|
|||||||
للإتصال بالإدارة عند حدوث أي مشكلة أو إبداء رأي
 الإهداءات |
 |
|
|
أدوات الموضوع | إبحث في الموضوع | انواع عرض الموضوع |
11-07-2008, 02:56 PM
|
#1 | |||||||
 
|
ابكتني سارة في البارجون
بسم الله الرحمن الرحيم
الحمدلله رب العالمين والصلاةوالسلام على المبعوث رحمة للعالمين سيدنا محمد وعلى آله وصحبه اجمعين اما بعد تبون تعرفون من هي سارة الي بكتني غير مسجل تعال/ي معي واسمع/ي قصتها في ايام العيد سافرت مع اهلي حائل وبعدها للقصيم ومن ثم الى الرياض وبما انه كان معنا اطفال قلنا نوديهم الملاهي علشان يمبسطون قبل لانرجع للعيون وعاد تدرون وخبركم بالرياض زحمة بالموت لقينا مجمع فاضي ومو زحمة علشان ناخذ راحتنا فبه هذه المجمعات تقدر تاخذ راحتك فيها يعني البنات ياخذون راحتهم فيها وينوع في اللبس والمكياج وغيرها دوووون مراعاة للمكان الي هم فيه محمي ولا لا لا والمصيبه العظمى لما تدخل هل مجمعات مافيه تفتيش على جوالات الكاميرا اهم شي تدفع فلوس وبس والله اني دخلت بجوالي ولوما انا اخاف الله كان انواع البنات في البلوتوث استغفر الله العظيم طبعا حنا جلسنا بعباياتنا وبراقعنا لاتجينا المصايب انا حاليا مو ضوعي عن سارة ولا هالمجمعات لها موضوع اخر بس حبيت انبهكم والله من خوفي عليكم الــمـــــهم خلونا في سارة بعد ماتوسطنا هالمجمع الكل منا راح يشوف اشغاله ويلبي طلباته واحتياجاته الي راح يتسوق والي راح ياكل والي راح يلعب الاطفال انا اخذت بنت اختي عمرها سنتين وكم شهر الله يحفظها قولوا امين اشارة عل لعبة الحصان الي يدوووووور طبعا هي كذا لعبة فيها متماسكة هل الالعاب باعمدة علشان يمسكونها توسطت اللعبة وركبت بنت اختي الحصان وانا اناظر فيها لانها مبسوطه قالت لي ما ابي هالحصان ورحت وديتها لحصان ثاني وعجبها بعد شوي قالت مابيه وركبتها حصان ثالث واستقرت عليه جلست العب معها واوريها الاحصنة لين يكتمل عدد الاطفال باللعبة ويشغلونها. في حين تلاهي وغفله مع حبيبتي النوري سمعت صوت صغير يقولي:لوسمحتي لوسمحتي التفت ولقيتها طفله صغيره عمرها لايتجاوز السبع او الست سنوات تقريبا قلت نعن حبيبتي قالت لو سمحتي ممكن تركبين اختي الحصان ولما طالعت باختها تقريبا هي نفس عمرها قلت لها ان شاء الله أخذت البنت وشلتها وحطيتها فوق الحصان اما البنت الثانيه ركبت بالحالها. البنت الي ركبتها مسكت حيل بعامود اللعبه لدرجة انها ضامته حيل سألت اختها وش اسمك قالت فاطمة او وضحى ما اذكر بالضبط سألتها عن اسم اختها قالت اسمها سارة سارة مانسيت اسمها لكن نسيت اسم اختها قلت وش فيها سارة قالت سارة مولودة عمـــــــــــيــــــــــاء وماتشوف انصدمت بقوة يالله عمياء مسكينه ماتبي تحرم نفسها روح الطفوله تبي تعيش مثل صاحباتها انا على طول ماتحملت الموقف جلست اصيح عليها بس من غير صوت اطالعها والله لوتشوفونها تكسر خاطركم حيل اشتغلت اللعبه والكل فرحان ومبسوط ومستانس وكل الاطفال يناظرون في امهاتهم واخواتهم حتى شغالتهم يطالعون فيهم ويلوحون بأياديهم