واحد حاط موضوع شوفوا الردود << جميع انواع التحطيم

[عَذْبَھْہّ]

السلام عليكم ورحمة الله وبركاته

بدون مقدمات ...........

هذا واحد يكتب من قلبه و انواع التحطيم في الرد
>
> لقد جفت اقلامي ( عادي نشتري لك واحد جديد )

> وتكسرت مجاديفي ( حاول تسبح او خليك في القارب لين مايجيك احد يساعدك)
>
> سابقى هنا حتى مغيب الشمس ( اقول قول بسم الله وروح البيت بخير )
>
> لن ادعى الاحزان تأخذني (وش تبغى فيك علشان تأخذك مالت عليك)
>
> لقد ابحرت وعبرت المحيطات بدون قارب( بلاش كذب.. لا عاد قول انك عبرتها سباحة وعلى ظهرك )
>
> لقد جمعت آهات الحزن وحنين الالم(وش رايك لو تجمع طوابع البريد احسن لك)
>
> هكذا الدنيا تدور وتدور( نعرف ان الدنيا تدور من غيرك ماجبت حاجة جديده )
>
> فذاك المكان كنت اجلس واتامل اوراق الخريف( الناس غدو ناس وانت قاعد تتأمل)
>
> نظرت لها وهي تسقط وتتناثر( مافكرت تجمعها مثل ماجمعت آهات الحزن وحنين الالم)
>
> اني اسمع تكسرات عظامي( اكيد ماتشرب حليب ذبحك الديو والبيبسي )
>
> ان عظامي تتكسر ووتهشم( اكيد عندك صداع في العظلات )
>
> انظر هناك خلف الافق( نظرنا وش فيه )
>
> هناك حيث الامل وحيث الحياة(لوحدهم ولا احد معاهم ) هههههههههههههههههه
>
> انظر الى تلك الفراشة اليافعة النحيلة الهزيلة وهي تطير( فكرتها تسبح)
>
> سوف اعلن للعالم(اعلن بس تكفى لا تصيح الله يخليك )
>
> سوف اعلن للعالم ان الابداع قد مات(( مات!!! ))
>
> سوف اعلن ان هناك من يقتل الابداع( اذا انت الابداع فقتلك حلال )
>
> سوف اقف امام كل الاعداء(الله يقويك انت اوقف وحنا معاك )
>
> سوف اوقف زحف الاقلام التي تحارب قلمي( تكفى ياروبن هوود )
>
>
> من قال ان الابداع مات ((أنت قلت قبل شوي ولا غيرت رائيك ))
>
> سوف اريهم من انا (( والله مانت سهل ))
>
> انا القلم الذي اكتب بلى خوف( ياشيخ وش هذة القووة ))
>
> انا القلم الحر((ليش كنت مسجون ))
>
> سوف اكتب في كل مكان((الله يخليك الا الجدارن لا تكتب عليها ))
>
>
> اما زالت اقلامي جافة((ترى ازعجتنا انت وقلمك خذ لك قلم رصاص وريحنا ))
>
> هل مازلت تايه في معمة الايام((الي يسأل مايضيع ))
>
>
> سوف احقق كل اهدافي((بس انتبه لا تطلع تسلل ))
>
> ماقد بنيته بالامس لان اهدمية اليوم((البلدية الي راح تهدمة ..في احد يبيني استراحة وسط احياء سكنية ))
>
> انا كنت ولا زلت وسوف ابقى((هذا درس في القواعد ))
>
> وسوف تبقى ابداعاتي تدوم وتدوم وتدوم((قاعد تسوي دعاية لصابون فيري ))
>
> نحن لا نفهم ((تكلم عن نفسك يابو الشباب لاتعمم ))
>
>
> الى متى ونحن هكذا((الين يفرجها الله ))
>
> يالي تكتب بين الاقواس اهجد((طيب ابشر بس كمل ..كمل ))
>
> كل المواضيع التي لاتحمل معنى فهي ليست ابداع((متأكد!!! ))
>
> نعم متأكد بس من قا ل لك هذا((انت من اول تتكلم والان تقول من قال لك هذا))
>
> من قال ان الكلام الذي بلى معنى ليس ابداع((يوووه والله انت الي قلت))
>
> كنت امزح(( بالله .... مالت عليك))
>
> دعنا نكمل
>
> كل الايام متشابهه ولكن تختلف في الاسماء((كلام صحيح))
>
> كذلك السنين متشابه((بس السنين مالها اسماء يعني قلنا كلامك صحيح وصدقت نفسك))
>
> كذلك الوجوه متشابه((يمكن في الصين تتشابه بس هنا تختلف))
>
> كذلك الامكان متشابه((ترى كثرت من كلمة متشابه حاول تغير الموضوع))
>
> لو كنت اقف بجانب هذا الزمان الصعيب لكنت شبيه له من كثر احزاني((خليك ولا تتحرك بخذلك مع الزمان صورة تشييييز ))
>
> يالي بين الاقواس اهجد وخلينا نوصل المعنى للاخوة الاعضاء بدون تريقة.اوكي((اوكي))
>
> عندما تاتي بكل الحب وتقدمه للاخرين ثم تنصدم((اكيد كنت مسرع وقاطع اشارة ))
>
> وقتها تعرف ان الحب بين الناس قد ضاع((تبغى احد يدور معاك))
>
> هل هذا الزمان هو زمان الحب(( لا حول ولا قوة الا بالله ))
>
> هل هناك شي اسمه حب((يابو الشباب انت وش تبغى))
>
> لقد تشربت عروقي من اليأس والاحزان
>
> وبدات مدامعي تنهمر مثل الامطار((اللهم حوالينا ولا علينا))
>
> بعد هذا الجهد والعناء سوف اقف على قدم وساق((مطول وانت واقف))
>
> سوف اقف وابتسم في وجه الايام الحزينة((ماصارت حزينة الا منك))
>
> واقول لها ((بتقول لها بشويش ولا بتصرخ))
>
> لا بشويش
>
> سوف اقول لهذة الايام الحزينة ارحلي((طيب حجزت لها اوكي ولا تبي تخليها انتظار))

