إلى جميع معلمي ومعلمات مدينة العيون .

[عاشق وغرم به]

بسم الله الرحمن الرحيم

الحمد لله رب العالمين والصلاة والسلام على اشرف الأنبياء والمرسلين نبينا محمد عليه افضل الصلاة واتم التسلم
وبعد

اولاً في بداية موضوعي بكل صراحه وبكل وجهة نظر ببعد عن اللغه العربيه الفصحى وبتكلم معكم لهجتاً بلهجة ابناء مدينتي مدينة العيون

الموضوع وما فيه يا اساتذتنا الكرام ويا معلمات بناتنا ان كل واحد او وحده منكم يفكر في نفسه وش قدم في المدرسه كل اللي ابيه منكم انكم تساعدون اعيال هالبلد والله وثم والله اني اشوف استهتار في مدارسنا غير طبيعي طيب وش مستفيد انت يا استاذ تستقعد لطالب يا خي خل الامور تمشي يعني خلاص ما عاد في رحمه وغير كذاا الاحظ ان بعض المدرسين من العيون له مشكله مع اخو الطالب طيب حرام عليك الطالب وش ذنبه انك تستقعد له شوفوا البدو وش لون فالحين تلاقيهم في احسن المناصب والكل يستغرب ان بدوي جايني من هجره طالع لي من صندقه تلاقيه ضابط او في ارامكو ا وغيره من المناصب العاليه حبيبي لا تستغرب ولا شي مدارسهم ما فيه التعقيد اللي عندنا حلو والله اني اذكر على ايام الدراسه قلت لحق مدرس في ثانوية العيون يا استاذ الاختبار قرب وودنا انك تحدد لنا الأشياء المهمه عشان نذاكرها صعبه نذاكر كتاب فيه فوق 130 صفحه مع العلم ان الكتاب يحتاج لحفظ ويس لفهم رد علي بأستهتار قال لي :: شفت الصفحه اللي مكتوب عليها اسم الكتاب ذاكرها إلين الفهرسه اللي هي آخر الكتاب والله وثم والله اني وقتها جلست اتحسب عليه واقول ذه الحين وش اللي يبي بالضبط يا استاذ خلنا نكون صريحين مع بعض من خلال هالموضوع الدراسه في وقتها والله لا تخرجت من الثانويه ان اللي في المدرسه كله بيتبخر اكون معك صريح يا خي ليش انتوا تسوون كذا انا مااقول لك غشش الطالب اقول لك يا خي سهل عليهم سؤال ليش اغلب العيون عسكر ؟ الجواب والله وثم والله ان البلى من المدرسين حتى لو الطالب يبي يجيب درجات من وين يجيب والمدرسين اللي هم اعيال ديرته مسويين لي في الرز عدس
انا اذكر ان مدرس شيعي وهو شيعي ومن برا العيون جانا في الفصل وقال لنا صيغة الأختبار كيف عشان الطالب ما يتفاجأ بها وحدد بعض الأشياء المهمه ووقتها جا مدرس ماادري كيف صار مدرس وربي يقول له اتركهم ذولي ما ينفع معهم شي :: والله قهر :: في ذمتي واقسم بجلال الله ان معي في الدوام جامعيين والله ان في واحد منهم ما يعرف يكتب اسمه بأنقليزي يوم قلت له من جدك رد علي وقال لي والله مااعرف اكتب الأسم قلت له كيف خذت الجامعه قال كل المدرسين جماعتي واموري طيبه ولا والثاني والله انه طعس ما يعرف كوعه من بوعه تدرون كم النسبه؟
92% وربي قهر واحنا تلاقيه يقطع الكتاب ليل نهار ان طق بطنه وظهره جاب 85 %
تكفون يااستاذتنا ويا معلمات بناتنا فكروا في الموضوع شوي والله الدنيا سهالات بس انتوا اللي معقدينها وبالذات اوجه كلامي للمدرسين اللي يجون من برا الثانويه يراقبون وقت الأختبارات مثل مدرسين الرياضه والفنية انا ووقت ما كنت ادرس لا حظت بعض المدرسين انه يستقعد للطالب طيب راغب عليهم بس مش كذاا انك تستقصد طالب معين وتروح تجلس فوق راسه حرام عليكم ياخي والله انك يا المدرس ياللي جاي تراقب ووضعك كذاا ما تحصل غير الدعاوي والشمت فيك والله اني في مدرس وبالنسبه للكل هو احسن مدرس في العيون اللي هو الأستاذ / محمد الشدي والله انه صحيح راعي ذمه وراعي حق بس والله ما يخلي طالب عنده راسب تفهم يعني تفهم عند هالأستاذ ولا فوق كذااا العالم ترتاح في الفسحه وتخش الفصل تلاقيه معبي السبوره فل من هالأرقام وخالص ويقرأ قرآن الله يجزاك خير يا استاذ محمد انا اشهد انك نشمي نعم الأستاذ يا بو شدي ليت كل المدرسين مثلك بس كان العيون بخير
هذا اللي حبيت اوصله وإذا كلامي فيه خطأ نقدر نتناقش فيه في نفس الموضوع

