علموا أولادكم الذبح

[عيوني العيون]

في العام الماضي ماقدر الوالد يذبح في البيت كاالعادة السنوية
وطبعا أحنا نستناه علشان تقطيع اللحم
المهم الوالد ودى الأضحية للمسلخ
اهناك تعذب ضاعت الأضحية طبعا هو عنده أرقام للأضاحي وبدأ يدور من بين الخرفان عن أضاحيه مسكين أبوي تعذب إلى أن لقاها وأحتاست ملابسه وأختنق من ريحةالخرفان ماجاء إلا وجهه منتفخ من العصبية

ماأدري كان تهاوش مع أحد ولا لاء

وحلف وأقسم أنه راح يأجر عامل عشان يذبح له

المهم عصب على أخواني ليه مايذبحون معه

وبدأ يعصب على الوالده لأنهامدلعه أعيالها وهي اللي خربتهم عليه
أخواني كل واحد
يلبس ثوبه ويكشخ ويعيد


وبعدين وينك يالعقير


ياترى الذنب على أخواني أنهم مايعرفون يضحون


ولا الوالد هو اللي ماعلمهم كيف يذبحون؟؟]

تقبل الله منا ومنكم صالح الأعمال

[متابع رياضي]

احنا مجهزين اماكن الذبح للحبايب الخرفان



(من قدهم كل شي جاهز لانهم ضيوف عندنا لمده اربع ساعات او اكثر)

والله كسر خاطري هالخروف

[الفضي99]

في زمننا هذا ربما يكون ذبح الأضاحي في المنازل قليل جداً وذلك لوجود المسالخ الجاهزة وإذا تم الذبح في المنزل فكثير من يؤجر العامل المتخصص في الذبح ربما عامل التربية والزمن وعدم الأعتماد على النفس هي التي لم تساعد هذه الأجيال في عملية ذبح الأضاحي .

[طير شلوى]

انا الوالد ما يقصر يجيب كل سنه هندي يذبح ما ياخذ له نص ساعه الا مخلص الاضحيه

<<<<<< وده يضحي بس ابوه ما يساعده