|
|||||||
للإتصال بالإدارة عند حدوث أي مشكلة أو إبداء رأي
 الإهداءات |
 |
|
|
أدوات الموضوع | إبحث في الموضوع | انواع عرض الموضوع |
10-17-2009, 02:07 AM
|
#41 | ||||
|
السلام عليكم ورحمة الله وبركاتة
شكرا لك تولين على طرحك للموضوع بس مو بهذا الطريقة مديرة الروضة مدرسات الروضة كلكم فيكم الخير والبركة صحيح انتم زعلتوا بس المفروض ان تكون كتابات الاخت مراه لكم واستفيدو من النقد البناء واذا فية شئ غلط لا تلتفتوا له وحاولوا ان تطورون من انفسكم وتتطلعون ماهو جديد من النت واي وسيلة اخرى مفيده لطفل واقسم بالله اني سجلت بنتي عندكم في الروضة وعندي ثقة فيكم السنة هذي وشكرا للجميع المشارك والقارئ فان اصبت من الله وان اخطات من نفسي من الشيطان |
||||
|
|
10-18-2009, 03:16 PM
|
#42 | ||||
|
اختي تولــين
انا سأعلق على نقطة واحده فقط وبقية ماقيل فأنا لااعلم عنه شي . . ولكن احببت ان انوه أن مرحلة الروضة ليست مرحلة اعداد للكتابة والقراءة فقط أي أنها ليست مرحلة للتعليم بقدر ماهي مهمه بالنسبة للطفل ففي الروضة قد يبدع ويطور من تفكيره فالروضة ليست حروف وارقام يتعلمها وان لم يتعلمها كان قصور لا الغي انه يتعلم في هذه المرحلة ولكن الحروف والارقام مهمة المدرسة الروضة تعويد للطفل على النظام وتهيئة للمدرسة صحيح ولكن ليس اجباري ان يتعلم فيها الحروف والارقام فهو سيتعلمها لاحقا ولا تجعلوا هذه المرحلة مرحلة تعليم مناهج اجعلوها فترة متعة للطفل ومابالك بمن يسمي هذه المرحلة بمرحلة اللعب فماذا ستقولين في هذا ؟؟ من خلال اللعب يتعلم الطفل .. من خلال النظام اليومي للروضة يتعلم الطفل ادعية وقيم في الوجبة في غرفة النشاط في الفناء اتمنى التطوير في الروضات جميعها ولا اقصد الروضة الخيرية فقط . . . واوجه هذه الكلمة لجميع كادر الادارة في الروضات اسعوا لتطوير الروضات واثراءها بما يفيد الجيل من ادوات واجهزه ويرقى به ويظهر المواهب والابداع لاتستهينوا بالاطفال فلديهم من الابداع والفكر مثل مالدينا وافضل اسعوا للرقي بتفكيرهم واوجه كلمة لكل مربية لهذه المرحلة اطلعي وثقفي نفسك أكثر واكثر وسبق ان سمعت عن معلمات لرياض الاطفال هنا في العيون على قدر عالي من الثقافة واسلوب التعامل الراقي مع الاطفال وتوفير البيئة المناسبة للطفل اتمنى التوفيق والسداد للجميع والسعي للتطوير دائما سواء كان هناك قصور ام لا والتطلع على كل ماهو جديد فهذه المرحلة تلقى اهتمام كبير حالياً وفقكم الباري لكل خير |
||||
|
|
|
10-21-2009, 01:18 AM
|
#45 | ||||
|
السلام عليكم و رحمة الله و بركاته
خارج عن موضوعكم و لكن عبق الماضي غزا عقلي في لحظات تصفحي لموضوعك اختي الكريمه تولين و باقي الاعضاء الكرام ... يوم كنت صغيرة >>> من زماااان ... جد من زماااان ، كانت روضتنا حلوه و كان فيها أبلتي >>> نسيت اسمها بس كانت سوريه او شاميه و كان فصلنا اسمه فصل الوردة أو الورود ، كنا كل يوم الصباح نأخذ شكل الطابور و نقول النشيد اللي فيه (( دولابي يدور دور ..)) >> نسيت الكبر شين ! المهم الدولاب هذا كان يدور و ايدينا كانت تدور معه بعدها نسوي رياضة الصباح >> فيس يبكي ، و كنا نرسم نلون و نلعب بالصلصال على شكل الحروف و الارقام >> فيس بعد يبكي ، فسحتنا كانت اليوم وجبة مكرونه بالطماطم >> الفيس يبكي ايضا ، كل واحد منا بصحن على الطاوله و عصير سن توب >> يقولون دانماركي عشان كذا فقدناك مع انه سنين عشرة معك ، و في نهاية الدوام كنا نستنى الباص يوصل الدفعه الاولى و نتابع توم اند جيري لحد وقت الباص الثاني >> ايه ياروضتنا ، أمي كانت تعذبني كتابة ! يعطيك العافيه يا أمي ، مااعرف الحين ايش صار في ابلااتي ؟ شكرا لك من الاعماق على تلك الذكريات السعيده ياروضتي ، يعطيكم العافيه يامن تعملون فيها بصدق و أمانه و إلى الامام دوما و إن كان هناك انتقاد لكم فهو من باب المحبه لهذه الروضه المعطأه التي خرجت اجيال و اجيال ، أما انا فلا استطيع الحكم او الانتقاد لأن عصري قديم و لم أواكب الروضه الحديثه و ليس لي قريب فيها .. بالتوفيق يا رياض طفولتي |
||||
|
|
|
10-21-2009, 02:19 AM
|
#47 | ||||||||||||
 
|
السلام عليكم ورحمة الله وبركآته ..