هذا والله ولي التوفيق

[عادي]

موضوع جميل ومهم في نفس الوقت لأنه في النهايه يصب في مصلحة ابناء مدينة العيون وهذا يدل على حرصك مدينتك العيون

استهلال موضوعك جميل جدا

موضوع رائع اخي عاشق ومتابع لما يخطه قلمك ليست جديده عليك فانت دائما مبدع

بالنسبه لي نحن المتخاذلين و ليسوا المعلمين او الاساتذه وهذه وجهة نضر
عندما ارى الطلاب وهم اخواني من مدينة العيون يذهبون الى المدرسه الساعه الثامنه ومن ثم ارى مجموعه اخرى تطلع من المدرسه في الساعه التاسعه وكأنها جامعه الامم المتحده

اخواني الطلالب لايعجبهم العجب

لا استغرب ان اذهب الى مدرسه ونصف الطلاب بغتر او شماغ اسود وبني واخضر واحمر وازرق ووردي وكأننا في حديقه ازهار
اولا اعتب على الطالب ومن ثم المعلم

ومن وجهة نظري اخرى أن أغلب المعلمين في المدارس ... متخاذلين في آداء واجباتهم وهذا من تطور العلم والتكنولوجيا
لا استغرب ان مدرسين هذا الوقت يدرس طالب وهو طايح معه في قصص لانهايه لها
مدرسين الوقت الحالي دائما يضحك لا تجده يعمل بجد وبحرص

اما من ناحيه خل الطالب ينجح وبس
اخوي عاشق هذه ادهى وامر
لان المجتمع العيوني قد يخرج جيل لايعلم 1 ضرب واحد
والمدرس الشيعي او من اي عالم اخر
ليس بحريص كحرص المعلم العيوني المتخاذل

نسأل الله ان يحسن الحال

شكرا مرة اخرى على حرصك لأبن بلدك

[الفضي99]

جميل جداُ منك تبدي رأيك أخي الفاضل والأجمل من ذلك أن تجد جوااابا لكل ماتريد بشفافيه وواقعيه .... لي رجعة للرد على موضوعك الهاام

[عاشق وغرم به]

تحياتي لكم جميعاً والله اللي ابيه من المدرسين ان يمشي الامور هذا اللي ابيه ذي ما ذكرت احد الأخوات جزاها الله خير في نفس الموضوع ان بعض المعلمات تجيب اسئله من هامش الصفحه
بالله عليك من فيه بيذاكر هامش الصفحه هل المسأله تحدي او اتسقعاد او استعباط
اللي ابيه ان هدف الموضوع يوصل لكل معلم او معلمه وإذا الطالب لف ودار لا يا استاذ في اللحظه ذي انا ما ارضاها ان طالب يلف ويدور واحنا صم بكم تحياتي لكم جميعاً

[سلمان]

مشكووووووووووووووور اخوي صراااحه موضوع شويه عليه كلمه متميز و رااائع صراااحه موضوع ما يقدر يصف روووووووووعته لسان مهما كان فصيحا ( أقول بس يا حليلي ساكت )..
ما شاء الله عليك وش بقيت لنا وش نقول صرااحه في كل كلمه أنت قلتهااا صاااااادق أما حالتنا حلوووووووووه ..
خوووووووووووش موضوع يا ا الغاااالي ..
أتمنى تكون استاذنا بالمدرسه هااااااا ما أوصيك خلك طيب معي أنا بس لا تعلم أحد اني قلت لك ( لا تعلم أحد أصلا فيه أحد ما درا عن الكلام اللي قلته ) ..
يسلمووووووووو

[عاشق وغرم به]

اشكركم اخواني على تفاعلكم بروح الحماس لحب عيال هذا البلد والله ثم والله اني مقهور من اللي اشوفه لكن اجتهد بقدر ما استطيع من اجل اسم العيون

تحياتي لكم جميعاً

[سعد الغريب]

موضوع غاية في الروعة ويضرب على الوتر الحساس
هناك فئة من المعلمين والدكاترة يقومون بعملهم على أكمل وجه من ناحية تدريس وحسن توجيه
أما هناك نوع آخر همه المرتب وفقط
بل والله حدث معي موقف رأيته أمام عيني أن المعلم نام في الصف !!
ولم يشرح أي شيء في تلك الحصة
بل قضى الحصه في النوم العميييق ..!!
أيضاً معلمين آخرين لا يعلمون من هم طلابهم
من أول السنة الدراسية إلى آخرها لا يعلم اسم طلابه !!
كيف تقيم الطالب إن لم تكن على علم باسمه
أصبح كل شي يسير على الهامش
هذا عن عدم استحمال المعلم لأي شغب في الصف
بمجرد أن رأى أي شغب أو أي همس لجأ الى رسوب الطالب أو الطرد والفصل من المدرسة
ليس هناك مجال للمناصحة ولا التوجيه بالشكل المطلوب
والذي يؤسفني أكثر وأكثر أن بعض المدرسين ليس لهم أي صلة بالمادة التي يدرسونها
حقاً تشعر بأنك أعلم منه أحياناً في المادة التي يقوم بتدريسها
لا يوجد مدرسين كفاءة إلا قلة
فمن هذه النماذج من المدرسين بالتأكيد سوف ينشأ جيل ذا عقل فارغ
نسأل الله للجميع أن يخلص في عمله ومهنته
كل الشكر لك أخي عاشق وغرم به

