{ يَآطفُولَة .. يَآسوآلِفنآ آلخَجُولَة ~

[عَبقْ]

[استغفرالله]

الله يحفظها ويرعاها يارب
تجنننننننننن
ماشاء الله تبارك الله

[عَبقْ]

*

استغفرالله
آسعدني حضورك وتشريفك
كوني بآلقُربِ دائماً ~

[مملكة الاحساس]

السلام عليكم ورحمة الله وبركاته إسم الطفلة: نورة عُمرها:6سنوات صِلة القرآبة:بنت أختي ترتيبها في العآئلة:الأولى في أي مرحلة درآسية :أول أبتدائي هوآياتها:الرسم,ومساعدة ماما مملكة الاحساس لماتسوي الكيك طبعا هي قالت اسمي ماتعرف مملكة الاحساس, وعمل اشكال جميلة من المناديل لعبتها المُفضّلة:ادوات المطبخ ,والعاب الجلكسي تاب . قنوآتها المُفضّلة:البراعم....ام بي سي3....سبيس تون... أكثر أنشودة ترددهآ: أنا فلفول وأحب الفول...وأحب أنواع الطعام والبقول.... طبيعة الطفلة ومزاجها الغالب عليها: مزاجيه والمُقآبلة جرت على النَّحو التآلي : 1- How are you ؟ (كيف حالك ؟) الحمدلله طيبة 2- (مَمْلَكةَ الإحسآس) تسلّم عليكِ ,وتقولك ايش رأيك فيهآ ؟ (من غير مآتعرف من تكون مَملكة الإحسآس . خليتها تشوف الصورة الرمزية لمملكة الاحساس قالت:الله يسلمها...وهي حلوة لاني شفت فيها يد صغيرة ويد كبيرة وحلوة اليد الصغيرة. 3- كان في بنت عندها 5 سَمَكآت , غرقوا 2 وبقوآ 3 وكآنوا بيغرقون لكن جت 3 سَمَكآت بتنقذهم لكن غرقوا كلّهم إلا وحدة . السؤآل : كم عدد السمَكَآت اللي غرقت ؟ تعبت من الحساب قالت 5 بعدين 6 بعدين قالت ماما انا فيني النوووووووم.وكان الوقت ع الفجرية.... 4- ليه أورآق الأشجار لونهآ أخضَر ليه ماصار لونهآ وردي مثلاً ؟ لإن الله خلقها كذا. 5- في فيروسات تحآرب أجسآمنآ , وفيروسآت تحآرب أجهزتنآ , وضحي لنآ طُرُق الحمآية منهآ . يعني اعيوني يجونها فيروسات اذا جلست من النوم اشوف اعيوني مغمضه وتعبانه ولازم ننظف اعيونا اذا جلسنا من النوم. 6- هل تتوقعين أن النّصر سيستعيد أمجآده ؟ وكيف ؟ اي لانهم يمكن يفوزون...الله بيخليهم يفوزون.... لإن الي يحيي فريقه ويشجعه يفوزون.>>>>>>تراها تحب النصر والله 7- أغلب أعضاء المُلتقى نصرآويون فهَل يُعجِبُكِ ذلك ؟ نعم/ لأ .. لِمآذآ ؟ اي يعجبني لان شكل ملابسهم حلوه اصفر وازرق. 8- زعلتي يوم فاز الأهلي على النصر؟ اي مش فرحانه.بس إن شاء الله يفوزون 9- بعدمافاز الأهلي على النصر راح تشجعين الاهلي؟ قالت وهي مغمضه : نو وي>>>>يازين الثقة بس 10- قلت لها وش دراك ان كلمه نو وي يعني لا او رفض قالت لان ابلت الرياضيات اذا قالوا لها البنات ابلا تسمحين نروح دورة المياة تقولهم : نو وي>>>يازين بنتنا بس 11- هل أنتِ حسآويَّة ؟ وفي حآل الإعترآض لِمآذآ ؟ لا.... لية؟ لاني سعودية. 12- ايش تحبي تكوني لمّآ تكبري ؟ مادري عبودي وش يحب...مدرسة...ولا دكتورة.>>عبودي ولد خالتها. 13- هل تحبّي المدرسة , وايش اللّي يعجبك فيهآ , وايش اللي مآيعجبك فيهآ ؟ اي احبها لان اذا صرت عاقلة ابلا تعطيني حلاوة. ولي مايعجبني اذا لبست نعال مايخليني اركض عدل في الفسحه يطيحون مني. 14- زيت الزيتون من وين يجيبوه ؟ من الزيت الي نقلي فيه البطاطس. 15- لو أعطيتك 500,000 ايش تسوّي فيهآ ؟ قالت:بـــــــــل وضحكت ابشتري نطيطه.واي شيء وسيكل كبير واشتري ايفون كبر الغرفه. 16- ايش تعرفين عن تويتر وايش رأيك فيه ؟ تويتي حلو واحبه وهو طيب تقصد هذا 17- يقولون : العين مآتعلى على الحآجِبْ . كيف يعني ؟ يعني اذا قربنا عند التلفزيون تعتمي اعيونا. 18- ماذا تعرفين عن : - بابا غَنُّوج بابا طلال >>انا والله استغربت من الاجابه قلت لها من بابا طلال قالت ذاك الي يحط لنا صورالاشياء المفقودة ياحليلها جلست اضحك عليها صرت بابا غنوج يابوطلال الي فهمته انها سالتني مرة منو الي يحط الصور الاشياء المفقودة قلت بوطلال استغربت من الاسم لان اول مرة تسمع بوفلان فرسخت بعقلها كلمة بابا و ابو فلان فاربطت بينهم.في كلمة باباغنوج وابوطلال. - كاسبر سكاي اسكوتر - هَشآشَة العِظآم يعني الكلب يأكل العظام - الفور فكس. الكورن فلكس 19- أيّهمآ أفضل برودبآند موبآيلي أو الإتصآلآت ؟ ولمآذآ . الإتصالات أحسن لإن اذا بنكلم صديقتنا اقول لها ماما ولدت بتفرح. 20- من اين يصنع كل من: الدولاب؟ من الخشب الثلاجة؟ من الحديد الصوف من الغنم 21- وش تبغين هدية نجاحك؟ اروح الملاهي ولا المزرعه اسبح في البركه. 22- كلمة أخيرة أو نصيحة تقدميهآ لكُلاً مِنْ على حِدة : -إدآرة المُلتقى . شكرا لكم لإنكم تغيرون الصور>>>تقصد استايل الملتقى لانها تلاحظ التغيير والالوان -المُشرفين والمُشرفآت . شكرا لكم -أعضآء المُلتقى . شكرا لكم هذه صورتين من هواياتها ورسوماتها: هذا الشكل من المناديل تقول هذا مسجد وبيت وشمس وغيوم وهذه رسمتها لطفل في بستان بالحالها من غير ما احد يساعدها ماشاء الله وهذه شهادتها فديتها انجحت بتفوق وشهادة تقدير وانتقلت من الصف الأول الى الثاني 23- خالتي قالوا علامك اختارتك لتكوني ضيفه هنا وش تقولين لها بعد ماخليتها تشوف الصورة الرمزية لقالوا علامك قالت: شكرا ياخالتي قالوا علامك وانت حلوه وانا احبك كتير كتير.>>>بنتنا قلبت ع البناني شكرا لك غاليتي قالوا علامك ع الاستضافة واعتذر على التاخير بسبب ظروف انجبرت فيها على التاخير وعذرا على الصور المستعجلة ربي يسعدك ويوفقك آمين

[أبو طلال]

بابا غنوج عاااااااد هههههههههههههههه

ربي يحفظها ويرعاها ياااااااااااااااااارب
ماشاء الله
ونصراوية بعد ياهلا ياهلا

[عبدالرحمن الغريب]

السلام عليكم والله يمسيكم بالسرور

تابعت المقابلة وكانت شيقة

وقد شـدني فيها النباهة وحاسة الادراك

ولديها ميول فنية وشاعرية بصورة متقدمة

الله يخليها لأهلها ويسترها ويفظها من العين والحسد .

تحياتي

=

[روح الشرقيه]

[روح الشرقيه]

[فوق السحاب]

الله يحفظها
وتشفونها عروسة

[أموووله]

الله يحفظهااا ويسعدهااا