***أيام التسدح قدام القناة الأولى (( لايفوتكم )) ***

[شَ ـآعُ ـٌر ٍ مُـً ِش‘ـًآعٌ َـْر ِ]

السلام عليكم ورحمة الله وبركاته ,,

يا هلا والله وغلا فيكم يالله ان تحييهم



المهم انا اليوم سالفتي ياطويلين العمر عن القناة الأولى ياحبي لها بالتلفزيون السعودي ايام الطفولة والبراءة

يوم كنت صغير كنت أقوم مع العصافير وأجلس قداام التلفزيون قبل ماتفتح القناة الأولى اشووف الألوان كانها فوطة الوالد الله يطول بعمره


هع هع هع هع هع هع هع
وبعدها أجلس أغني بصوتي العذب مع السلام الوطني <-----<-----ياعيني عالوطنيه
بعد السلام الوطني أجلس احتري القــرآن يخلص واذا خلص قلت صدق الله العظيم <==هذا اللي حافظه

واذا بدا الكرتووون أرووح فيها وافتح هالكشره وماسكرها الا اذا قطعوا علي الفيلم وقالو الإعلانات التجاريه يرفعوووووووون الضغط

المهم انا اجلس اقلب لي مجلة ماجد الين تخلص هالإعلانات
==============================================

المهم بما اني مدمن افلام كرتون ايام الطفووله ولي ذوقي الخاص <-----<----- احلى ياذووووووق بس لاينط لك عرق




اخترت لكم بعض الافلام اللي حفظتها صم من كثر ما شوفها





الكابتن ماجد

مدري وشلون يتشقلب في الهوا كم قلبه وبعدها يسدد الهدف
ويطيح عالارض ومايجيه شي ماشاء الله<=== ماشاء الله مصدق

يلعن بليسه كل ماجيت العب كوره ابتشقلب مثله مايمديني ارفع رجلي الا واهبد عالارض

والا حركة التوأم منير وأنور اللي كأنهم قرووود هههههههههههههههههههههههههه

بس اللي مشينها اننا عارفين انه فايز فايز بالمباراه حتى لو بأخر ثانيه يسجل ثلاث اهداف المهم يفوز

بس والله كنت اتحمس معه تحمس مهوب طبيعي واقعد ارفس اللي قبالي






بشار


اسميه ( بيض عيووون) جابلي الضغط وانا صغير على كبر عيوونه امه تمر من جنبه ومايشووفها

وانا عاد من زود التحمس اصااااااارخ اقوله امك ياغبي التفت الي يشووفني يقول يسمعني

هع هع هع هع هع هع

والله (90) حلقه وهو يدووووور امه






سالي

عاد تجيكم سيدة الشاشه الكرتونيه سالي هالبنت قطعت قلبي حته حته من تبدأ الحلقه ا لين تنتهي وانا صياح واهلي يجون يسألوني وشفيك من طقك فيك شي يوجعك وانا مانيب يمهم دموعي اربع اربع
بس كانت تقهررررني بشي واحد
يهااوشونها وهي ساااكته ويكرفونها وهي منطمه
ولاعاد تجيكم بنت التسلب آنسه منشن ياكرهي لها هالنجسه





هايدي

عاد هاذي اللي صدق بعدو عني اذا جت اخش جووو بقووه

هايدي فتاة جبال الألب والعنزااات والخرفااان
ياحبي لها هي وبيتر
كلير <--- المشلوله الحمدلله ابشركم مشت
وجدها الشديد <-----<----- بس اخر الايام هجدت شياطينه صار حليل
وجدت بيتر العجوز المنتهيه
ولا تهون عنزتها ويكي
بس تقهرني هايدي اذا فصخت الحياء و فصخت فستانها وراحت تطامر مع بيتر فوق التلال <<<<< مايصدق خبر





عدنان ولينة

عدنان ولينا <-----<-----<-----<-----<-----< ياعيني عالرومانسييييه يانااس

هذاا للحين عندي اشرطته من اول شي الى اخر شي

عدنان ذا الي من اول حلقه ماغير لبسه واخر حلقه تكشخ وجاب العيد

ههههههههههههههههههههههههههه

والا صديقه عبسي
ههههههههههههههههههههههههههه

وهو كشته وماغير دايم اصبعه بخشمه

هههههههههههههههههههههه

ولينا ذي الحساسه مهيب بناتنا خاليات من الاحساس والدسم
وعلام الشرير ياكرهي له هو وجهه المربع

والا احلى شي لما انطق عدنان بدل عبسي وحمًرت .....



=================================================


الله يالدنيا الحين كبارنا ماعاد نشوف الا محمد عطيه وهشام وافلام هنديه وشاروخ خان وفردين خان وتوم كروز وهذا طلع البومه الجديد وهاذي طلعت فديو كليب كسر الدنيا <==احلا بالتكسير..
شفت امس حفلة هيفاء وهبي مع وائل كفوري يقولون انه خطبها

خخخخخخخخخخخخخخخخخخخخخخخ

مير الحين القناة الاولى مانقرب حولها (بس انا فيني وطنيه شوي احب اشوف الاخبار )

ههههههههههههههههههههههههههههه

بس حبيت اعيد ذكريات الماضي <==احلا يالماضي

وايام الطفوله التي لنا انساها ولن انسى ابطالها <===لايكثر





ودمتــــــــــــــــــــــم بخير
__________________

ملطوووووووووووووووووووش لطشا مبرحا