لهم حتى بنت اختي بسم الله عليها تطالعني وهي مبسوطة انا عيني على سارة تدرون وش كانت تسوي سارة كانت ماسكة حيل بعامود الحصان ومركزه عيونها على تحت العبة ماتدري وش لون الحصان الي راكبته ماتدري وش شكل الملاهي ماتأشر لأحد جالسة تحاول تمبسط بس حاولت اني انتبه لأختي وفي نفس الوقت احط عيني على سارة قربت منها قلت لها سارة انتي مبسوطه وقالت لي اي بصوت مستحي ومو مسموع انتهت اللعبة انزلت اختها ورحت نزلت سارة من اللعبة ونزلت بنت اختي جلست اناظر فيها الين اطلعت من اسوار اللعبة واختها ماسكتها الين وصلو الى وحده معهم من هي؟؟؟؟؟؟؟؟؟؟ تدرون من هي شغالتهم انا ما اظلم امها بس بعض الناس يستعرون من اعيالهم اذا كان بهم اعاقه يااخوان ويا اخوات هل حمدنا الله على نعمة البصر هل طبقنا كلام الله في غض البصر والنظر الى كل ماهو حلال والابتعاد عن كل حرام هل علمنا ان بريد الزنا هو النظر هل علمنا ان النظر سهم من سهام ابليس عليه من الله لعنة هل علمنا ابعاد قول الشاعر وان انت ارسلت طرفك اتعبتك المناظر اتعبتكم ياخواني ويا اخواتي سارة تتتمنى لوترى حصانها ونحن نرى العالم اجمع فهل حمدنا الله على نعمة النظر وقلنا في كل يوم اللهم عافني في بصري................الخ الحديث ابكينا يوما من خشيت الله احرسنا يوم امر في سبيل الله قال صلى الله عليه وسلم في حديث له <عينان لاتمسهما النار عين بكت من خشيت الله وعين باتت تحرس في سبيل الله> هل استغلينا نظرنا في قرأة القران والعلم النافع ورؤية المناظر الي تذكرنا برب العالمين والتسبيح له اخواني اخواتي ياليت ندرك جميع النعم وخصوصا نعمة البصر بارك الله فيكم ولكم خالص دعواتي |
|||||||
|
|
|
11-08-2008, 05:18 PM
|
#2 | |||||||||
|
قصة روتها لنا احتنا الغالية هنــد ..
قصة مؤثرة جدا جدا جدا .. الواحد فينا مايحس بقيمة الشيء إلا إذا فقده .. سبحان الله العظيم .. أختي الغالية توي اليوم أذكر حدث صار اليوم .. أحتنا أمــاني ولدت معافاة سليمة وبعد 6 أشهر .. حدث خلل بالشبكية وأصيبت بالعمى .. متفوقة في دراستها .. اليوم وهي تمشي والمرافقة ماسكة بيد أماني والكل يناظر فيها بصمت .. وهي بتطلع من الباب اصطدم رأس أماني بحافة الباب ..نعم ...لأانها لاااااااااااااترى .. سقطت دموع كل من رآها .. وأحسست بالمعاناة التي أحستها اماني .. نعم كثيرة أنعم الله بها علينا .. تستوجب الشكر والحمد .. لك الحمد والشكر ياالله على جميع نعمك .. لك الحمد يارب في السراء والضراء .. أختي الغالية هند .... ربي يجزاك الفردوس الاعلى تحياتي لك .. |
|||||||||
|
|
|
|
01-15-2009, 01:45 AM
|
#4 | ||||
|
أختي مملكة الأحساس
والله أن العين لتدمع والقلب يتقطع نعمه النظر هى النعمه رقم واحد فى اعضاء الانسان التى جعلها الله عز وجل لنا ، لأن هى النعمه التى تستطيع ان تقوم بكل اعمالك على اكمل وجه بها. ( الم نجعل له عينين ولسانا" وشفتين ) بارك الله فيك وأسأل الله لنا ولكم حسن الخاتمة |
||||
|
|
|
|
|
|
.png)
.png)
العرض العادي
