(( سجل حضورك في بيت شعري ))

[الحــزن عــادة]

ايه احبك وهذا حظي اللي انكتب
ودربي اللي امشيه وادري به تعب

ايه احبك وانت في عيوني سهر
وانت وسط القلب حرات وقهر

بس احبك وهذا حظي اللي انكتب
ودربي اللي امشيه وادري به تعب

اشوف الناس بعيوني ومن بدهم اشوفك غير
واحس مثلك في هالدنيا فدنيا ابد مايصير
في عينك سحر ياخذني ويخليني معاك اسير
واحس عمري وقف عندك ويامي وراك تسير

ايه احبك وهذا حظي اللي انكتب
ودربي اللي امشه وادري به تعب

يادمعه عين في فرحي ودمعه عين فأحزاني
ياحب تالي العمر اهلا نطرته سنين لي جاني
بشيلك في وسط عيني يا اغلى حب لاقاني
وفي قلبي يافرح قلبي وشبابي اللي رجع ثاني

ايه احبك وهذا حظي اللي انكتب
ودربي اللي امشيه وادري به تعب.





..:.. الحـ ـــزن عـ ـــادة ..:..

[الحــزن عــادة]

تكفى اسكت .. كلامك بادي يقهرني
تبي نبعد .. أنت تامرني .. تامرني

مليت أزعل .. مليت وانت تعذبني
خلاص ماقدر .. بغيب وانسى ترجعني
كلامك بادي يقهرني ..

---

كله تجرح .. بسميك عاشق دموعي
عسى تفرح .. أبطفي باقي شموعي
ماقدر أصبر.. وأشوفك ناسي وجودي
وليه أصبر .. وقلبك تارك حدودي

ذليت قلبي .. كل يوم تقسى وتظلمني
ياريت مرة .. حبيبي مرة تدللني
كلامك والله يقهرني

---

أجي عندك .. وأحطك تاج ٍ براسي
بدل شكرا ً.. لقيتك تذبح احساسي
حتى أهلي .. يقولوا وينه شخباره ؟
ترضى أقول .. عطاني طعنه غداره

بشوف بكره .. وكيف ناوي تعوضني
والا انا عادي .. مليون غيرك يدورني
كلامك كله يقهرني






.. الحـــ ــزن عـــ ـــادة ..

[عَذْبَھْہّ]

كنّه يقول " العشق" فيكم
وفيني ؟
مع أنه " الساكت " وأنا ماتكلمت ؟
أنت تبي " الصمت "
[ بينك وبيني ] !
طيب " أحبك "
كيف تنقال بصمت ؟

[كلمة حق]

أبي بس أظفر بقلبـك مـدام الشـوق لـك مفضـوح
ومدامـك بالعـروق اللـي تحبـك دايـم ٍ تـجـري

أبي عطر الغلآ منـك حبيبـي كـل يـوم يفـوح
أعــزك ويشهدالله أعــــزك يابعـد عمـري ..!

[كلمة حق]

تطري علي كثر ما أسرح بطاريك
وأرسم خيالك وأحبسه بين الأهداب

وأغمض عيوني بالأجفان وأغطيك
وأفتح أناظر فيك من زود الإعجاب

نعم أغليك يامنى الروح وأغليك
لوشاب راسي منك القلب ما تاب!!

[نبض الأمل]

[ ممنوع ] أقول : القلب / شيٍ يعيقه
قهوة ( ظروفي ) .. حَلَّهَا , زعفرانك
[ ممنوع ] أقول إنَّ الزمن ما أطيقه
لأنه زماني صار " صدفه " زمانك ...!!

[الحــزن عــادة]

الله عليك .. يا نبض الأمل

صح لسانك .. دمتي سالمه




الحـــ ـــزن عـــ ـــادة

[الحــزن عــادة]

تفرقنا السنين ونجتمع والجرح نفس الجرح
على درب الفراق دموعنا تسبق خطاوينا
شرحت ظروفنا للوقت لكن مافهم للشرح
صبرنا والصبر جمره وراء الاضلاع كاوينا

ترى وجه المتيم لو تبسم لاتحسبه مرح
امانيه اتهاوى من عيونه مثل امانينا
بنى من ذكرياته في محيط العاطفه كم صرح
لكن هاج المحيط ومالقاله ساحل وميناء

ياناس العيد ماله لون ولاله طعم ولا له فرح
واذا قلتوا وش الاسباب قلت الله يعافينا
نلوم الوقت والقصة ماتبغي جمع ولا طرح
لأن العيب من ربي خلقنا ساكنن فينا






..؛.. الحـــ ــزن عـــ ــادة ..؛..

[الحــزن عــادة]

الله يغمرك بالهنا والسعاده .. ياللي جعلت ايامي افراح وياك
في نظرتك هيبه شموخ واراده .. وفي وقفتك تكثر بعيني مزاياك
واشوف ليلي بشعرك وسواده .. واشوف شمسي مشرقه في محياك
واشوف في رمشك جيوش الاباده .. واشوف في عينك مدارات وافلاك

سماع صوتك حزة النوم عـــــاده .. صار السهر .. شي اساسي بلياك
طلع معي سكر على غير عاده .. وهذي سبايب كثر وصلك ولاماك
في شفاتك الثنتين سكر زياده .. حاول تقلل نسبته في شفايااك
يمشي على شورك ويترك مراده .. قلب يحبك لأن .. ما عنده ادراك

وان غبت قلبي معلن لك حداده .. وان جيتني .. متعه حياتي بلقياك
خلاص انا قررت .. وبــلا هواده .. أفارقك واشبع خفوقي بفرقاك
تعبت من كثر الفرح والسعاده .. ابغي اجرب طعم الأحزان وياك






..؛.. الحــ ــزن عـــ ــادة ..؛..

[عَذْبَھْہّ]

انا والقلب والحلم الغريب ونقطة استفهام
وباقي ذكرياتٍ مابقالي غير ماضيها

اخلق المستحيل الصعب واقول ان الاملقدام
جروح ازيدها هم وقهر وجروح اداويها

واذاصارت حياتي نصفها واقع ونصف احلام
اقول الصفحه اللي ماتناسب ذوقي اطويها