:: قالت تحبني

[الخــــيالــــي]

السلام عليكم ورحمة الله وبركاته

قالت تحبني قلت ساعه وساعه...ما هوب دوم مديم يا قـرة العين
قالت يقول الصدق والا خداعه...قلت الصحيح اقول لو ما بترضين
يمتاز حبي بالصدق والنصاعه...ماني من اللي في هواهم مراوين
مالي على الحب المديم استطـاعه...اخـشى يضيع مني العقل والدين
واخسر هوانا والحيا والمناعه...وأصبح مثل بين الملا كالمجينين
قـضى حياته في هيام ونياعه...بين البراري ما يهبط البلادين
خلا الأقارب والأهل والجماعه...وافلس من الثنتين واتعوض البين
أحب وادي للمحبين طاعه ...لكن في حدود العقل والعقل زين
قالت حديثك هب صراحه بشاعه...وين اللطافه منك والعطف واللين
قـالت وقـفـت مسرعه بانـدفاعه...وبجيت من بعد الجفا بين نارين

وهذي القصيدة على ما أظن للشاعر (( بو شهاب )) وناقص كم بيت إللي يعرفها يحطها لنا

[المحــــــروم]

صح لسان الشاعر .. وسلمت يمناك يالغالي .. !

قصيدة رائعه يالغلاااا ..

نتظر المزيد من الابداع ..

[الخــــيالــــي]

شكرا لك