اللي يحبك

[سعود العواد]

اللي يحبك لاسأل يشرح البال

واذا عنالك يشفي الجرح شوفه

واللي بعيد امن الصدر صوت موال

يعزف ألحانه والعوايق اظروفه

صاحب وصاحب يختلف قول وافعال

والبعض منهم لاعلق فيك عوفه

ماكل رجال لبس ثوب رجال

ولاالذي يحكي ابهزة أكفوفه

الشاعر: سعود بن احمد العواد

!عَ ــذْبـَـہْ♕ ,Gamrat Gaza معجبون بهذا

[حياة الروح]

صح ألسانك
عساك ع القوه
ننتظر ابداعك ياشاعرنا

[سعود العواد]

ياالمغني

ياالمغني تجمل لاتغني حزين
لاتنقض عليه جرح ريم الغزال

لاتوقض رقد من بعد جور السنيني
خلني داله لاتردني للوبال

كان قلبك مولع فأنا قلبي كوين
اشتكى من همومه كل ماجاء مجال

لاتعود زمان اللي مضى والونين
بعد قلبي يحب الخود وأهل الدلال

لاسمعت المغني غصب قلبي يلين
أتصور شبابي يم نور الهلال

وتذكر شباب اليوم والأولين
وتخيل زمان العشق في كل حال

الشاعر سعود بن احمد العواد

Gamrat Gaza معجب بهذا

[Gamrat Gaza]

الله الله

صح الله لسانك بالقصيدتين
وعلى القوه يارب

[سعود العواد]

صح بدنك ياأبوك
الله يقويك ويبارك فيك

[سعود العواد]

بعض العرب

بعض العرب ينظر عذاريب غيره
أما في عيبه يعتمي مايشوفي

يخفي أعيوبه والبلا في ضميره
العلم عند الناس أبجد وكوفي

خلك على السيفه ولا تجيب ذيره
لاتصيبك الأمواج روحك تعوفي

أنظر وناظر في مجاري غديره
تلقى جوابه في غموس الحروفي

نوع الثمر والزرع ويا بذيره
مع الزمان اللي سناله وقوفي

الشاعر سعود بن احمد العواد

!عَ ــذْبـَـہْ♕ معجب بهذا

[سعود العواد]

ياشقى حالي

ياشقى حالي من تواعيس الأقدار
حظي مريض ينتظر ساعة الموت

أعلاج مافاده ولا كي بالنار
ولا العشب فاده ولا طب منعوت

بحثت عنه في كل الأقطار
حتى العراق جيته وصنعاء وبيروت

بس مالقيته غيرفي قريب الدار
دار الحبيب اللي قريبه من الصوت

مير المصيبه حاسدي بيننا صار
شب الفتيله وموقد الغاز مفلوت

حسبي على النمام الناقل الضار
اللي يفرق بين ثابت ومثبوت

الشاعر سعود بن احمد العواد

[سعود العواد]

ملتاع ولوعني

ملتاع ولوعني *** ذباح باعيونه

طفل صغير سني *** زهر الورد ولونه

مربوع واوصافه *** خمري على متونه

مسكين من شافه *** يمشي على هونه

يذبح بغير أسلاح *** خطر يعدونه

يلسع يقول مزاح *** بس مايعرونه

وقعت في حبه *** والعين مفتونه

مكتوبه لي سبه *** صابتني اطعونه

سبحان خلاقه *** مثل يضربونه

أغليه باشفاقه *** ولع ينادونه

الشاعر سعود بن احمد العواد

!عَ ــذْبـَـہْ♕ معجب بهذا

[سعود العواد]

أرباب السحر

لاسحر هاروت ولا أرباب السحر
السحر والله في عيون البنات

الثغر سكر والوجنه قمر
والرمش تحته بواريد الممات

الجمال برواز في أحلى الصور
في عيون الخود هز الرسيات

البلا كل البلا شق الصدر
صابني بالقلب رمح الغاويات

في سواد العين منحوت الخطر
والعشق خلد أيام الذكريات

الشاعر سعود بن احمد العواد

!عَ ــذْبـَـہْ♕ معجب بهذا

[عَذْبَھْہّ]

،،
ماشاء الله
قصائد جميييله
كل قصيده تزود عن الثانيه بجمالها
والاخيره فاقت الجمال ,,
لانها توصف جمالنا ..
وياليت كل قصيده لها موضوع بلحاله
علشان تاخذ نصيبها من الرد والمتابعه من قبل الاعضاء والزوار
ولاهنت ياشاعر
صح لسانكـ ورفع ربي شانك
لاهان منطوقك

بانتظار قصائدك ،،
,,