الغرور

[سعود العواد]

الغرور

الغرور خلاك في عيني صفر =كنت ادوره واتحرى جيته
احمد الله يوم شيطانك حضر =وانا سلطاني تغانم فرصته
من حفر حفره توهق في الحفر =طاح على راسه خبيثه نيته
اعتمى المسكين واعماه الفجر =بس ماجارى الاسد في هيبته
يحسب انه في دهاريزه سفر =مادرى دنياه سوداء غرته
كثرة الاموال ماتخلد بشر =بل اوزار الخطا في غلته
طابق الايدين ماقدم فنر =يتوقا به بلاوي سبته
كان ترى شي براسك ياغبر =تحت رجليني من اول طلته
وينك و وين المراجل والظفر =خلها الغيرك كبيره سلته
وانت يالمحتال خلك للسهر =مرهق الافكار دنيا لهته
ياردي الذات ياقصير النظر =انتظر يوم تزلزل حنته
اسالك يالله ياوالي الامر =تهلك الظالم وتمسح جرته
وترسل القمل وطوفان البحر =على من انكر جمايل فزعته
طالبك يارب له طولة عمر =بس طريح افراش مغذي عيشته

الشاعر/ سعود بن احمد العواد

[أبو طلال]

طـالـبـك يـــارب لـــه طـولــة عـمــر=بس طريح افراش مغذي عيشته

دعوة قوية ومانقول إلا
الله يهدي من هو جاير على خلق الله وإن مابه رجا الله يسلط عليه