أنآ رآح أضيف رأيي بكل صرآحه مع احترآمي لكل مآذكر اولا : حينما نطرح أي موضوع نراعي فيه الامانه في النقل وغير ذلك طريقة طرحه وماهية طرح مثل هذه المواضيع ومعرفة سبقا توابع الطرح ..و تطرقتي للموضوع وخرجتي عن فحواه في بعض ملاحظاتك وتطرقتي لاشياء مالك حق فيها .. وكنت اتمنى لوانك ناقشتيها معهم قبل اللجوء لطرح الموضوع ..ولو عملتي بذلك ومالقيتي تجاوب او رغبه في التجديد والتطوير هنا وقتها ممكن تطرحي الموضوع لانك حاولتي ومالقيتي اي تجاوب او غيره .. اولا /من ناحية طريقة التدريس هلمعقول النصف الأول بأكمله يدرس الطلاب والطالبات الحروف للحرف الجيم او الصاد والنصف الثاني يكملون الباقي وأكثر من شهرين في بدايةالسنه مايدرسون شئ مآراح افتي فيه لاني مافيني اتناول شي ماتأكدت منه .. ولد اختي واولاد اخواني يدرسون فيها بس مابعد اسأل وان سألت بنفس الوقت انا ضد ان الموضوع يناقش ويطرح قبل الاخذ بالامر ومنآقشته معهم ثانيا/ هل معقول إن المديره تظلأكثر من 10 سنوات على كرسي الإداره صراحه شئء مايصير المفروض يفتح مجاللأشخاص آخرين لتولي منصب الإداره لو نظرنا من جهه اخرىحتى رئاسة امريكا تظل كل 4 سنوات والتجدييد يكون بالترشيح والإنتخاب . هنا مااعتقد لك حق يخولك تقولين هالكلام وخرجتي عن طرف القضيه وتناولتي خارج الموضوع ببعيد وكلمة المفروض لا انا ولا انتي يالغلا نحدد وش المفروض كل واحد وله الحق ياخذ نصيبه في وظيفته وله كامل الحريه في تركها لغيره او البقاء فيها .. ووش دخل رئاسة امريكا فيها في توظيفات اداريه بخلافه الرئاسيه ؟؟ خارج نطاق الموضوع من مشكلة الاطفال الى مشكلات التعيين والتنصيب وخلافه .. روضات خاصه بالهفووف وغيرها تتبعاسلوب تربوي جديد وحضاري ويااااكثر التربويات اللي متخرجين وعندهم بكالريوس وجالسين بالبيت والمدرسات اللي الآن بالروضه خريجات ثانويه عامه ولاعندهم اسلوب تربوي ولا شئ ماعدا كم معلمه استثنائيههم اللي يتبعون فيها اسلوب متطور ومتقدم ,طيب اذا جات أي بنت جامعيه تسأل عن الوظيفه يقولون فيه وظايف فقط للمحتاجين والمحتاجين الموجودين في الروضه لاتتعدى شهادتهم الثانويهالعامه!!! انا ما أقصد شئ فيهم ولا قصدي أقطع رزقهم لكن أنا اتكلم بلسان كثير من امهات وآباء العيون يعني الكل حبيبتي السنه الدراسيه او الشهاده الممتلكه ليست سبيلا للمناقشه او للمقارنه وليست قياسا على عقليه الفرد او طريقة تعامله واسلوبه والله عاشرت ناس عندهم شهاده المتوسطه مو الثانويه ولكن تعاملهم الراقي وسلامة فكرهم وعقليتهم توازي من هو خريج البكالويس ويفوق .. فلا المرحله العمريه ولا الشهاده تحدد اسلوب وتعامل الفرد مع الناس وغيره هناك عقليات احترمها مع صغر سنها وشهادته لاتتعدى السنوات الدراسيه المعهوده وقد نجد العكس من لديه شهادة عاليه لايملك الاسلوب والتعامل الراقي والفكر الناضج الم وعكسه خريج البكالويس افضل فليست الكفاءات والشهادات وسنوات الخبره دليلا قاطعا على قابلية الشخص للعطاء وتادية الواجب والسير بدفة الامور للافضل وان كان البعض عنده اسلوب والغير ماعنده فكل وحده منهم تمثل نفسها فلايعني وجود بعض الكوادر التي لاتتخذ اسلوبا راقيا يلغي قدرة الشخص الاخر بنفس المرحله وغيرها على العطاء مع وجود تلك الشريحه فيها فالصالح يغلب الطالح ان وجد .. عموما مثل هذه المواضيع انا افضل ياختي تولين قبل ماتطرحينه على الملأ ومنآقشتها علنآ .. كان حريآ بك نقلتي مأساة امهات الاطفال الى المديره نفسها او الاداره بشكل عآم .. كان فيك بكذا طريقه