الـغــاز وحزاوي

[عبدالرحمن الغريب]

هـاكم اللـغـز أخـــوتي بعـد التـعـديل والإضـافة :

لـغـزي عـن اشـجرة بها افـروع خـمـسـة \\\\\\ وفروعـها الخـمسـة لها افـروع وافروع

والـثـّـقـل ون شـــلـّـيـتـها مــا تـحـسـّــه \\\\\\ وْلـو بالعـدد زادت فلا تـنـّـس اوجــوع

في لازمــــك لـ جــا من الأمــــــر مـسـّـة \\\\\\ وتسـاعدك في لفـحـة البــرد والجـــــوع


ســــــلامي المعطـر للجـميع
==

[عَذْبَھْہّ]

شجرة العائله ..
واذا ماهي
خيرها في غيرها ..
نحاول ..

[المرتفع]

عزيزي عبدالرحمن

وش رايك في شبكة الصيد


لي عوده

[عبدالرحمن الغريب]

يا مرحبا ً أختنا : مـهـرة الخـيــــــــال

حاولي مـرة أخـرى ولك التقدير سـلفا ً

[عبدالرحمن الغريب]

أهـلا ً أخـانا : المـرتـفــــــــع

ودي أقــــــول صـــح لكن ماد عن الهدف سـهمك .

فإلى محاولة أخرى نلتقيك بها ، لكن بعد أن تتريث وتفكـر أكثر .

لك شــكري وتقديري وسـلامي

[المرتفع]

هلا اخوي عبدالرحمن

طيب وش رايك في شنطة العزبه

لها فروع خمسه

وهي طبعا بطنها وجيوبها اللي بالجنب وفوق وقدام من عند السحاب

لي عوده


توضيح بسيط ياعبدالرحمن على رمعتي

شنطة العزبه نستخدمها ذرا بعض الاحيان على النار

[ابو غيوض]

انا اقول

يمكن الخيمه فروعها رواقها وسقفها وفروعها هي خيوطها اللي تشبك بها مع بعض وفروع فروعها هي الحبال اللي نربط بها الاوتاد

وتشيل العدد ولا تحس بالوجع يعني ماعندك مشكله اقلط انت واللي دونك


ولا جا شي يخوفك مثل ذيب والا غيره تزبن بها وتحميك ولا جاك البرد تحميك من لفحته وبوسطها تاكل غداك وعشاك


هذا اللي جا معي يا ابو اشرف
ودمتم بخير


وتصبحون على خير

[عبدالرحمن الغريب]

الغـالي : المـــــــرتفــــع

أسعـدني والله تواصلك ومحاولاتك ونفسـك الطـويل . ( يعني ما زهقـت ) .

أخـي : أنا قلت في اللغز ( ولو زاد العـدد ) يعني ما تحس بالثقل ولا الوجع ، فإذا كان عدد الشناط ( 100 ) شنطة هل

تقدر تشيلها ؟ .

أقــول : يازينها ويا زين شكلها ويا زين شيلها لو زاد عـددها .

لك مني التقدير والود
==

[عبدالرحمن الغريب]

عزيزنا : المـنـصـــــــــــوري

ما هيب عادتك تتأخر عن الإجابة الصحيحة ! .

أقـول لك يالغالي ( شليتها ) يعني أنت تشيلها معـك .

يا خـوي : يازينها ويا زين شكلها ويا زين شيلها لو زاد عـددها . ( توضـيح )

صـدقني قمت أضحك كثيرا ً انبساطا ً واستئناسا ً بتوضيحك وخاصـة ( الذيب ) .

عموما ً فكر مرة ثانية والله يعينا جميعا ً ، وإذا تبيني أعلمكم بالحـل . . حـاضـر

يا مرحـبا بك ألـــــــف
==

[أبو طلال]

مايندرى بس اللي تسوي كل هذا الدراهم

مدري هي الفلوس يا أبو أشرف ؟