|
|||||||
| الـمــلـــتـــقــى الـــعـــام أبُحآر َقِلمَ عُبُر حرٍف ومقِآل |
للإتصال بالإدارة عند حدوث أي مشكلة أو إبداء رأي
 الإهداءات |
 |
|
|
أدوات الموضوع | إبحث في الموضوع | انواع عرض الموضوع |
07-29-2005, 03:19 PM
|
#1 | ||||
|
انت بايع نفسك تتزوج من ممرضة ؟
  اخواني اعضاء المنتدى ..... حبيت ارسم موضوعي في هذا القسم واشارك بموضوع لطالما اشغل الكثيرين وهذا الموضوع يتكلم عن الزواج من الممرضات .. نعرف كلنا ان الزوج يحب يرجع البيت يلاقي كل سبل الراحة متاحة له يلاقي اولا .. الوجه الباسم <<<< ايه هين وجه باسم مع ممرضه ماغير تلاقيها مكشرة وتعبانه وتبي تروح تنام يلاقي ثانيا .. الكلمة اللي تجبر الخاطر مثلا (( الله يعطيك العافيه )) <<<< عاد ممرضة تلاقيها تو راجعه من الدوام وراحت وينك ياسريري وتشاخر يلاقي ثالثا .. ثيابه مجهزين له ونظيفين <<<<< زوجتك ممرضه ؟ تاكد سلة الملابس تقول انقذني ياحليب السعوديه هههههه بختنق بس غسلوا اللي فيني يلاقي رابعا .. الغذى جاهز حتى يسد جوعه <<<<<<< والله ماغير تروح لها وهي نايمه ياحرمه ماطبختي ؟ ترد عليه لا ياقلبي روح اخذ الابر من المختبر هههههه ادمنت الشغله يلاقي خامسا .. من يقعد معه <<<<< مع زوجتك ... دور من يقعد معك اخذ الحيط وكلمه يلاقي ويلاقي ويلاقي ...................... اشياء كثيره لكن ؟ هل تلاقي كل هذا مع الممرضه ؟ خصوصا وان كانت كسوله ولا تقدر توفق بين عملها والبيت ؟ وخصوصا بعد وانت عارف ان شغلتها صعبه وتختلف عن كل الشغلات في انها تهلك لدرجة التعب الغير متصور بلاضافه الى انها شغله فيها امانه ...... وشغله صباح ومساء ((((((((((((((( فهل تقبل الزواج من ممرضة ؟ )))))))))))))))) استقبل ردودكم   أختكم مغرمة التعديل الأخير تم بواسطة مغرمة ; 07-29-2005 الساعة 03:29 PM |
||||
|
|
|
07-29-2005, 09:32 PM
|
#3 | ||||||||
 
|
لالالالالالالالالالالالالا
انا اختلف كليا مع هذا الكلام مايمنع ان الزوجة كونها تشتغل انها ماتقوم بواجباتها كزوجة وبرضو في المقابل مايساعد الحرمة اللي ماتشتغل انها تقوم بهذه الواجبات القصد من كلامي عمل الزوجة دليل غير كافي لنقدها كربة بيت وليه الممرضة بالذات ؟ الزوجة الطالبة الزوجة المدرسة العاملات في سلك التعليم الزوجة الطبيبة والعاملات في الصحة واللي في البنوك والجوازات وغيرها وغيرها هل يعقل انهن زوجات غير قائمات بواجباتهن الزوجية تعالوا بعد نروح للزوج يعني ليه الزوجة العاملة هي خاملة في نظر المجتمع في بيتها ويقولون انها تجي للبيت تعبانه ومالها خلق تسوي اي شي طيب الزوج العامل يرجع للبيت من العمل تعبان ومهدود حيله ليه ماقالوا عنه انه خامل في البيت وانه مايقوم بواجباته الزوجية على الوجه المطلوب اما مقولة العادات والتقاليد لابد انها تعمل ولو كان فيه ظلم فهذا الكلام اسمح لي يالقاضي غلط جملة وتفصيلا اولا نطالع الشرع وش يقول وبعدها نلتفت للعادات والتقاليد اذا كانت العادات تخالف الشرع وش نسوي نلقي كلام الشرع في الشارع وظلم الغير بحد ذاته مخالف للشرع فالله حرم الظلم على نفسه وجعله حراما بين عباده فكيف نوافق عليه |
||||||||
|
|
|
|
07-29-2005, 10:18 PM
|
#4 | ||||
|
مغرمة
وعليكم السلام ورحمة الله وبركاته موضوع جميل وطرح شغل الكثيرين من الأزواج في الوقت الماضي أما في وقتنا الحاضر فأضم صوتي مع أخي ابو طلال هل يعقل أن جميع العاملات في مختلف الوظائف غير قائمات بأعمال المنزل ؟؟ أنا من رأيي ضد هذه النظرية خاطئة فهناك كثير من الأزواج مرتاحين ومتكيفين مع عمل زوجته أذا كان هناك تعاون بين الطرفين يعني مافيها شيء اذا الزوج عمل في البيت مثل كذا  ولا فيه بعض الأزواج مايقصرن شوفوا ويش يسوون  وبعدين ويش يصير بين الزوجين  ويعيشون في سعادة غامرة . |
||||
|
|
|
|
