صور ومعلومات ( كل مرة شي جديد )

[أبو طلال]

أجل لاتحولون من الرحلة هذه
تعالوا نروح لجزر الكاريبي ونتخيل أن طيارة كبيرة جدا
تقترب من شاطئ مليان ناس من كل الأعمار
وش بيصير للناس ؟
هل بتجيهم حالة هلع شديد ويهربون خوفا من الطيارة ؟

طيب تعالوا نشوف هالرسم التخيلي

هذه طيارة تدنو من الشاطئ <<< ياروحي ياتدنو



فلو كنت واحد من الناس المتواجدين والطيارة خلاص فوقك بعشرة أمتار وش بتسوي


أهاااااااااااااااااااااااااااااا
كني سمعت وحدة تقول ليه نتخيل لشي مايصير
وأنا أقول لا يصير وهاكم الصور





ترى مو بس طيارة
إلا طيارات ومن شركات مختلفة





بس الغريب أن الناس ماتهج
واقفة تتفرج وتصور بعد

















وهذا الله يسلمكم مطار عند شاطى لصغر حجم الجزيرة
والصورة الجاية من داخل الطيارة أثناء الهبوط
ونلاحظ مدرج المطار الوحيد في هذا المطار الدولي
وبالمناسبة إسمه مطار الأميرة جوليانا الدولي





ههههههههههههههههههههه وهذا إعلان عشان الناس تاخذ الحيطة والحذر



تدرون شوفوا هالفيديو اللي فيه ثلاث مقاطع
مقطعين لهبوط طيارتين والمقطع الثالث لإقلاع طيارة

[عَبقْ]

*



موصآحِيين
لمّآ شفت الفيديو حسّيت إني معهم , شيء رِهيبْ
أجل كيف لو أكون مِنْ قَلب آلحَدَث
مشكور أبوطَلآل
وآصل وأبهرنآ وأمتعنآ وأثرِ معلومآتنآ

[ع ـــاْزفـــــة]

عجبني آآآلوضع كله رغم إآآآنه فيهآ مخآطرة لكن أآآآبي أآآغآمر أآآهم شي أآآكون بآلجو
وقفّ آآلمره آآآلجآيه من دول آآآآلآجآنب مره وحده بس عشآن أآآبي معلومةعن منطقة
آآآآلجوف بكل مآفيـهآ ودي أآآستمتع فيهـآ لو بآلصور مثل حآئل
تششكرآآآتي لك ع هيك رحلة ومعلومة جميييلة
عسسآك ع آآآآلقوة خيي بوطلآل

[معاذير]

فكرتك روعه والمواضيع بعد مفيدة حيل
واصل

[مملكة الاحساس]

لما شفت هالطيارة قلت سلامات وشفيها هالطيارة ذابحها الحر وجالسه تتسبح
بس لما شفت المناظر الثانيه والمعلومه تونست صراحه الصور حلو منظرها وشكلها يخوف والطياره موجوده بالقرب من البحر
بس مقطع الفيديو يفزع ويخوف حيل
شكرا لجديدك وننتظر القادم إن شاء الله

[أبو طلال]

حياكم الله جميعا

[أبو طلال]

هالمرة شي غيييييييير وأعجب من العجب ذاته



شوفوا هالخريطة


هذه خريطة دولة مملكة انجلترا


وانجلترا كانت داخلة حرب ضد المانيا في الحرب العالمية الثانية

وعشان تقدر أنها تعترض طيارات المانيا قبل ماتقرب من المدن الانجليزية
أنشأت منصة بحرية خارج الحدود البريطانية عشان تضرب الطيارات بالمدافع الرشاشة

شوفوا النجمة اللي بالصورة هذا مكان المنصة









أنتهت الحرب وماصار للمنصة هذه أي داعي فقررت الحكومة البريطانية تركها
بعد مدة سكنها بعض الخارجين عن القانون فحاربهم شخص كان من الجيش الإنجليزي
ولأن مكانها خارج الحدود الإقليمية من بريطانيا لم تتدخل لطرد القراصنة
فذهب هذا الضابط وطردهم وإنتصر عليهم فصار هو المتحكم فيها

الى هنا مافيه أي غرابة
الغريب اللي هو جاي
بعد ما إستولى على المنصة حط فيها حاوية بضاعة خالية وجاب جهاز ارسال إذاعي وأعلن من خلاله أن المنصة أصبحت دولة مستقلة وأنه هو الملك فيها
الحين فيها من خمسة إلى عشرة أنفار كسكان هذه الدولة الملك ومرته وعيالهم بس