تساهمي في التغيير والتطور من غير طرح الموضوع قبل تناوله معهم أقلها عملتي استماره او ورقه وكتبتي فيها كل ملاحظات الامهات وارسلتيها للروضه وصدقيني مهما يكن مافيه أي اداره ماتسعى للتطور والتغير لو اطلعتيها على النواقص والحاصل في الروضه .. سيكون هناك عين وفكر وعقليه تسعى لادراك بعض الامور وكلنا نقع في نقص في العطآء ولربما قصور في الاداء وربما فتور في امر او امور .... وان يكن هناك مبدأ حتى دفع المنكر يكون بالتدريج وبالحكمة والموعظة الحسنه ..وهو ليس كمثال عن منكر ولكن قيد الثمثيل لفظا لاادارجه في تلك اللفظه وحاشا لله .. والنصح والتوجيه يكون سري غير ظاهر كي يسعوا لتغييره للافضل مع الوقت وتفادي بعض الاخطاء والوقوع على ملاحظاتك والمحاوله في الشروه لتطبيق ولو بعضها ورغبات بعض الاهالي .. اما ان الموضوع ان يطرح للنقاش من غير ماساهمت بدايتها بنفسك بينك وبينهم ولاحظي ماقلت كلميهم ع الهاتف او تروحي شخصيا تخآطبيهم قلت أقلها ورقه كتبتي فيها كل أراء الامهات لكي تقع عينهم على بعض ماذكرتي ومع الوقت يساهمون بالتغيير والشروع للافضل ونظل مقصرين مهما حاولنا لنسعى للكمال غاليتي المعادله كالتالي // تهاون في الخطه التعليميه + عدم اسلوب تربوي =طفل فاشل" وبقووه ايضا " مو شرط اللي يظهرون كلهم أغبياء وبعض لايعني الكل ولاهو قياس للكل .. الله المستعان .. يعني ياليت ساهمتي باقتراحاتك وافكارك وتوجيهاتك بالسريه وبطريقة ارقى وافضل ومع الوقت بتلاقي الطيب منهم فانا مع مبدأ الكلمه الطيبه والاسلوب الحسن مفتاح وبوابة لعبور كثير من الامور وسهولة مداركها وتداركها .. وتبقي في النفس اثر طيب ومحاوله يشهد لها بالنجاح المبدئي خلفا .. وخير مثال وشاهد هذه الابيات : ويقول الامام الشافعي رحمه الله تعمدني بنصحك في انفرادي وجنبني النصيحة في الجماعة فإن النصح بين الناس نوعً من التوبيخ لا ارضي سماعه وإن خالفتني وعصيت امري فلا تجزع إذا لم تعط طاعة اختي تولين حلو ان حنا نفكر في التطوير والتغيير والمساهمه في سير الامور للافضل ولكن علينا الاخذ بالاعتبار كل الطرق والوسائل لذلك قبل طرحها ونقاشها على الملأ وكل منا قبل أن يقم على امر مآ عليك ان يضع نفسه مكانه .. وصدقيني لن يرضى احدنآ بذكر عيوبه امام مرأى الكل بل حبذآ لو أظهرتي لهم ذلك بكذا طريقه أفضل وأرقى وحفاظا لمآء الوجه ونحن جميعا نسعى للمصلحة العامة وسُبل التطوير ومفاآداة الفشل ولكن قد نهفو ونسقط وجميل ان نجد التوجيه من غيرنا سوآء يكبُرنا أو يصغُرنآ ولكن بالطريقه الافضل ومراعاة السريه في النصح والتوجيه .. احترامي لكل مرتادي الروضه وادراتها وطاقمها الاداري فردا فردا وفقكم الله وسدد الى طريق الخير خطاكم وكلنآ أمل مديره الروضه ومعلماتها ان تسعوا لتقديم الافضل والسعي برفع مستوى التعليم لدى الطفل وكفاءة التعلم بما يدرس ومايساعد على تنميه مداركه .. احترامي تولين لك .. واتمنى ان تستفيدي من بعض ماطرحت سلفا في طرحك للمواضيع التي تتطلب خطوات اولى قبل البدء بهاآ وعرضها فهذه الامور تتطلب التصح والتوجيه بالسريه كاسلوب أرقى وانقى في النفس ويتقبله كل شخص .. عذري لو زلزلت فقد كتبته على عجل واسترسلت بالكتابه دون الرجوع اليه ..وربما لي عوده ولاأعد بذلك .. وليس كل مايناقش يعطى ثماره فهناك الطيب والخبيث وهناك الصالح والطالح جعلنا ممن يقولون قولا لايندمون عليه لاحقا .. اللهم ارنا الحق حقا وارزقنا اتباعه وارنا الباطل باطلا وارزقنا اجتنابه .. ولاتؤاخذنا ان نسينا او اخطأنا .. 
