أي الأطفال كنت ؟؟في صغرك

[عيوني العيون]

أي الأطفال كنت ؟؟

--------------------------------------------------------------------------------

يختلف الاطفال في سلوكهم وتصرفاتهم ونفسيتهم ..

لذلك .. هناك نماذج مختلفه من الأطفال كنا في يوم من الأيام مثلهم ..




الطفل البريء


في المنزل تجده حبوووب وطبيعي 100 %

لكن مع دخوله المدرسة .. ( تنمحي ) شخصيته ..

فتكثر الاصابات في وجهه .. لأنه مايدافع عن نفسه ..







الطفل العنيد



يطبق نظام البيت بالعناد .. يسوي اللي براسه ..

مايخاف من الأب أو الأم .. لو قلت له هذا خطر لاتقربه .. عناد فيك يسويه ..

يُــضرب كثيراً في طفولته .. ومع ذلك عنيد مايغير رايه ..





الطفل الحنّـان


يستخدم وسيلة الحنة لتلبية رغباته

له نغمه خاصه في المنزل ..

تلبى رغباته كـُرهاً .. يعانون اهله من الصداع المستمر ..





الطفل المادي



هذا الطفل مايرد السلام الا ( بفلوس ) ..

تعامله مع اهل المنزل .. مادي بحت ..

يستخدمونه لتوصيل طلبات المنزل .. ونقل السوالف.. وكل شي بحسابه ..





الطفل الفتّــان



تجد عند هذا النوع جميع اخبار المنزل ..

يجد المتعه في اذلال غيره بالفتنه عليه .. ماله خاتمه ..

هذا الطفل حتى لو شريت سكوته بفلوس ..

توقع تلقى اخبارك ثاني يوم في الصفحه الرئيسية .. في الجريدة الرسمية ..






الطفل الدلوع



هذا دلوع ماما وبابا .. يكرهونه باقي الاطفال لانه مرفه وشايف نفسه عليهم..

تلبى رغباته قبل ليطلبها .. شخصيته اتكاليه جداً ..







الطفل العله




يزعجك بأسئلته الي ماتنتهي .. يستفسر من كل شي .. حتى لو عطست ..

قالك شلون عطست .. وليش عطست .. وشلون تكونت العطسه ..

يحرجك احياناً .. ويمكن دائماً بأسئلته .. مره تجاوب عليه ومره تسفهه ..

واكثر الاوقات ماتلقى اجابه لاسئلته .. لانك في الحقيقه تجهلها ..






الطفل الداج



هذا الطفل مستحيل يجلس في المنزل ..


يعيش في الشارع اكثر من بيته .. خبره ودليل في كل ممر وطريق ..


يعرف طول الشارع بالسنتيمتر .. من الممكن ان يصبح اذا كبر مهندس طرق ..








الطفل الملسون




يستانسون اهله على سوالفه .. فصيح جداً ..

ويلقط العبارات والمفردات بسرعة مذهله ..

يسبب احراج دائم لأهله .. من الممكن ان يقول كلمة بالغلط للضيوف او الاقارب ..

يتميز احياناً بقلة الذووق والوقاحة اذا انفعل ..

لاينصح بأستفزازه ابداً ..




الطفل اللزقه



تلقاه مسنتر عند باب البيت .. محد يطلع الا وهو لازق معاه ..

حتى الضيوف من الممكن تلقاه يلزق فيهم ويطلع معاهم ..

يـُـضرب كثيراً .. وخاصه من اخوانه اللي اكبر منه .. او خواته ..

لانه عباره عن رادار على طلعاتهم ..

احياناً يضطرون يطلعون من نافذة المنزل للهروب منه ..

ولكن للأسف يجدونه بانتظارهم في السيارة ..ويسألهم ليش تأخرتوا عليّ ..





الطفل الهادي



هذا الطفل ماله صوت ابد .. وين ماتحطه تلقاه ..

احياناً يهملونه اهله .. لانهم ناسينه ..

واحياناً يلقى اهتمام زائد من اهله ..

لو يموت من الجوع ماتكلم ..

في كثير من الاحيان تلقى اهله ناسينه بالسوق او عند الاقارب اثناء الزيارات ..




الطفل القوي



اهله دائماً في احراج و مشاكل مع الناس ..

هرمون الاجرام مرتفع بنسبة عالية في جسمه ..

في كل جبهة طفل في ( منطقتهم ) تلقى له أثر وتوقيع ..

يمثل القائد والفتوه .. يهابونه الاطفال ..

يتقرب منه الكبار ويتوددون له حفاظاً على سلامة اطفالهم ..





بصراحه .. اي الانواع كنتم

[الــسـفــير]

شاشكرك اخوي عيوني العيون

الحقيقة يسعدني ان اكون اول الردود على موضوعك الشيق

ولكن اصالة عن نفسي لم اجد نوذج يناسبني من النماذج

باقي نموذج واحد ماذكرته وهو

الطفل المحبوب

تجد الابتسامة دائما على وجه وكل من جاء احد كلمه عطاه ذيك الضحكة

مايدي وش يقوله بس يضحك وتحصله دايماً ماله حس ومومزعج

<<< لاوتحصله مثقف بعد و لايشرب الا كوكتيل او لبن نادك لا وبارد والا مايبي

هذي شخصيتي اتمنى تعجبكم

سلام

[عيوني العيون]

حياك الله
ماشاء الله ماتعذبت أمك وياك
بس أتوقع أنك انحبست في البيت لأن نوعيتك ينخاف عليها من العين


ولو أن في كثير منك في العيون كان الشوارع فاضية مافي أحد يتحرك



ربي يوفقك

[أبو طلال]

هههههههههههههههههههههههههه

والله مدري بس أنا كوكتيل

[بحر الاخوه]

يااحلو اياام الطفوله

ولكن الحمد لله محنا كباار كثير


يمكن مريت بالمرااحل كلها


يعطيك العاافيه

دمت في حفظ الرحمن

[العــ روح ــيون]

وانا احس في كل مرحلة من طفولتي وحده من ذا الصفات

بس ما قلت لنا انت وش شخصيتك



سلامي ..........

[عيوني العيون]

أنا خليط من اللزقة والعنيد
بس أني ماأنطق واجد قليل
مستحيل أكون دلع
ومستحيل أكون مادي
لأن ماأحد كان يعطيني وجه
أيام طفولتي كانت مميزة عن غيري
كنت من أطفال الديرة وماأدراك مالديرة

كان الأمان