|
|||||||
للإتصال بالإدارة عند حدوث أي مشكلة أو إبداء رأي
 الإهداءات |
 |
|
|
أدوات الموضوع | انواع عرض الموضوع |
05-13-2011, 02:38 PM
|
#1 | |||||||
 
|
انآ زوآجي قريـب وإُبغى رآيكم لـ تجهيزآتي :‘$
ڪْيفڪْم ,, آن شآء اللّهـً تيبيَن
  :: بصراحه مو عارفه كيف أبدآ الموضوع بس هو بإختصار اني ئليله خبره في الشوبنق وخصوصاً شوبنق العرايس فـ إشتريت كل شي احس اني احتآجه في حياتي وفي شهر العسل ~ بس ابغى منكم تدوني رايكم بإختياراتي وبرضو ابغاكم تعلموني ايش الاشياء الي نسيت اجيبها ، لانو مابئى وئت فِ الْـ زوآج يمديني اجيب النوائص واصلا فلوسي خلْص ف يآرب ما تكون الاشياء مكلفه يا اخوات لاني دوبُيَ متسلفه من مآمآ خمسين < تبغيَ سلف يعني   إَلْمهم :: نجي للملابس الرئيسية واولهم الي هو فصتان الزواج وبصراحه مرآء مرآء مليت من اللوك بالفصتان الأبيض وخصوصاً ان زواجي راح يكون عائلي لاني ئلت لكم خلص الْـ مهر وبرضو حبيبي ابو نجر==> دي هرجه بيني وبينو عشأإن هكه بنأإديه كدأإ  بيكون لابس ابيض فـ ماحبيت نكون مطئمين تئل زمزميات  . حبيت اتميّز ف انا حبيت اغير وجبت فصتآآن اخضر فآآآتح ومره شيك من عند مصمم هندي بس مبدع وحبيت اضيف له بعض الافكار وكدا <.. اخاف خيآط حارتكم وملتبس عليك !!  زي مآنتو شايفين إضافتي كآنت بـ البيلت الحزام البينك مرآء إَدآه شكل غريب ومُلفت كل الي شافوه انهبلووو عليه وسألوني من فين عبآلْهم من فرنسا  ~.فصتان السهره التاني هو الي نويت آن شاء الله اني ألبسه تاني يوم من الزواج عند اهل زوجيَ  وحبيت يكون سآآتر وبنفس الوئت يكون انيق وطئمت معه شنطآ سلفر_فضيّه_ مره راقيه وراح البس شوز اصفر عشان اكسر حده الالوان الغامئه  دحين نجي لفصتان سهره تاني احس اني طئمته بإحترافيه بليز بنات اذكرو الله  لونه اورنج وما حبيت يكون عااري ويطلع يديني ف جبت له بلوزه بكم طويل بنفسجيه بس طالعه جناااااان خصوصا مع العئد البني وتركواز ، وحبيت اضيف لها شي سبور عشان يكسر الشكل الكلاسيكي ف وئع اختياري على شنطه نادي ارسنال الانجليزي وفعلاً طلعت جداً مناسبه ورائعه مع اللبس  الفصتان الاخير من فصاتين السهره مرآء مرآء راااااائي وما اتوئع تلئون مثلو لانه ئطعه وحده بس وانا الي لئطتها بس الئهر ما انتبهت ان الفصتان ئصير وراح يبين مفاتني ئدام زوجي وبعد خفت يطلئني عشان كدآ خطرت على بالي اني البس تحت الفصتان جينز راااايئ وحزام ابيض غريب وحلوو وطلع فعلاً مناسب وإَنيق نجي دحيُن للسبورات وملابس الطلْعآت وبصراحَه مخمخت عليهم بئووووه واخذو من وئتي ومجهودي وميزانيتي الكتير طبعاً اول شي هذي البدله التوب من مصمم مصري مبدع والبنطلون اشتريته من السوئ العادي وحبيت اعطيه لمسه خاااصه بوجود الخط الاصفر عشان احس بتميز وغرابه وحبيت اضيف شنطه بيج مرآء رووووعه اخذتها من دولاب مآمي كانت شاريتها من الكويت ئبل تتزوج ايام الجمس  الئطعه التانية طبعاً مراح تتكرر ابد كلاسيك على فنكي مرآء مرآء إعتمدت فيها على خطّ السته  أقصد على خطّ المصممين الفرنسيين وخصوصاً الجآكيت لاني تعبت ادور نفس الموديل هدآ والي عرفتو بعدين ان اسمه