صغير في سنه بس تعلمت منه

[أبو طلال]

أحيانا تتفاجئ من رد صغير سن
رده أكبر من سنه بكثير
حتى الكبار مايردون زي رده

وهذا ماحصل لي عندما سألت أحد الصغار من العيون كان جوابه عجيب بالفعل

كنت أنتظر شخص ( عضو عندنا بس مش نشيط ) عند بيتهم
وانا أنتظر إلا ومجموعة أطفال يمرون علي بسياكلهم
وكان فيه كرتون مرمي في الشارع
كلهم مروا جنبه وبعضهم كان يشوته وهم مارين جنبه
إلا واحد منهم وقف وسدح سيكله وشال الكرتون ورماه عند الزبالة
توه بياخذ سيكله وبيروح إلا وأناديه ( لازم أتلقف هههههههههه )
وش إسمك ( قال لي الإسم ) طلع ولد عم صاحبي اللي أنتظره
قلت هالحين ربعك مروا على الكرتون وماشالوه وأنت جيت وخليتهم وقمت تشيله
قال هذا كرتون في الطريق أكيد كان يضايق الناس فشلته مافيها شي
كلامه حلو لكن اللي جاي أحلى
طيب أنا شفته وماشلته وناس كبار مروا عليه ولا شالوه إشمعنى أنت تشيله
قال أبي الأجر وزين أن ماحد شاله عشان أنا أشيله
كلامه هذا أحلى لكن اللي جاي أحلى وأحلى
لأنه قال لي :
لازم وانت تطلع من بيتكم تاخذ معاك خيشة
إستغربت حيل وقلته : خييييييييشششششششة ؟؟؟؟!!!!
قال : ايه خيشة عشان تلقط حسنات من الشارع
قلت كيف القط حسنات من الشارع
قال تسلم على الناس تساعد الناس تبعد الاشياء من الطريق وأشياء واجد في الشارع تجيب لك حسنات عشان الله يدخلك بها الجنة

ماشاء الله تبارك الرحمن

أنا صورته مع سيكله وكنت بحط الصورة مع الموضوع وأسمه بعد
لكن ولد عمه حلف أني ما أجيب للولد طاري لا أسم ولا صورة

وكلام الولد جميل وفي محله
لو نجعل من الشارع مصنع حسنات لنا أفضل من أن يكون مصنع سيئات
وياسهلها والله تجميع الحسنات من الشارع

الحقيقة رده ذكرني بهذه النقطة وإن شاء الله ما أنساها

أسأل الله العلي القدير أن يحفظه ويجزي من علمه خير الجزاء

ولاتنسون تشيلون الخيشة إذا طلعتوا من بيوتكم للشارع وعبوها حسنات