|
|||||||
للإتصال بالإدارة عند حدوث أي مشكلة أو إبداء رأي
 الإهداءات |
 |
|
|
أدوات الموضوع | انواع عرض الموضوع |
10-19-2009, 01:14 PM
|
#122 | ||||
 
|
 شكرا لك اختي على استضافتي وأدري اني بيختها وتأخرت كثير بس والله مو مني من جهازي لي كم يوم مادخلت النت كل ماجيت افتح شئ يطلع معي تعذر فتح الصفحه بسم الله ونبدأ بالإجابه //  ما هي اكثر وافضل لعبة كنت تلعبها و أنت صغيير؟؟؟ نط الحبل كنت خفيفه وأحب انط والعب وأحب العب غميمه حلووه هاللعبه وكنت أحب العب مع الأولاد اللي بالشارع لكن كل مايشوفني خالي أشوف عيونه أخاف وادخل بيتنا ههههههه نشيدكنت تحبه أيامم الطفوله؟؟ ما فيه نشيد معين لكن أيوووه تذكرت نشيد الشخصيه الكرتونيه نوار واللي تقول فيها : غدا أو بعد غدا تلعبون تسرحون تمرحون وبإذن الله الله تنجحووون مع نوااااااار طيبة الذكرياات لا وبعد فيه نشيد ثاني لشخصية اللاعب رابح : رابح ياكابتن الهداف بالمرمى اصطدت الأهداف يبقى دوما للأوصاف يالا الشاب الناجح ....الخ هههههههههه شخصيه كرتونيه كنت تحبها؟؟ والله كثير مرره السنافر ,فلونا ,هااايدي ,سالي ,كابتن رابح والآن اتابع عهد الأصدقاء كيف كنت ايام طفولتك شيطاني ولامؤدب؟؟ مؤدبه وهااديه جدا والآن اختلف الوضع كليا ههههههه شيطانه ومشاغبه وملقوفه وحالتي حاله بس انا طبيعتي كذا واهلي يحبوني كذا لأني مثل الفراشه بنفسي المرحه ماهوالموقف اللي عرضت فيهااهلك للاحراج؟؟ ولا مرره عرضت اهلي للإحراج لإني كنت هاديه وأخاف كثير اني اسوي شئ غلط هل كنت شخص ذو شخصيه قويه أم مغلوب عليه؟؟ مغلوب عليه جداا لكن مثل ماقلت قبل تغيرت الأن وصرت ذات شخصيه قويه جدا ودوام الحال من المحال موقف حصل في طفولتك كان له دورفي تغيير مجرى حياتك؟؟ ما أذكر اكبر عيديه جمعته كم؟؟ ومن مين؟؟ صراحه مو كثير عيديتي لكن أكثر شئ 50 وكانت من خالي يوم كنتي صغيره تسوين جدايل والا كاريه؟؟ الى ثالث ابتدائي كاريه بعدها جدايل يوم كنتي طفله تلعبين بكمبيوتر العائله؟؟ صراحه ماكان عندنا كمبيوتر وانا صغيره كان عندنا "ماريو" بس ماعرفت الكمبيوتر إلا بعد ماكبرت وماكنت أعرفه عدل إلا بعد مادرسته يوم كنتي طفله تلبسين مريول المدرسه وشباصات ميكي ماوس وشرايط بيض؟؟ لا كنت البس فستان سواريه ههههههههه امزح أكييد اختي البس مريوول وشرايطنا كان لونها ازرق مو ابيض ومن ناحية الشباصات اتذكر جات موضة الميكي ماوس وتويتي وكنت انبسط فيهم لدرجه ماتتخيليها من كـان يدلعك أكثر أبوكِ او أمك؟ اســم دلعك بالطفوله لحد الان ينادونك فيـه؟؟وماهو؟؟ امممم ماما كانت تدلعني اكثر من بابا لأن بابا عصبي وياويل اللي يكلمه ههههههه واسمي اممممم سوري ما اقدر خخخخ لحقت تتابعين سبيستون؟