م/ن

[سعد الماضي]

هههههههههههههههههههههههههههههههههههههههه
يعطيك العافيه ياعذبه انا والله كل ماقراء شي اضحك من شدة الرد
الله يعطيك العافيه ياعذبه وننتظر جديدك بفارغ الصبر

[ملكة قلبه]

المشاركة الأصلية كتبت بواسطة ! عَ ــذْبـَـہْ !

> اني اسمع تكسرات عظامي( اكيد ماتشرب حليب ذبحك الديو والبيبسي )
>

ههههههههههههههههههههههههههههههه

مسكيـــــــن يكسر الخاطر،،،

بس صراحه الردود تفشل ،،وتحطم ،،وكل شي فيها
:sm266:

ربي يعطيك العافيه ،،بنتظار جديدك

[نبض الأمل]

اي والله كل انواع التحطيم

الله يعطيك العافيه

[الصخره-العيوني]

هههههههه

تحطيم x تحطيم

مشكورهـ اختي على الموضوع



الصخرهـ العيوني32

[المـشتاق]

ههههههههههههههههه


ردود قاسيه عليه المسكين

شكله متعذب(متعذب ليه من ضربك)خ خ خ خ خ

[نعايم]

تصدقين ياخيتي عذبة
اقرأ موضوعج وطاح حيلي
ومشكورة يالغالية ههههههة
امزح معج

[.بنوتهـ كوولـ.]

ههههههههههههههههـ

هذا شكلـ أحد محطمهـ

جاء يجربـ على غيرهـ

[عَذْبَھْہّ]

سعد الماضي
نبض الامل
الصخره العيوني
المشتاق 14
نعايم
بنوته كول

التحطيم على أصوله مسكين ..
الله يديم الضحه على محياكم يارب
ويسعدكم دوووم
الشكر كل الشكر لشخصكم ولحضوركم الجميل
دمتم بصفاء الخاطر ..

[Danger.9]

اي والله كل انواع التحطيم

الله يعطيك العافيه