قصة حزينه تحكيها قصيدة عجيبه عنوانها(تذكر حبك الاول)

**باب الليل** · 09-06-2007, 10:47 PM

بسم الله الرحمن الرحيم
السلام عليكم ورحمة الله وبركاته

الا يا ضيقه لاجت على صدر الشقا ونات
الا يادمعة هلت من العبرات مرسولة

ياليت أني وسط قبري نسيتوني مع الاموات
اكيد اهون علي من ذل أعيشه دوم مكلوله

ادور في الملا طفل حضنته عمري الي فات
أنا جبته لها الدنيا وأقف عني برجوله

الا وينك يا نور اللي عيونه كلها عبرات
أبي قربك وأنا كلي حزينه وارتجي زوله

حسبتك يابعد عيني تشيد لعزتي بكلمات
لقيت أني بعد عمر طويل صرت مخذولة

يعانق نظرتي باب لبيت ما تجيه أصوات
عساك بيوم تذكرني و تفتح باب ما طوله

تذكر حبك الاول وقلب دافي ما بات
تذكر أمك اللي صارت بدنياك مهموله

تعيش بغفلة عميا وأنا من تحتي الجنات
وكله من سبب دنيا غريبه دوم مشغوله

الا وان مت يا وليد قبل ما شوفك بنظرات
احس بخاطري شي عظيم ودي اقوله

يجي يوم و تجي مثلي بعالم فكره أشتات
و يعمل بك مثل ما كنت تعمل بي على هوله

وطفلك بعدها يكبر و ينسى شايب ما مات
على نفس المكان اللي جلست بقاعه مجهوله

يجي لك يوم يا وليدي تذكر كل شي فات
الي جاك الغريب و صاح هذا الشيخ مذهوله

ترى هذي نهاية كل من يزرع لهم زلات
مغفل ما درى أن الحصاد يجيه و ينوله

وتبقى ضيقه لا جت على صدري بها ونات
خذوها عبره من خافي الاعماق مرسوله

منقول
ولكم أحترامي