|
|||||||
| الـمــلـــتـــقــى الـــعـــام أبُحآر َقِلمَ عُبُر حرٍف ومقِآل |
للإتصال بالإدارة عند حدوث أي مشكلة أو إبداء رأي
 الإهداءات |
 |
|
|
أدوات الموضوع | إبحث في الموضوع | انواع عرض الموضوع |
02-21-2009, 03:11 AM
|
#1 | ||||
|
حملة "خلوها تعنّس"
والله شبعنا من هالخرابيط الفاضية.
لاراحو ولاجو قالوا مالك الاّ بنت ديرتك وش ابي بها بنت الديره لاصرت ابي اغرق بالديون طول عمري الموضوع ومافيه انا مالي بهالدنيا الاّ عجيزي الله يخليها ويحفظها وكل مادخلت وطلعت من عندها جابت طاري العرس .. توكلت على الله وقلت اهمّ ماعلّي رضى العجوز الراتب 5000 وشوي والحمدلله ماعلّي قرض لكن ساكن بشقة على قدّ الحال انا والوالده بنك الراجحي يعطي 15 راتب قرض يعني تقريبا 75000 ريال وعليها كسور وفوايدهم بالسنة 3375 يعني بالخمس سنين فايدتهم تطلع حوالي 17000 يعني المجموع 75000+17000=92000ريال يعني قسطهم الشهري على خمس سنين حوالي 1500 ريال وعليها كسور اللي بقى من الراتب حوالي 3500 ريال منها حوالي 1000 ريال لايجار الشقة الباقي 2500 ريال لنفرض اني صرت قعيطي وجلده مثل هالشيبان اللي عندهم رص بنات بالبيت يعني لافواتير ولا اغراض للبيت .. تتوقعون ان القرض اللي اخذته 92000 ريال يكفي كسوة وقصر وعشاء للعرس؟! لابذمتي يبيلي فوقها اكثر من 70 الف عشان اعرس المصيبة اللي جيتهم والله كأنك جاي تشري منهم بناتهم خلاها تسوى قيمة جيب لكزس وهي ماتسوى ددسن غمارة. والله العظيم حسرة في حسرة البنات ماليات البيوت وبعض هالشيبان لابارك الله فيهم كأنهم شريطية لكن والله العظيم ما ارد بخاطر هالعجوز اللي عندي والعرس عن قريب ان شاءالله ومن الخارج ولو ان الوالده ماتبي من الخارج لكن تقريبا اقنعت لان احد خوالي زوجته سورية وعايش احلى عيشة ماشاالله عليه. كل الدعوى ماتكلف لها 30 الف ريال وانت متزوج من بنت حلال ومزيونة تفتح النفس تشيلك على راسها من فوق طول العمر ماهو مثل بنات هالشهبان اللي ثاني يوم وهي جايبه لي المراره والمرض !! وبمشيئة الله كم اسبوع وانا مطّلع الفيزا من الداخليه ولايجي احد يتفلسف ويفتح محاضره عن الزواج من الخارج! الزواج قسمة ونصيب واللي الله كاتبه يبي يصير وخلوا بناتكم جالسات على قلوبكم وخلوها تعنّس |
||||
|
|
|
02-21-2009, 07:30 AM
|
#2 | ||||
|
استغفر الله العلي العظيم من كل ذنب عظيم
اخوي الجاسم العيوني موضوعك في غاية الاهميه ويحتاج الى الكثير من النقاش والحوار .... اخوي الجاسم العيوني انا اتفق معاك في بعض النقاط واختلف معك في بعض النقاط اتفق معك ان بعض الشيبان للأسف الشديد لما يجي واحد يخطب بنته تقول والعياذ بالله انه عارضها للبيع وان بنته للأسف صارت سياره او سلعه يعطيها للي يزيد سعره وهذا اكبر خطاء يقع فيه هالشيبان او الاباء وانا اختلف معك لما تقول لبنت البلد خلوها تعنس هذا خطاء اخر انت اخي العزيز تعالج الخطاء بخطاء اكبر منه !!! انت لو خطبت بنت ورفضك ابوها لجشعه او لطمعه لبنته فهذا ليس نهاية المطاف.. فهناك بنات كثيرات بالبلد يبحثون عن الستر ويبحثون عن ظل رجال واحد فقط يقف معهم وهناك ايضا شيبان يشترون الرجال ويساعدوا الرجل الذي يخطب بنتهم في كل مصاريف الزواج وبعضهم يقول له لاتكلف نفسك فوق طاقتك بمعنى الصريح (الي تقدر عليه سوه) او بمعنى خذ البنت بعباتها وانا اعرف الكثرين من الاباء بيض الله وجيهم دنيا واخره لم يطلبوا شيء لمهور بناتهم وموجودون هنا بمدينتنا .. وانا املك الاسماء الكثيره ولكن لا اريد ذكرها.... ... وبنت البلد اخوي تعرف اهلها ونسلها ولله الحمد تعرف عوايد اهل البلد الي انت عايش فيه وهي افضل بكثير من البنت الى من خارج المملكه والي انت راح تتعب وانت تراجع وزارة الداخليه عشان الفيزا والبنت الي بتاخذها ماتعرف عنها اي شيء سوى جمالها الي اتوقع مابقى احد من جيرانها ماشاف وجها الله يستر عليها وعلى بنات المسلمين وعوايدها وتقاليدها غير عوايد وتقاليد البلد الي انت عايش فيه والحمد لله احنا الان في مدينتنا العيون كلنا اهل وقرايب وكل واحد في البلد يعرف الرجل الصالح والرجل الطالح او السيء وقال صلى الله عليه وسلم ( فاظفر بذات الدين تربت يداك ) وهذا الأمر ينطبق على الزوج وايضا لاأنسى ان البنت لها الحق في رفض اوقبول الشخص المتقدم لخطبتها وهيا لها الحق في وضع شروطها سواء كانت يسيره اوعسيره ولكن نصيحتي لهم ان يسهلوا على الرجل المتقدم لخطبتهم لقول رسول الله صلى الله عليه وسلم في الحديث الشريف ( من أتكم من ترضون دينه وخلقه فزوجوه) ) .. واتمنى منك اخي الكريم انك تتقبل رأيي ونصيحتي بصدر رحب .....والله يوفقك وتاخذ البنت الي تساندك في رضى الرحمن عزوجل اولا ومن ثم يرزقك الذريه الصالحه ان شاء الله وتكون زوجتك عونا لك في حياتك هي وذريتك الصالحه ان شاء الله ... فأرجوا منك اخي الكريم ان تراجع حساباتك .... |
||||
|
|
|
|
02-21-2009, 04:42 PM
|
#5 | ||||
|
الاخ( جاسم العيوني) طرح موضوع مهم في مجتمعنا
المفروض نحن هنا بالملتقى نتناقش في الموضوع مو نقول يعطيك العافيه هذا الرد انا ممكن اشوفه من جهتين اما انكم تؤيدونه الرأي او انكم للأسف لم تقرأوا الموضوع .......... |
||||
|
|
|
|
|
|
العرض العادي