|
||||||||||||
|
|
|
10-21-2009, 04:42 AM
|
#48 | ||||
|
انا مع الاخت مراقبه بنات حواء
في هذا الطرح الذي يعود بالنفع والفائده للجميع في ذلك لما فيه اهتمام ومصلحه للجميع وبدون تجريح لاي شخصيه كانت في هذا الصرح العريق لما فيه فائده تفيد الجميع من اين كان |
||||
|
|
|
10-21-2009, 06:40 AM
|
#49 | ||||
|
الأخت تولين موضوعج ناجح واكبر دليل وجود ردود كثيره من المعارضين والمنصفيين والمؤيدين والصراحه راحه حنا ماذبحنا الا هذي النصح والتوجيه يكون سري بالعكس انا اشوف اتوجيه بهذا الطريقه افضل وبعدين الأخت تولين ماجرحت احد في كلامها وبعدين الاختلاف في الرأي لا يفسد في الود قضية شي جيد ان نتحاور بدون تجريح وهذه ظاهره صحيه لكن للاسف في ناس ماتعجبهم الصراحه يبون يصادرون آراء الآخرين للاسف الشديد ممكن إن اختلف مع الأخت تولين لكن بدون تسفيه ومصادر الرأي وهذي رسالة الى الأخت تولين اطرقي روؤسهم بالمطرقه فمثل هذه المواضيع تبني ولا تهدم كم يقال وبعدين ياليتك تفتحين موضوع عن التعليم الفاشل في جميع مراحله ويبقى للكل وجهة نظره وبعيد عن التسفيه وتحقير الى متى وهذه العقول متحجره تولين امضي على بركة الله وفتحي مواضيع التي جبن أكثر الناس ان يفتحها دمتي قلم يقهر الجمود
|
||||
|
|
|
10-21-2009, 07:50 AM
|
#50 | |||||
|
اقتباس:
انا ماكنت ناوي اعلق على الموضوع واغلب المواضيع الجاده اتجنب النقاش فيها حالياً .............. لاكن الكلام الي بالاحمر خلاني اقوم من سدحتي واشغل نور الغرفه المهم ......... عقول من المتحجره ؟؟؟؟ هل انتي مدري انت من الي يسمون انفسهم مثقفين وانهم صفوة المجتمع وانهم المتعلمين الفاهمين وانهم مثقفيين واصحاب اطروحت تنويريه !!! ويعتبرون باقي الناس متخلفيين وعقول متحجره همجيه رجعيه غبيه !!؟ اذا كنتي مدري كنت من هذا النوع اتمنى تستمر هنا في المنتدى وتنزلي مواضيع نقاش عشان افتح غطاء القلم <<<<<< خارج نطاق الموضوع لان عندي حساسيه من النوعيه الي ذكرتها |
|||||
|
|
|
|
|
المواضيع المتشابهه
|
||||
| الموضوع | كاتب الموضوع | المنتدى | مشاركات | آخر مشاركة |
| مستشفى العيون مهملة ومنسية من قبل المسئولين بوزارة الصحة أقراء في الداخل وتعرف الحقيقه | رٍسِـــلآنٍ | ملتقى مجتمع العيون | 6 | 02-16-2009 06:44 AM |
| قصة حب حزينة... | ابوعبدالله | أحآسيس جميلة وهمسـآت دآفئه | 4 | 12-23-2007 08:24 PM |
| افحـص إسـلامك مجّانا | عابر سبيل | الـمــلـــتـــقــى الـــعـــام | 8 | 02-15-2006 10:11 AM |
.png)
العرض العادي
