يا ذخـْـرنا يالشـباب

[عبدالرحمن الغريب]

السلام الرحمة من الله عليكم
مساكم خير وسعادة يالربع
توي انتهيت من كتابة هذه الأبيات على لحـن من لحـون العرضة ( ثلاثي الشطرات )
وهو لحـن غير مألوف عـندنا لكن الربع عـندهم فكرة عـنه . .

يا ذخـْـرَنا يالشـباب -- 18/12/1430هـ

ســـــــلام يـاربعــنــــا //// فـي شــــانـكم قـلــت بــــــادي //// زين الشــعـر واللحـون

لـ صـار للعــزّ قــــوم //// مــن كــل حـضـْـــر وْبــــوادي //// في مــاردهْ تــــوردون

والضــيف في دارنـــا //// يـلــقى الســـــنـد والــــودادي //// والناس به يـفـــرحـون

يا خـِلـْـفَـَة المـاجــدين //// مـا يـرهـبــــــون المــعـــــادي //// وْ ما يسْـلِـمون الـزبون

يــا ذخــرنا يالشـــباب //// أنـتـــم ســـــنـدْ نــا وكـــــادي //// لا تخـلفــون الظـنـــون

والناس ياهـْـل الــوفـا //// تـقــــــول فـي كـــل نــــــادي //// والنعم ياهـْـل العـيــون

وســــلامتكم

[كلمة حق]

والنعم ياهـْـل العـيــون

نعم حالك وصح لسانك وعلى شانك ورفع الرحمن مقدارك يآبو أشرف
مشكور ع القصيدة الجميلة تحيآتي لك

[عبدالرحمن الغريب]

كلمة حـــق

يا مرحبابك والسعد على بابك

صح بدنك ولا هنت يالغالي

تشرفت وأنسـت بطـلتك عزيزي

لك سلامي وتقديري

=