الزمجرة

[الفضلي]

أذكر الخلاّق في مبدا السطور = أحمدالله والتجي له واشكره
واحد(ن) معبود تواب(ن) غفور= ماحد(ن) غيره وسيع المغفره
أكتب القيفان في كل البحور = أكتبه منظوم واحيان انثره
خبرة الأيام مدت لي جسور = من إله الكون جتني مقدره
أشعر الشعّار من شعري غيور= في زمان(ن) كل شعره ثرثره
ماعدا بعض النجوم اتشع نور = بس نور الشعر عندي يجهره
في أصول الشعر ضارب له جذور = مرهف الاحساس سحره يسحره
من يقول الشعر عندي به كسور = فكره المعدوم طبعأ يكسره
أتفكر في زمان(ن) به فجور = كل شي(ن) في زمنا مسخره
سيطر اهل الحقد واصحاب الشرور = صار للانسان أكبر مجزره
بالقلوب الحاقده مات الشعور = مابقى شي(ن) أبد تستشعره
العبوا فيهاالحمايم والصقور = دولة(ن) عظمى تحب الشوشره
ماحد(ن) عنده من احساس(ن) يثور= كل منهم نايم(ن) في مجحره
والشباب اللي طلع في ذا العصور = مالبس شي(ن) لجسمه يستره
بنطلونه يشحن الأنفس نفور = نازلن شبرين من تحت اظهره
دايمن يمشي دلع كله سرور = يمشط ابشعره ويمسك منظره
كنّه ابنيّه لها عمر الزهور = الاسم رجال والمنظر مره
والنسا صارت تبادر بالسفور = تلبس الموضه تحب الفشخره
عن أصول الدين دايم في دبور = تتبع اهل الغرب تمشي بختره
الشعر مفتول من فوق النحور = والصدر مكشوف للي ينظره
تدهل الأسواق فيها اقوى عطور = كل من شم العطر مد ابصره
ماتذكّرنا أبد يوم النشور = يوم نبعث من تراب المقبره
للحشر سرنا حفا مثل الطبور = عاريين(ن) موقفن يامااكبره
والسراط اللي صعيب(ن) بالعبور = طالبين الله يومه نعبره
كان بالجنه مع ابنيات حور = والاّ في نار(ن) سعيره تسعره
ذي قصيده فجّرت قلب الصبور = فاق غيظ الزير ويّا عنتره
باجعل القيفان للفاسق ثبور = في كتابتها وازمجر زمجره
ماكتبت الشعر في قافي فخور = ما أحب الزود ويّا المفخره
قلتها غضبان بالصوت الجهور = والعن الشيطان فيها وادحره
لاتقولون الرجل عنده غرور = معذره والمعذره والمعذره

[عَذْبَھْہّ]

أبدعت في نقلهآ ان لم تكن انت كاتب هذه الابيات
أبيات تحاكي واقعنا وللاسف
وفيها انتقاد لآذع شديد اللهجه وفيها تتكلم عن
قيمنا التي تهاوت عند البعض


تسلم يمناك وصح لسانك ومن قالها ولاهنت ع القصيده
وتشكر ع الانتقاء الطيب
وبانتظار جديدك

[الفضلي]

عذبة تسلمي على المرور الرائع

أنا كاتب القصيدة ولست ناقلها

معكم الشاعر عبداللطيف سعد العلي الفضلي

لي مشاركات كثيرة على مستوى الخليج والمستوى المحلي

تقبلي مني أجمل تحية

[المـشتاق]

يعطيك العافيه ابدعت في نقله

وزيد ابدعاتكـ احسنت

[الفضلي]

المشتاق أرجو أن تفهم قصدي

أنا أتكلم عربي ولست بالانجليزية
أنا قائل القصيدة

عموما مشكور على المرور

[عَذْبَھْہّ]

الشاعر عبداللطيف سعد العلي الفضلي

أعتذر عن ذلك ولانك لم تكتب في نهاية القصيده اسمك او انها بقلمك فذلك يعذر لي جهلي
فذكر اسمك وانها بقلمك او بوحك حفظا لحقوقك ..وعلى اساسه يكون رد الاعضاء
حياك ربي ومرحبا بك في ملتقانا ونتشرف ولنا الشرف في قرآءة قصائدك فلاتحرمنا من ذلك
صح الله لسانك وعلا الرحمن شانك ولاهنت على القصيده ..

[الفضلي]

عذبة الخطأ بدر مني لأني لم أضع إسمي أسفل القصيدة


وانتي والاخوان معذورين

ولا تواخذوني على ما بدر مني

أنا سعيد بتواجدي بهذا الملتقى الرائع

تقبلي مني أجمل تحية

[كلمة حق]

قصيدة تحآكي الوآقع المرير تحآكي حالنآ اليوم للاسف الشديد
أبيآت قويه وجميله وفي الصميم بصرآحه كنت احآول اقتبس ابيآت لكن ؟
ويش اقتبس وخلي مآشآء الله عليك
آخوي الفضلي بيض الله وجهك ولاهنت على هآلأبيآت الجزله وصح الله لسآنك
تحيآتي لك خيي

[الفضلي]

كلمة حق صح بدنك ووجهك ابيض


تقبل مني أجمل تحية

[عديل الروح]

مشآءالله .. :)

آبدعت فى كتآبتهآآ

صح لسآنك وآعتلآ شآنك آستآذي

مآآننحرم قصيدك

دمت بخير

..