يالله بوجهك من ضياع الحلم.. واحقـاد الحقـود .....

[عَذْبَھْہّ]

يالله بوجهك من ضياع الحلم.. واحقـاد الحقـود .....

يالله بوجهك من ضياع الحلم.. واحقـاد الحقـود
ومن الخطايـا والذنـوب.. كبارهـا وصغارهـا

ومن الغرور.. ومن نفاذ الصبر.. وافراط البـرود
ومن الضياع.. ومن جمود النفس.. واستهتارهـا

ومن التمادي.. وانحلال الفكر.. وافكار الحسـود
ومن التعدّي.. وانقيـاد النفـس.. واستعمارهـا

ومن انشغال الروح في وقت به العالـم سجـود
ومن الخراب.. ومن غياب المرجلـه واشوارهـا

ومن الطغا.. والكذب.. والتزييف.. واطباع الجحود
ومن العذاب.. ولوعة الفرقـا وصالـي نارهـا

ومن التعاون في انتشار الذنب.. واخلاف الوعود
ومن الجهل في قيمة الصحبة.. وفـي مقدارهـا

ومن التردي في حقوق الجار.. لـو ماهـو ودود
ومن النظر في دور خلق الله.. وكشف اسرارهـا

يالله وانا عبدك واخاف من الزلل.. وانت معبـود
ولاغيرك احدٍ فـي يـده روحـي بكـل ادوارهـا

اعوذ بك من كل شيطـانٍ يقـود النفـس قـود
للـذل.. ووجيـه العبـاد الغاديـه.. وافكارهـا

يالله وانا عبدٍ بلا عفوك.. تـرى مالـي وجـود
لو املك الدنيا.. وزينتهـا .. واطـوف اقطارهـا

يالخالق.. الرزاق.. يالغفـار.. كشّـاف السـدود
ياعالـمٍ كـل النـوايـا سـرهـا وجهـارهـا

يالله تقديني ليـا زاغـت بـي افكـاري واعـود
عن الدروب اللي تسـوّد وجـه منهـو سارهـا



اللهم آآآآآآ مين

م ن ق و ل

[ℓα∂y ℓανєи∂єя]

الف شكر لك ياصاحبة الذوووق الرفيع ع القصيده الراائعه..
سلمت يمناك ..ودمتِ ودام وجودك..

[عَذْبَھْہّ]

يسلم ذوووقك يالغلا ..
شاكره لك التواجد والرد..
دمتِ بفيض حب لاينتهي ..