(( سجل حضورك في بيت شعري ))

[محتـار]

علاقتي بك غير عن باقي النـاس
فوق المحبـه والغـلا والصداقـه

ان ما جمعنا الشوف يجمعنا الاحساس
يعني معك حصل ضميري وفاقـه

سويت لك في القلب مهجع ومجلاس
مزينـه بالـورد الأحمر باقـه وبـاقـه

واظن لو تشكي علي ضيق الانفاس
فكيت في صدري على الجو طاقـه

[ع ـــاْزفـــــة]

يآهيييه دنيتي من غـيرك سـطـر خالـي مـن حروف ..
ينتهي الإحـساس فـيني كالجـسـد من غـيـر روح ..
لا تـظـن صـمتي غيـاب أو تجـاهـلـ أو ظـروف ..
أنت شي في حـياتـي ما يـتعـوض لـو يروح .. !!

[محتـار]

اعـذب كـلام الحـب كلمـه أحـبـك
لاقلتها لي ياهوى النفس باحسـاس

وارق كلـمـه ياحبيـبـي بقلـبـك
انسى بها نفسي على طول والنـاس

احـب تنطقهـا الـى جيـت جنـبـك
اربع حروف عطرها فـوق الانفـاس

[ع ـــاْزفـــــة]

...........
في فوادي تحركت الشجـــون = مثل ما هي النار يسعرهـــــا المهب
تكتمل دنياي بقربك يا حنون = وان طواني الموت صرت انته السبب

[محتـار]

روحي تحبك والمشاعر تناديك
الله لايحرم عيوني عيونك

اصلا انا كلي كذا ميت فيك
اقسم بربي صعب ماقدر اخونك

[صفا]

يثور في قلبي ..مـن الهـم.. بركـان..
ويصيح بي.. شوق ٍ كما.. الريح عاتي ..




من وحدتي ..اصرخ وما حولي.. انسان..
واسمع.. صدى صوتٍ.. ينادي شتاتي..!

[محتـار]

كم مرة جيت أتكلم وهونت
تصدق أني من غلاك أستحي منك

[ع ـــاْزفـــــة]

ليه كل ماحبيتك اكثر زدت قسوه
وان دريت بحاجتي لك زدت جفوه
وان عطيتك من حياتي ماتريده
ماكفاك وتحسب ان الحب نزوه

[صفا]

جـار القـدر والـحـظ خــان وغـدربـي
والوقـت عــن شـوفـة وليـفـي غـدابـي
والمركـب اللـي جابـنـي ماعـبـر بــي
فـي وسـط غـبّـات المنـايـا ثــوى بــي
لانـي وصلـت ولاهـو اللـي ثـبـر بــي
قـبـل يتـطـاول فــي خفـوقـي عـذابــي

[محتـار]

ما عاد لي بمطارد الصيد حاجه
الا غزال صادني قبل اصيده

ريم لبس في عالم الزين تاجه
عزاه داري عن دياره بعيده