احساس الغبن(لابغيتـ تعيش عاشق والعمر كله شهر)

[نبض الأمل]

من ورى سور الحزن .. خطيت في رمل الحزن
كلمتين و بصمتين و عقد لولو منتثر


رسمةٍ في ناظري يا شوق .. و اللهفه رسن
خيل تمشي في ظلامي.. و القمر وين القمر


لو بقى بي كل ما بي .. كان صاح القلب .. حن
و الصبر .. ليت الصبر .. يسمح لدمعي ينهمر


لهفتي في نظرتي .. للشمس و المغرب وطن
لف مهده حول شمسي و الرجاء نور البدر


كل ما حولي خيالٍ و انتِ في قلبي ركن
و ابتدى ليلٍ جديدٍ ينتهي وقت الفجر


ليل لمه .. ليل ضمه .. ليل يحويه الحضن
ليل احساس و عذوبه .. ليل يضويه الشعر


ليل نجمه يعتريها .. رعشة الخوف و شجن
ليه ؟ مدري .. كيف ؟ مدري .. بس نجمي اعتبر


و يا سحابه فوق ارضي .. ليش بخلك فـ المزن
و انتِ اصلك من لهيبي زاده الوارف بحر


جعل عين اللي هويته .. رمشها ويّا الجفن
ما تذوق احزان فرقى .. او حزن طعن الظهر


لو تبي نخسر .. تأكد .. عمرنا الغالي ثمن
و الصراحه .. في حياتي .. مالي من حبك مفر


كل شيٍ كان هيّن .. الا احساس الغبن
لا بغيت اتعيش عاشق .. و العمر كــله شهر








مما راق لي



..

[مهـرٍة العيوٍن]

وراق لي ايضآ يعطيك العافيه خيتي

ربي يسعد قلبك ابيآت في قمة الرووعه

صح لسآن شاعرهآ وتسلم يمنآك يابعدي .

[كلمة حق]

أبيآت جميله جداً
يعطيك الف الف عآفيه آختي نبض الآمل
تحيآتي لك

[عديل الروح]

سلمت آنآإملك يالغلاإ

ويسلم ذووقك .. :)

لآعدمنآك

..

[شَ ـآعُ ـٌر ٍ مُـً ِش‘ـًآعٌ َـْر ِ]

العمر كله شهر !!

حز في خاطري حيل


معنى القصيده كبير
لهفتي في نظرتي .. للشمس و المغرب وطن
لف مهده حول شمسي و الرجاء نور البدر

هنا اقف كثير للتأمل .. لله درك والله يفك عوق الشاعر :)
وذوق اكبر واختيار جميل نبض :)

الف شكر لك