موديل وحطيت على الرئبه إيشارب صوووف بيج علشان يئصّر عنئي لانهم يسموني ام عنئ ما شاءالله عليآ  وطبعاً الشورت معروف جداً موديل سمير غانم عبدالسّميع اللمّيع والحمدلله كآن التطئيم موفئ جداً  اللبس الجاي هدا ما تعبت فيه كتير ولا فيه ابتكار مرآء مجرد اني شفتو على المنيكان (العارضه البلاستيك) الي برا المحل على طول ئلت للبيآع اليماني ينزله لي زي مآهو بصراحه مرآء مرآء حبيته حسيت انه يحكي وحسيت انه مرهّم لي خصيصاً مجرد اضفت عئد سوارفسكي من النمسا موصيه عليه وشنطه لونها لئيته يناسب   طبعاً حمولتي مره ملتزمين ما شاء الله عليهم ربي يسعدهم ف ئُلت يعني لْوأبو نجَر يآخذني فجأه لْهم ألبَس هاللْبس مرآء مرآء انيئ ويحلّــــــي الجسم بشكل وحطيت معو حزآم عشان يئسم جسمي تئسيم وما راح تخافي من براآآآد المكيف لو كانو مطولين عليه لانو يدفي وكشخه بنفس الوئت  اما هالتطئيمه بصراحه موفرتها لأي ظرف طآآآرئ ودمجت فيها بين الكلاسيكيه وبين السبور في الزوئ البرازيلي وبذكائي دمجت معها شنطه من اللي عندي وما احتجت اشتري شنطه جديدهوطلع اللْبس كآمل من اروع ما يكوْن ما تصدئوَ يا بنات فرحتي انه طلعَ حلُو كدا ما توئعت آبد  اخدتوء خصوصاً عشان ازا جيت اروح لْسديئآتيَ حبيت يكون مريح وبنفس الوئت فخم مرآء يعني تعرفو عروساَ ولازم اكون مميزه  طبعاً تعبت لين لئيت سكارف _ وشآح يناسب التطئيمه  اما التئطيمه  آسفه ئصدي التطئيمه هدي اخدتها لطلعاتنا انا وابو نجرللمطاعم والكافيهاات ، يعني حبيت يكون شي انيق ومريح وفيه دلع ويحلي الجسم ابغىُ دايم بعيونو اكون راقيه ومميزه لبى ئلبه ولبى عيونه ف وئع اختياري على هالئطع جاكيت جنز خفيف مشجر بلوزه ام رئبه _هاي نك_ مخططه بنطلون مئلم ب 3 الوآن روعه ووآسع لان التوب ضييئ حبيت البنطلون يصير واسع  وهذا لبس سبور مرآء للبيت ولطلْعاتي لاهلُي ، ما حبيت يكون متكلّف بلوفر اخضر بلوزه ورديه عليها زخآرف منبين طرفه بنطلون ابيض بلمعه بس انه انتيك (فنتج) كآنه ملبوس ومكروف والا هو جديد جداً وراااايق جداً   دحيُن نجي للًبس السفر هدي البدلْه الي نآويه ألبسها بالسفر وبالطياره حبيت شي يكون يعبر عن اسلوبي وستايلي دمجت الابيض بالازرق بالاخضر مع حزام جلد طبيعي وشنطه جينز مررره فنتج وحئت دلع وطلع خيآليَ طبعاً اللبس هدا ماحبيت اعرضه لاني خفت احد يطئم مثلي بس ارتحت لمآ عرفت ان كل الئطع سحبوها من الاسوائ عاد مدري سحبوها لان محد شراها والا سحبوها الناس واشتروها   طبعاً ابو نجر ربي يخليه لي كآن واعدني يوديني لـ دوله فيها شاطئ وونااااسهبس باللحظه الاخيره مائدر لان خويه تسلف منه 10 آلاف ولا رجعهم له عشآن كدا ئال لي انه غيّر الخطة لشهر العسل وبيوديني لـ للئصيم عموماً هذا اللبس الي كنت محضرته للبحر مايوه اورنج فائع رااايئ وصيفي + بلوزه حمراء بكم وسحّآب من ئدام لاني ما احب اظهر مفاتني وشنطه للاشياء الي بناخذها معنا ونبيطه  عشان نصيد سمك  وهذا لبس أخدته لي وبنفس الوئت أخدته مئآس لارج كبير عشان حبيبي ابو نجرلو حبّ يلبسه والا شي يكون منآآآسب له  وابو نجر بعد الدنيااااااء وعدني يوديني للشرئية