خطاب الى المدرسة الرابعه

[فاعله خير]

السلام عليكم ورحمه الله وبركاته :

إلى من يهمه الامر:

طالبات المدرسة الرابعة يشتكون من فصول المدرسة بسبب المكيفات حارة والمرايل حارة والجو ما يساعد الطالبات على التأقلم في المدرسة البنات يرحون المدرسة يصيحون ويرجعون من

المدرسة يصيحون بسبب حرارة المكيف في المدرسة لمتى وأحنا على ذا الحالة؟ نبي حل لبناتنا ؟

إذا صار مجلس لأمهات الطالبات الامهات يسألون عن المكيفات ردو المعلمات احنا رسلنا للوزارة وللحين ماجانا منهم رد؟ وأحنا متأكدين أنكم ماترسلون للوزارة ؟

والله البنات يشتكون من حرارة المكيفات في المدرسة الرابعه واذا قلنا لهم رسلوا للوزارة ردو علينا ياأولياء الأمور رحوا أنتو الوزارة وكلموهم .

وغير كذا بردات المياة خربانه ما تشتغل طيب لامكيفات باردة ولابردات ماء باردة اجل كن خليتو الطالبات جالسين في بيوتهم احسن لهم .

وإذا أشتكت الطالبة تبي ماء قالوالها بعدين اللحين مافيه ماء .والباصات حقت المدرسة حاره ومرايل الطالبات حارة (فَاتَّقُوا اللَّهَ مَا اسْتَطَعْتُمْ )

وصلحوا مكيفات المدرسة وحطوا بردات مياة ., ارْحَمُوا مَنْ فِي الأَرْضِ يَرْحَمْكُمْ مَنْ فِي السَّمَاءِ ".

أنتو ياالمعلمات أحسن من الطالبات مكاتبكم مبردة فيها مكيفات ,نبغكم تعيشون في فصول البنات خمس دقائق وتشوفون البنات كيف ما تحملين حرارة الجو . والمدرسة لها ميزانية لمتى تكذبون على نفسكم .

عندكم أسبوع دومتوا قبل الطالبات ليش ما صلحتوا المكيفات والبردات , حكومتنا ما تقصر الله ياعز بوفهد .

[وهم المشاعر]

وش دخل المعلمات يخاطبون الوزاره هذا من شغل المديره المدرسه وش حضرتها مسمى مديره هي النسؤولع عن رفع الهطابات للوزراه وكاتب الموضوع تعالوا وقعدوا في غرفه المعلمات وشوا كيف التكييف عندهم مافيه فرق بين الفصول والمعلمات يدخلن الفصول ويشرحن الدرس ويعانون نفس معاناه بناتكم اي ملاحظه مسؤوليه مديره المدرسه وليس المعلمات

[الموهوب المرح]

ردا على اللي كتب الخطاب بخصوص المدرسة الابتدائية الرابعة في العيون
كل شيء يصير في المدرسة على المعلمات لو فيك خير رح الوزارة وأسأل عن المشرفات المسؤولات عن المدرسة كل مرة يزرون المدرسة .... وبعدين إ ذا أعطوا المعلمات الصلاحية في المدرسة سووا اللي تبون ......... من حق المعلمة ترد على الطالبة إذا قالت لها حر أو مافيه ماي ... هذا بأمر الإدارة...
المعلمات يشكون وضع المدرسة والفصول وانقطاع المياه ... ويردون أنتوا أحسن من غيركم ...........أقول رحوا شوفوا غرفة المعلمات حتى اللي سكانين في المزرعة أحسن منهم ، لاتتشاطرون على المعلمات ....المعلمات مالهم سلطة ...الإدارة هي المسؤؤلة . والمشرفات .....كل ماصار شيء قلتوا المعلمات
على فكرة لو فيكم خير اجتمعوا ياأولياء الأمور ورحوا الوزارة واشتكوا ............ بس شاطرين على المعلمات ........... المعلمات يبون اللي يحس فيهم ......ترى غرفة المعلمات والتكيف هم اللي دافعين الفلوس حتى الطاولات هم اللي شارينها .... حسبنا الله ونعم الوكيل