره

[سعود العواد]

مشكوره ياابوك

[ابتسم]

سعود يعطيك العافية ..

[سعود العواد]

اشكرك ع شعورك الطيب واشكرك كل المتابعين في ملتقى مدينه العيون
لولا تشجيعك وامثالك لما قدمت الشعر الجزل والله يعافيك ويبارك فيك

[شوووق]

صح لسانك أستاذ سعود

[سعود العواد]

صح بدنك