عشان اتسبح لانه لبى ئلبه ما يخلي بنفسي شي فديته فدّ ورا فدّ لا اله الا الله علينا ، اذكرو الله بنات  ولـ هالسبب شريت لبس شعبي مثل حئ اهل الخليج عشان ألبسه له هنآك واحسسه اني سلسه واندمج معه بأي محيط بس ماعرفت إَيش ألبس تحت بس خطرت لي فكره مجنووووووووونه وانيقه وكشخه شوفوها  وهدولي عطوري وكلهم روعهَ بجد بنات انصحكم فيهم بس الئهر اني تـشـتـشـتهم كلهم وخلصو ان شاء الله بئول لابو نجر على الراتب الجاي يجيب لي عطر جديد  وهدا مكياجي اشتريته من الخمسين الي إَدتنيَ مآمآ وبئى عشره شحنت فيها جوالي والحمدلله روج بينك مرآء رايئ واخدته لؤؤؤؤطه ، سوآلي تخفيض لانه للتجربه (تـستر) والغطاء ضايع و اخدت برضه فرشاه لحمره الخدود بس ماشريت حمره خدودومناكير نحاسي  ~  لا تفوتكم وبالنسبه لادوات العنايه بالجمال جبت الاشياء المهمه والضروريه لكل بنت تحب نعومتها وشعرها وتهتم بصفااوه بشرتها واشيائي هي كالتالي صمغ / لـ تلصيئ الرموش الصناعية فازلين شعر / لمعه للشعر ورائحه رائعه بلا حدود  ئاروره زيت زيتون / لصفاء الوجه وترطيبه وللسلطة أيضاً  فيكس/ للبراطم ولنعومه اليدين  دواء كحه / لرائحه الفم  بف باف بودره / لئمل الراس تراه تحفه ينفع للحالات الصعبه  نوعين مشوط الكبير للتمشيط العادي والصغير لتفكيك العئد والتشابك الي براسي وللمساعده على حتّ الئمل الميت علوك مرّ / احبهم  وآخيراً لابتوبي الصغير _نوت بوك_ لونه فضي وبعد جوالي من ماركه صينية لونه فضي وحبيت اكون مميزه واشتريت هالجوال وميزته انو على البطاريات متل الريموت ما يحتاج شحن كهرباء وإَشتريت لو كرتون بطاريات من الرخيص  وفي النهايه يا بنات اتمنى انكم تدعو لي بحياه سعيده الله يبآارك فيكم وعئبالكم كلكم وازا اعجبكم شي ياريُت تذكرون الله منقووووووووووووووووووووول مع حبُيَ |
|||||||
|
|
|
05-13-2011, 08:43 PM
|
#3 | ||||||||||
 
|
اقتباس:
من ششفت هالحتسي وانآ غغآسسلتن يدي بكلوركس وفلــآشش.. يعطيتس الععآفيةة حبيبةة أبو النجر..  لك شششو هآد تجهيزآتك من أروع التجهيزآت ياللي ششفتآ بحيآتي.. ههههههههههههههآآي.. لــآ تحرمينآ جديدتس يَ بطّـآ.. تقبّلي مروري.. |
||||||||||
|
|
|
|
05-13-2011, 10:46 PM
|
#6 | ||||||||||
|
عازفة
|
ههههههههههههههههههههههههآآآآآآآآآآآآآآي
 بالله عليها هذآآآآآآآ جهاز للزواآآآج قسسم ماعندها ذرررة ذووق كلهم خلاقيين أآآآتمنى لهم حياة مليئة بالتعاسه مدى اآآلدهر  تشكراآآآتي لك وتقديري ع هيك طرح فرفوشي وتسلمين نبوضـــه  |
||||||||||
|
|
|
|
|
|
المواضيع المتشابهه
|
||||
| الموضوع | كاتب الموضوع | المنتدى | مشاركات | آخر مشاركة |
| قتلني ورحل خذوا العبرة من هالقصة الحقيقية | ديرتي العيون | ~ نـــفــحــــَآتٌ إِيــم ــَــآنــيــة | 1 | 03-30-2007 12:46 PM |
| قصه حب بمنتهى الروعه وطبعا قصه خياليه | الخــــيالــــي | ~ نـــفــحــــَآتٌ إِيــم ــَــآنــيــة | 56 | 11-13-2006 04:41 AM |
| اولويات اهلاويه | متابع رياضي | الميدان المحلي والعالمي | 3 | 07-17-2006 05:08 PM |
.png)
)
<~ متوهقه ب الاسم ماعرفته
العرض العادي