ولا القناه الاولي بالصبح والعصريه كم افلام كرتون بالدش؟؟ اكيد لحقت على سبيستون وتابعت فيها لحد ماقلت بس لأني لسى صغيره ولايغركم كلامي اللي أكبر من عمري بطفولتك كنت/ ي تبكي إذا ماجلستي بالاول بالطابور اوالفصل؟؟ ماكان يفرق معي في الأول او في الثاني أو برا الفصل عاااادي هههههه عندك لعبه موجوده من صغرك إلى الآلآن؟وماهي؟؟ ايوووه عندي لعبه عباره عن دبدوب على شكل بنت ومحشوو بالقطن الناعم وتجنن وصورة بنوته تتكلم وش اكـثـرحلاوةكنـت تحـبهاا? وصلنا عند الحلاوه احم احم الله يسلمك أحب حلاوة غندور"مصاصه" اللي اربعه بريال الحمرا والى الآن أحبها بس صراحه غيروا طعمها ههههه ..؟ايش اسم اول مـدرس/ ـه درستك..؟ لولوه هـل كـنت تـعانـي مـناخـطاء فـي مخـارج الحـروف ..؟ لا ولله الحمد ما هواجمل موقف او اجمل ذكرى تتذكرها من طفولتك؟ سفرنا لمكه المكرمه إحنا وعيال خالي كنت انبسط معهم كثير ما هوأصعب أو أحزن موقف مرعليك في طفولتك؟ ظلم إحدى المدرسات لي ولحد الآن مانسيتها ,, ما هي أجمل هديةتلقيتها في طفولتك ولم تنساها لليوم؟ قلم رصاص ضغاط رغم انه بسيط إلا انه يعني لي الكثير ,, هلهناك انسان معين كرهته في طفولتك .. ولماذا؟ نعم لماذا ؟؟؟؟؟؟؟؟؟؟؟ كلناانضربـنااكيد... ولكن ماهي اصعب مرة انضربت فيها؟؟ ولا زالت محفورةفي ذاكرتك وسبب الضـرب وش كان؟ اتذكر يوم من الأيام من أيام الشتا كنت جايه من المدرسه ورحت بيت خالي على طووول وامي ماتدري اني جيت وطبعا خافت وما ادري ايش المهم ماعرفت اني ببيت خالي إلا العصر ههههه بس ذاك اليوم أكلت ضرب والله لاصار ولا إستوى وخلاص بعدها تأدبت ما أروح مكان إلا بعد ما أقول لها هل كنت غيوربطفولتك من اخوانك وتحس فيه تمييز بينك وبينه؟ لااااااااااااا ابدا ماكنت غيوره واهلي أصلا ماكانوا يميزوون أحد كلنا سواسيه هذا اللي أنا أشوفه هل ستربي اولادك بنفس الطريقةالتي تربيت بها في طفولتك؟ أكييد راح أربيهم مثل ماربوني أهلي الله يحفظهم لكن مع إضافة بعض الأشياء اللي تناسب وقتنا الحالي اوصف طفولتك بجملة واحدة؟ طفوله هادئه وفي النهايه أحب اكرر شكري لك اختي الكريمه وتعبت وأنا أفكر وأتذكر وأسترجع الذكريات الله يعطيك العافيه على موضوعك الأكثر من رائع وأكرر اعتذاري اني تأخرت في الرد وشكرا لك  التعديل الأخير تم بواسطة تولين ; 10-19-2009 الساعة 01:48 PM |
||||
|
|
|
10-20-2009, 12:35 AM
|
#123 | ||||||||||||||||
|
اقتباس:
اووووووووه يا كابتن رابح وحلقاتك الممتعه بصراحه الكوره تتم في الهواء لمن الحلقه الجايه خخخخخخخخخخ اقتباس:
اقتباس:
اقتباس:
