مساجله شعريه في تحدي الشقرديه - الصفحة 43

**كلمة حق** · 03-01-2009, 03:54 AM

حرف عذبه /ب

بأسباب علمٍ لخبط بعيني الكون = وخلا بوسط الصدر نارٍ وقيده
علمٍ يخلي كامل العقل مجنون = وتحزن على سمعه قلوبٍ شديده
القلب كنه بين الأضلاع مطعون = كن السيوف تقطعه في وريده

**عَذْبَھْہّ** · 03-01-2009, 03:56 AM

ماشاء الله تبارك الله ربي يحفطك
صح الله قلبك ولسانك وعلى الجديد عانك
ولاهنت ولاهان شانك .. وان شاء الله حنا موعودين منك تحطها بملتقى الشعر >>> كيفي ..

**عَذْبَھْہّ** · 03-01-2009, 03:58 AM

هرجـة الرجـل تعطـي صـورة ٍ عـن طباعـه
والنـبـا يظـهـر الـلـي بـيـن حــدب الحـنـايـا

**كلمة حق** · 03-01-2009, 04:02 AM

أبشري ولله ياأختي عذبه ....
أنا عندي فوق 30 قصيدة تقريبا ....جات فتره وتركت الكتابه...
والحين رجعت أكتب من جديد....

**كلمة حق** · 03-01-2009, 04:03 AM

حرف عذبه /أ

أغلى من عطور ٍ من أغلى التصانيف = وأزكى من الريحان لافاح صافي
على متن ريح ٍ مع الورد تحويف = مني سلام ً لأبنة الجود وافي
أنا أشهد ان القاف يزداد تشريف = وبمصافحك يزداد نظم القوافي
القول يعجز والمشاعر بها زيف = من حسن ذاتك طيبك اليوم كافي
انتي على وجه الثرى الورد والريف = عليّ شعاع الشمس وأنتي إلحافي
هذا وانا لو أكتب القاف وأضيف = الشعر يعجز يأصفك فيه قافي

**لـــمـــ سة حــــ نان** · 03-01-2009, 04:05 AM

يا شاغل احساسي وعمري وخيالي
،،،،،، يا من لقلبي بلسم الجرح والعوق
مِنْك الوفا يكفي وهذا منالي
،،،،،، في دنيتي يا حالي الطبع والذوق

**عَذْبَھْہّ** · 03-01-2009, 04:12 AM

قبل الغرام وقبل مااصير .. مغليك
أعاهدك مااقول : غير ..( آمر وسمْ )
حتى لو إنك قلت : برحل .. وأخليك
بقول لك : تامر على ماتبي .. تمْ
رايح أكون إنسان .. يفهم مباديك
أشاركك بالضحك .. والحزن .. والهمْ
مهتم بكْ .. وأغلي بعد من .. يخاويك
ومن لايهمك ماني ب فيه .. مهتمْ
بفتح لك .. بصدري وقلبي .. شبابيك
وأنقش غرامك وأرسمه .. داخل الدم
وإنْ جاك نوم .. رموش عيني .. تغطيك
غمض عيونك وسط عيني وثم .. نمْ
وان قلت لي وش كبر حبي بخافيك ؟؟
أقول أحبك .. بس .. مدري أنا كمْ !!
أبيك تسرقني .. لروعة مراسيك
وأموت بك موتة غريق ٍ .. وسط يمْ
أبيك تدرك يوم انا جيت أماشيك
قصدي تكون أقرب من .. الخال والعمْ
قصدي تبعثرني .. اليا مر طاريك
وأحنْ لك .. وأجيك .. ملهوف ل اللم
قصدي أعشقك .. وأتمناك .. وأرجيك
وأشفق على شوفك.. وضحكك .. مع الضمْ
أبيك تفهم ..!! يمكن أقبل تماديك
وأسامحك لااخطيت .. وأقول : ماهمْ
لكن ..!! لو إنك قلت : برحل وأخليك!!
بقول لك أبشر .. على ماتبي .. تمْ

**ℓα∂y ℓανєи∂єя** · 03-01-2009, 04:13 AM

مآ آنتي م‘ـن آللي يس ـتحق اْلمودّهـ

مآتعرفين الحب والعطف واللّين

ولا عاد في قلبـَـًـَـَي على الح‘ـب { شدّه ~

**كلمة حق** · 03-01-2009, 04:13 AM

ماشاء الله عليكم صرتوا تسرعون في الكتابه

هذا اهداء خاص حق أختي ليدي

هذي قلة الحيله شكيته لسميع = ربنا الرحمن خلاق الفلق
الاله الفرد والعال الرفيع = يدحره سيات شر اللي خلق
ياعزيزي ياسهر خل الوجيع = وانحر المعبود عن درب ٍزلق
ياعسى يجلي همومك يابديع= ويرفع الضيقات عنك والقلق

**عَذْبَھْہّ** · 03-01-2009, 04:21 AM

تستاهل ليدي
الله يبعد عنك الضيقه تبطي ماتزورك وماتزور غالي

كلمة حق ..
الله الله الله واااااااااااااااافي صح الله لسانك مدد
بلاعدد اليوم ودوم وبيض الله وجهك
ودام نزفك الجميل تحيتي وتقديري لك
أبدعت في جميع ماقرات لك سابقا والان ..
ولهذا طرحت سؤالي ..

الإهداءات
إضافة إهداء