عيش بالدجاج والمكسرات ( ينفع للعزايم )

[عَذْبَھْہّ]

بسم الله الرحمن الرحيم

الطبخه طويله شويه بس صدقوني لذيذه


اول خطوه نحضر العيش وناخذ جزء منه نغسله ونخليه في المشخله عشان ينشف من الماي يبيله على
الاقل نص ساعه لين ينشف عقب نقليه بدون اضافة زيت لين ما نوصل للون المطلوب ممكن ذهبي
او بني ( الصور تشرح الكلام )




نجهز الدجاج بخلطه عباره عن ملح + فلفل اسود + فلفل احمر + كزبره ناشفه + كمون +
هال + كركم + زعفران + ماء ورد + زيت زيتون ( المقادير حسب كمية الدجج ) عقب نشوي الدجاج
في الفرن ( الشرح بالصور / غطو البايركوس بالقصدير )





نجهز الحمص المجروش ( احنا نسميه نخج ) وخطواته انه نغسله زين عقب انفوره مع عود قرفه وملح وكركم ونشخله ونغطيه عشان ما ينشف
( الخطوات بالصور )

[عَذْبَھْہّ]

عقب نجيب اللوز ( البيذام ) والكاجو ( الكازو ) نفورهم ويا بعض ونشل غلاف اللوز
( الخطوات بالصور )







نجهز بطاط مقلي بعد ما رشينا عليه ملح وفلفل + زبيب ( نغسله شوي ) + بيض + كوب فيه
ماء ورد وزعفران ( الصور تشرح )

[عَذْبَھْہّ]

خطوات الطبخ ( نقلي البصل ونضيف عليه الكازو والبيذام عقب ما يحمر
اللون ونصب خلطة الزعفران بالماء ورد و عقب نضيف البطاط ونرش عليهم
شوية ملح وفلف اسود وكركم عقب نصف البيض تحت ونحط النخج والزبيب ونرش شوية
هال ) نغطي المكونات لمدة عشر دقايق على نار هاديه
الصور تشرح






العيش طبعا نفوره عادي المقلي مع الابيض

[عَذْبَھْہّ]

وهذي هي النهاية السعيده :)


















بالهناء والشفاء

ومنقول لعيونكم >>> مايمديكم ع اللهجه شوي

[ℓα∂y ℓανєи∂єя]

تسلم يمينـك ياذوق .. وشغل مرتب وحلو .."
يَعطِيكِ العآفية .. و َ لآ تحرمِينآ هِيك وَصفآتـ .,!
بس متى ـآ نذوقهاآ منكـ ياعسل .,!
؛
عميق مح بتي "

[أبو طلال]

قسم بالله وكأني في فيلم كرتون
اشوف الصور وكل ماتمر صورة
تزداد حدقة عيني إتساعا وفمي أيضا وأفقد السيطرة على نفسي فيتصبب مني العرق كلما أزدت قربا من الشاشة وفمي لايستطيع منع مايخر منه
لا أحد يعتب علي فوالله أن الصور فعلت بي الأفاعيل فكيف وإذ هذه الوجبة عندي في السفرة

والقطوة حقتي تصيح وتقول ياعذبة عذبتي صاحبي بالطبخة هذه

[رٍسِـــلآنٍ]

قسم بالله وكأني في فيلم كرتون
اشوف الصور وكل ماتمر صورة
تزداد حدقة عيني إتساعا وفمي أيضا وأفقد السيطرة على نفسي فيتصبب مني العرق كلما أزدت قربا من الشاشة وفمي لايستطيع منع مايخر منه
لا أحد يعتب علي فوالله أن الصور فعلت بي الأفاعيل فكيف وإذ هذه الوجبة عندي في السفرة

والقطوة حقتي تصيح وتقول ياعذبة عذبتي صاحبي بالطبخة هذه

وصفت حالتي يابو طلال مع استثناء القطوة..... اذا شفت ها الطبخات ودي اصيح <<< متى ارجع العيون دار الزيون

بصراحه الطبخه تستحق التثبيت ويكتب قبلها لاتدخل وانت جوعان ويمنع دخول العزاب ..

مشكورة يا عذبة على الطبخة الخياليه

[عَذْبَھْہّ]

ويمينك يالغلا
يسلم ذووقك ومنطوقك
ابشري ماطلبتي الا عزك
ان شاء الله تذوقينها وقريب
وبالعافيه على قلبك
اسعدني حضورك وردك ..