اقتباس:
يعطيك الف عافيه يا تولين |
||||||||||||||||
|
|
|
|
10-21-2009, 01:55 PM
|
#126 | ||||
|
ما هي اكثر وافضل لعبة كنت تلعبها و أنت صغيير؟؟؟
الجر بالحبل نتمربط بحبل ونظرب البعير ويركض ويجرنا على التراب يجي شوك يجي حجر مابيه مشاكل نشيد كنت تحبه أيامم الطفوله ؟؟ كثير وقت الحدا مع البل شخصيه كرتونيه كنت تحبها ؟؟ مابيه كرتون اللي بيه قربه كيف كنت ايام طفولتك شيطاني ولامؤدب ؟؟ انا كنت مؤدب ماضرب الجيران بقوه ماهو الموقف اللي عرضت فيها اهلك للاحراج؟؟ الله يسامحك من كيف اعرض اهلي للحراج هل كنت شخص ذو شخصيه قويه أم مغلوب عليه ؟؟ كنت قوي لكن الحين ظعيف موقف حصل في طفولتك كان له دور في تغيير مجرى حياتك؟؟ ذاك اليوم اللي مسكوني الشرطه متهميني حرق محل اليمني اللي يبيع قماش اكبر عيديه جمعته كم ؟؟ ومن مين ؟؟ تيس عارضي من خيتي يوم كنتي صغيره تسوين جدايل والا كاريه ؟؟ بالعون جدايل وادهنه بالودس يوم كنتي طفله تلعبين بكمبيوتر العائله ؟؟ كنت العب مع الحاشي يوم كنتي طفله تلبسين مريول المدرسه وشباصات ميكي ماوس وشرايط بيض ؟؟ لويه هاذ السوال انا محجل مانيب جفره من كـان يدلعك أكثر أبوك ِ او أمك ؟ لا هاذ ولا هاذيك اســم دلعك بالطفوله لحد الان ينادونك فيـه ؟؟ وماهو ؟؟ المزيون هههووووهههوووهوههوو لحقت تتابعين سبيستون ؟ ولا القناه الاولي بالصبح والعصريه كم افلام كرتون بالدش ؟؟ لبدن مابيه تفلزيون واللي بالدش ماء بطفولتك كنت / ي تبكي إذا ماجلستي بالاول بالطابور اوالفصل ؟؟ الصف مابيه الا نص سطر عندك لعبه موجوده من صغرك إلى الآلآن ؟ وماهي ؟؟ المضاربه مع محاجل الجيران وش اكـثـر حلاوة كنـت تحـبهاا ..؟ايش اسم اول مـدرس/ ـه درستك ..؟ المضير هـل كـنت تـعانـي مـن اخـطاء فـي مخـارج الحـروف ..؟ يوم كنت محجل كنت قليل الكلام لني ماعرف اتمكلم زين ما هو اجمل موقف او اجمل ذكرى تتذكرها من طفولتك ؟ يوم طويشم سكن جنبنا ما هو أصعب أو أحزن موقف مر عليك في طفولتك ؟ وقت الرسوب في سادس ليلي اربع مرات ما هي أجمل هدية تلقيتها في طفولتك ولم تنساها لليوم ؟ تيس عارضي من خيتي هل هناك انسان معين كرهته في طفولتك .. ولماذا ؟ الشيخ طويشم من رفض اتمزوج بنته كلنا انضربـنا اكيد... ولكن ما هي اصعب مرة انضربت فيها ؟؟ كل يوم ولا زالت محفورة في ذاكرتك وسبب الضـرب وش كان؟ لني مسكين هل كنت غيور بطفولتك من اخوانك وتحس فيه تمييز بينك وبينه؟ الوكاد لا هل ستربي اولادك بنفس الطريقة التي تربيت بها في طفولتك؟ اللي جى لبوهم يجيهم هم بالاحسن مني اوصف طفولتك بجملة واحدة ؟ شقا وحياه امحقا |
||||
|
|
|
|
|
|
.png)
.png)
.png)
العرض العادي