[بوخالد13]

ماشاء الله تقديم ممتاز ومحتوى خطييير للغايه
خصووصا في هذه الفتره من الزمن
وبالنسبــه لي اقبحـ مدرسيبن رايتهمــ مدرسين هذه السنــه
باركــ اللهـ بك اخيـ عاشق وغرم به
لااعلم ماذا اقولـ لكن اقولــ اكثر لنا بمثل هذه المواضيعــ

لاتحرمنا من ابداعكــ المتواصل ومالمستــمر

[تولين]

هلا بك اخوي

اولا بالعيون ماعندنا دراسه جد يعني كل واحد على مزاجه

لو لاحظت شوف المدارس سواء للأولاد او البنات مافيه تأسيس جيد ولاعندهم خطه تعليميه ثابته تطبق على كل المدارس

اولا وين اللغه الإنجليزيه ياليتكم قرأتوا جريدة اليوم لهذا الإسبوع اتوقع ليوم الثلاثاء أو الأثنين فيها عنوان عن اللغه العربيه وكيف ان السعودييين لاهم يعرفون عربي ولا هم عارفين انجلش يعني وين التأسيس ولا شئ صراحه شئ مخجل المدرسين والمدرسات يآخذون رواتب ع الفاضي سوالف وتغيير جو وضحك والطالب مو مآخذ حقه من التعليم وربي عذبونا في تحوير طريقة الأسئله نكون عارفين الجواب بس السؤال غيييييير وربي قهررر

انا هنا ما ألوم إلا المدرسين و المدرسات لإنهم يقدرون يحببون الطالبات والطلاب في اللغه ,,

ومن ناحية العسكريه خلونا نتكلم بصراحه انا هنا أقول إن الطالب السعودي وبالذات بالعيون مايبي يكمل درسته الجامعيه بحيث تروح عليه اربع سنوات هذا طبعا اذا كان شاطر واذا عكس ذلك يمكن توصل سبع سنوات وهو بالكليه او بالجامعه

الشاب يبي يختصر كل هالسنوات في العسكريه منها وظيفه ومنها راتب ثابت وهذا لايعتبر فشل من الطالب بالعكس العسكريين هم العيون الساهره على راحة الشعب

ولو لاحظت شوف كيف ان دخول الجامعه والكليه صار صعب مو مثل أول الحين قدرات وعوار راس وهم وغم وياليت في النهايه يلقون لهم وظيفه بالطبع لا

أغلب الشباب الجامعي لسى ماتوظف ولاتعين ولاهو حاصله له العسكريه لإنه راحت عليه وهو يدرس بالكليه او الجامعه

يعني حرااااام شاب عمره فوق الثلاثين ينتظر الوظيفه الجامعيه ولسى ماصار شئ,,

انا ماقاهرني إلا المدرسات اللي خذوا لهم اكثر من 20 سنه يدرسون ولاتقاعدوا ولاعتقوا الكرسي اللي هم متمسكين فيه المفروض لهم تقاعد اجباري,,,,

والبنات الجامعيات كثاااااار ينتظرون التعيين ولا هو حاصل لهم

لكن فيه مدرسه جدا رائعه من ناحية التدريس واسلوبها للتعليم بحيث انها عندها برنامج اسمه المدرسه الصغيره بحيث ان الطالبه تقوم بشرح الدرس وكإنها معلمه بحيث تعزز في نفس الطالبه الثقه والمسؤوليه طبعا مع تقديم الهدايا من المدرسه الصغيره اللي هي الطالبه لأخواتها الطالبات

أنا حابه أشكرها على اسلوبها الراقي والرائع في التدريس

ألا وهي المدرسه :شيخه العواد من المدرسه الخامسه لتحفيظ القرآن
عن جد انسانه راااائعه ومعلمه وأم فاضله جعلها الله نبراسا تضيئ به طريق العلم

أدري إني طلعت عن مسااار الموضوع كثييييير أرجو المعذره منك اخوي بس صراحه كلام بقلبي ما اقدر إني أسكت و ما أقوله

في النهايه أرجع أقول ان ماعندنا لامدرسين ولامدرسات على مستوى عالي من التعليم

نشكرك على هالموضوع

دمت بحفظ الرحمن

تولين

[المـشتاق]

يعطيك العافيه ع الموضوع والحساسيه الراقيه

موضوع هذا خطر ع الطلاب والطالبات

وخاصه اللي مايرعون من المدرسين والمدرسات

الطلاب ع ماتخرج وهو ماتؤظف من سبت نسبه ولا معدل ولا تلقاه جايب معدل وقدرات ولاتؤظف

مدري وش يبون بعد الطلاب مايبي يخسر عمره وتروح عليه سنوات بلوشي يدخل العسكريه افضل له واحسن له