(( سجل حضورك في بيت شعري ))

[الحــزن عــادة]

بلاش تجدد جروحي ولا جددلك جروحك
ولا اضحك على روحي ولا تضحك على روحك

كفاية قلوبنا صاحت هوانا سالفه وراحت
سمعت بعمرك الدمعة ترد العين اذا طاحت

قضيت الليل في غيابك اقول شلونو في غيابي
انام بحضني ثيابك ودمعي حاضن ثيابك

حنيني كيف ما دلك ابيك وعاجز ارجعلك
عرفت انك مثل نجمة اشوفك بس ما اوصلك

[الحــزن عــادة]

لا يجيني ولا ابيه لا يتعنى لخاطري
باعني قلبه خلاص ومن يبيع ما يشتري

روحوا قولوله اش يبي خذ مني كل اللي يبي
ما نفع صبري معاه ولا رضاي ولا تعبي

ما يخاف الله نكرني باع قلبي واطعنه
ليت قلبي ما عطاه وليت صدري ما احضنه

ليت عينٍ حبته انعمت ما شافته
يا حسافة يالسنين اللي مضت في عشرته

في هواه الله حسيبي اشتكي لله عناي
وكل دمعه من عيوني تشهد بجرحي وشقاي

والله لو موتي بإيديه والحياة ارضى عليه
مستحيل ارجع لحبه او يدي تلمس ايديه

[نبض الأمل]

’*


مليت قل العطآ وآحسآسك آلمخفي
مليت تقسى علي وأسأل عن علومك !

يآ سهل مآ تقترب يآ سهل مآ تقفي
كنك ملكت آلفرآق ولذة قدومك !

[الحــزن عــادة]

بصبر على فرقاكم مهما تمر سنين
اتخيل محياكم يحبيبي في العين

سبحان من انشاكم ومكملك بالزين
قلب العنا يهواكم ياناس ياناسين

افرح انا بلقياكم وانتوا علي قاسين
وابكي على لاماكم وايام مرت وين

القلب يبغي رضاكم مجروح به جرحين
جرح الجفا وفرقاكم وجرح نزف الحين

الله ياذكراكم على العيون تبين
ياليت بس شفناكم نتعاتب الاثنين

وان مر بي طرواكم اصغي شرا مصلين
باقي على لقياكم ياليت يوم تبين

[الحــزن عــادة]

صابر على طول الليالي والأيام ... أنشد وأدور راحتي والركاده
كم ليلة أسهر بها وغيري ينام ... وأعاف انا مرقدي والوساده

يزورني هوجاس وأعيش الأحلام ... وأشوف أنا حيرتي في زياده
لا مر طيفه في سما فكري وحام ... أحس باقي في حياتي سعاده

من لامني عساه بالحب ينلام ... ويذوب من نار المحبة فؤاده
آمر تدلل دوم تلقاني قدام ... ياللي الحسن من بعدكم صار ساده

[الحــزن عــادة]

مستريح البال ولاقيل ولاقال
شاري الراحه مالي بالهموم

الهوى ياناس هو بالعدل
لو صفا لك يوم ماضنه يدوم

من يذوق الحب عرف طعم الليال
يشتكي منه ولايقدر يلوم

والعمر لاراح مايرجع محال
لاولايرجع حتى في الحلوم

انا قلبي مايبي هم وسؤال
مايبي بايع ولا شاري يسوم

خلني مرتاح ياولد الحلال
عاشق الراحه عساها لي تدوم

[الحــزن عــادة]

الليله وانا جالس لحالي
ولا ادري ش اللي طرى لي
بالبيت .. كل الخلايق
تذكرتك ورجعني لخيالي

غريبه بعد كل هالسنين
تصحي في قلبي الحنين
الحنين واتذكر ..

كني اشوفك اتواعدنا وجيتك
في كل مره وعدتيني ووفيتي

احس هالحين احساسي الاول
ماكن في شي في الدنيا تحول
غريبه بعد كل هالسنين
تصحي في قلبي الحنين
الحنين واتذكر..

دنياي دارت والمشاعر دفينه
لاوقت غيرها ولا شكوى حزينه

كللي تغيرت الا انت في عيني خيالك
كللي تبدلت ما في فقلبي بدالك

غريبه بعد كل هالسنين
تصحي في قلبي الحنين
الحنين واتذكر

[الحــزن عــادة]

صدقني .. لو كنت عارف ان قلبك حبها
ماكنت لبيت النداء من قلبها

انت اللي قلت اشوفها .. واني اراعي ضروفها
ارجوك لا تزعل علي .. انا بين ضلوعي قلبي حيٌ

صدقني ..

في عيونها شفت العناء .. عيون تدور على الهنا
قامت تناديني انا .. لبيت

فجأه التقى شوقٍ بشوق .. احساس يسري بالعروق
حسيت قلبي ذا يتوق .. حبيت

انت اللي قلت اشوفها .. واني اراعي ضروفها
ارجوك لا تزعل علي .. انا بين ضلوعي قلبي حيٌ

صدقني ..

ياصاحبي والله حرام .. كثر المعاتب والملام
انا ضحيه للغرام .. مغلوب

فيها لقيت احلى الوصوف .. والحب اعمى مايشوف
نصيب وجابته الضروف .. مكتوب

انت اللي قلت اشوفها .. واني اراعي ضروفها
ارجوك لا تزعل علي .. انا بين ضلوعي قلبي حيٌ

صدقني

[نبض الأمل]

،‘


حزينه ؟
لااااا
حزيييينه حيييييييل وضاق الكون بعيوني

وحيده ؟
لااااا
فقيرة نااااااااس ووصل وصدق و أحبابي


تشحّ امزونهم تمطر وأنا أمطر وينسوني !
تعبت أطرق على باب الرجا / منهو طرق بابي!

ماغير الشعر يعنيني مادامه صار لي عوني
إذا كان الحزن لوني من أسبابه وأقرابي !

أمانه لاااا خذو مني / عمر / أحلام وخلّوني
أنا شـ بيدي سوى قيدي وقلم يكتب لغيّابي

[الحــزن عــادة]

اللي ايديه بالنار مو مثل اللي ايديه بالمي
ياللي تبيني انساك خفف علي شوي

القب مو وقته .. والقلب تعبته
مهما بعدت انت .. الحي يلاقي الحي

ياللي تعبت معاك واعطيت لك حبي
بعد السهر والشوق تجرحني في قلبي

صعبه تجافيني يا اغلى من عيني
ولو تطلب سنيني اعطيها لك بإيدي

لو حن قلبي في يوم احتار في امري
ولو زاد فيني شوق يخلص انا صبري

انت الهوى كله وحبك لا امله
بعدك انا يا عمري مايسوى عندي شي