سوى له عُملة خاصة وعلم ونشيد وطني وجواز سفر خاص بمملكته اللي عطاها هو مملكة أرض البحر
وبالإنجليزي sealand


وهذا الملك مع شعبه اللي هم عياله يرفعون علم مملكتهم


وهذه صورة كاملة لدولة سيلاند






سنة 2006 شب حريق فيها بسبب دينمو الكهرباء وهي الآن معروضة للبيبع هالمملكة



بالمناسبة
بقرار وإتفاق الأمم في الأمم المتحدة تم زيادة عدد الأميال للحدود المائية لكل الدول
وبهذا القرار دخلت سيلاند لداخل الحدود البريطانية


شرايكم نقط قطة من الملتقى ونشتريها ونحولها لدولة عصرية
وهذا المخطط المطروح خخخخخخخخخخ




وهذا هو رابط موقع مملكة سيلاند
http://www.sealandgov.org

[Gamrat Gaza]

جزر الكاريبي

عزوف تخيلتك والطايره طايره تركضين وراها وتطمرين طمره قويه وتتعلقين بجناحها , ولحقتك انا بس ماعرفت اطمر نفس طمرتك , تعلقت برجلك وجلست اتسلق عليك لما مسكت الجناح > فلم اكشن ههههههه


..




سيلاند


هههههههههههههه
هذا الضابط فاتح الدوله بعد ما احتلها ولا فيها الا اعياله وزوجته , عاش انه ملك بس ماطول ملكه , ماحد خذ جنسيه

شرايكم نقط قطة من الملتقى ونشتريها ونحولها لدولة عصرية وهذه الخطة حطيتها أنا خخخخخخخخخخ

اليخت الي تحت شكله لك أبوطلال , دولتنا البحريه بدون أسواق نتسوق منها ونقضي >



على القوه ابوطلال

[ع ـــاْزفـــــة]

المشاركة الأصلية كتبت بواسطة °•ج ــمرة غ ـضى ـآ•°

جزر الكاريبي

عزوف تخيلتك والطايره طايره تركضين وراها وتطمرين طمره قويه وتتعلقين بجناحها ,
ولحقتك انا بس ماعرفت اطمر نفس طمرتك , تعلقت برجلك وجلست اتسلق عليك لما مسكت الجناح > فلم اكشن ههههههه

جموره يآعيني ع آآآلخيآل خلآص مآفيه لآزم هالطمره تصير بدون تردد <قآمت تتخيلهآ كملت شسمهآ
أآآومآ آآآلآكشن وآآلتعلق لآتخليني أآآصدق وآآآروح معآك نجرب
أآآهم شي نتمتع في آآلآجوآآء آآلدآآخليه في آآلغرف ويمكن نآخذلنآ جنآح
< تكفين وآآفقي يمكن يكتبونه بأسمنآ ضآربه آآلخيآلآت وآآلآكشآنآت
تششكرآآآتي لك ع هيك رحلة ومعلومة جميييلة
عسسآك ع آآآآلقوة خيي بوطلآل

[أبو طلال]

جزيرة سوقطرى التابعة لجمهورية اليمن العربية

وتقع في بحر العرب

شوفوها
هي مؤشر عليها بالعلامة الحمراء



يالله هاكم خريطة ثانية


وهذه خريطة قمر صناعي



عرفتوا مكانها ؟
زين الآن تعالوا عرفوا مكانتها

طبعا هي من الناحية الاستراتيجية مهمة جدا جدا جدا
لكن أنا بأتكلم عن مكانتها من حيث مكوناتها الطبيعية
بإختصار هي فريدة من نوعها
فيها نباتات لاتوجد في أي مكان في العالم
فيها حيوانات لاتوجد في أي مكان في العالم
عندها ثروة سمكية رائعة وأنواع نادرة لمخلوقات بحرية
لها أرخبيل بحري مميز وأحياد طبيعية ممتازة
لها معالم طبيعية لاتوجد في أي مكان في العالم

هذا جزء بسيط من معالمها الفريدة تجدونه في هالصور :
























اللي يبي يشوف أكثر من الصور يدخل هنا :

https://www.google.com.sa/search?um=...w=1183&bih=517


أو من هنا :

https://www.google.com.sa/search?hl=...OceFtAby4ICADw