07-29-2005, 10:21 PM
|
#5 | ||||
|
الســلام عليكم ورحمــة الله
مغرمه اولا .. هلالالالا وغلالا بك في ملتقى الخير والمحبه منــوووووره بوجودك أرجاءه .. وثانياً .. لأني بنت ويمكن الموضوع مو موجه لي حبيت احييــك على طرح النقاش فيه موضوع قوي تواجهه الكثير من اخواتنــا .. وحبيت اقول اني مع أبو طلال في رأيه .. ليه نتخذ الكسل شعار للزوجه العامله .؟ فيه كثير منهم ماشاء الله تبارك الله قادرات وببساطه على التوفيق بين العمل والبيت والحمــد لله مافيه أنعم وأسعد من حياتهم .. صحيح ان أغلب ماذكرته مغرمه في الموضوع ينطبق علي احيانا >> حطوا على احيانا مليون خط <<< عامله الأخت والاعتراف بالحق فضيله لكنه مو مقياااااااس نمشي به على جميع العاملات .. لأني وحده في المليــووون من هالنوع .. >> داجه في أمور البيت كلها ولأني ماأمثل الزوجات بل امثل العازبااات هع وفرق كبير بين الاثنين .. وانا برضو مع الفضــي في رده .. الله يرزق كل العاملات زوج مثل اللي بالصــور هع وطبعا مجرد رأي قد يكون قاصر وقد يكون مبهم اهم شي انه رأيي وابديته .. دمتــم سالمين |
||||
|
|
|
|
07-30-2005, 12:38 AM
|
#7 | ||||
|
بسم الله
  اخوي جار الله ...... ردك جميل وصحيح ان الزواج قسمة ونصيب واللهم لا اعتراض انا ماقلت غير كذا بس حبيت اعرف رأيك في تقبل الزواج من ممرضة أو عدم تقبله والواضح انك مايهمك الحرمه اللي رح تكون على ذمتك وش يكون عملها اتمنى لك التوفيق ...  اخوي القاضي ...... اشكر مرورك وانا استند في رايي الى مشرفنا العام  اخوي ابو طلال ....... اول شي لي الشرف تمر على موضوعي وتعطي رايك مع اني اعارضك واختلف عنك بوجهة نظرك الا انه لايخلو من الحكمة اولا ً ياخوي وربي انا ماقلت ان الحرمه اللي تشتغل معناه رح تكون مهملة لبيتها وعيالها بس انت فهمت الموضوع غلط طبعا انا جبته بشكل ساخر للاثارة لا اكثر وحبيت اقول ان صحيح مش كل حرمه تشتغل معناه هي مهملة لبيتها او اذا ماخانني التعبير رح تقصر بحق بيتها بس اللي ابغى اوصله لك وللجميع أن شغله الممرضة شغله مرهقة فانا اختلف معك في وجهة النظر مع احترامي الشديد له في قولك ... ترى كل العاملات زي بعض لا ياخوي كل العاملات كوم ومزاولة التمريض كوم ولو اعدد لك الاسباب مارح احصيها بس بقولك اختلاف واحد بين المهنتين كل الاعمال تكون بدوام واحد ويحق للحرمه انها ترتاح وتزاول هواياتها لكن مزاولة التمريض مرهقة وماترحم .. مع العلم انها ممتعة لدرجة ان الحرمه ماتقدر (( تحك شعرها )) مثل مانقول بس اتفق معك بشغله وحده وهو انه .... طالما الحرمه تعرف تنظم وقتها مارح يصعب عليها حتى ولو كانت تمارس اصعب الاعمال انها تعطي الاثنين حقهم العمل والبيت والف شكر لك على حكمتك في الرد على اخونا القاضي والله يطول بعمرك ......  اخوي الفضي .......... ارحب فيك وكلي شرف بردك لكن يا اخوان ورب الكون تراكم طلعتوا عن الموضوع وربي ماقصدت كل العاملات انا موضوعي محدد وسؤالي محدد ولكن مناقشاتكم الله يهديكم تفرعت طيب وكونك ياخوي تتفق مع بو طلال اتمنى تقرا ردي عليه وحاولوا تفهمون الموضوع صح والله انا ماقصدت اللي تقصدونه ماظنيتكم تفهمون الموضوع كذا والله اللي يقرا نقاشكم ياخواني يحسب ان عنوان الموضوع ومحوره ((( هل ترى المراه العاملة غير قادرة على التوفيق بين عملها وبيتها ؟ )))))) لا ياخوان والله الموضوع مو كذا نفهم الموضوع قبل لا نناقشه والله يجزاك الف خير  عزيزتي وهم ............... اعتز برأيك والله يبعث لك ممرض خشمه متر ونص ويحب ينام ههههههههههه حتى تبطلين خبال والله يوفقك بعملك واذا كنتي توافقين بو طلال بالرد هههههههه فانتي فاهمة الموضوع غلط وانا تعبت وانا اكتب الله يوجع الشيطان روحي فوق ياقلبي واقري ردي للاخ بو طلال تلاقينه رد لك وله والله يوفقك  اخوي سعد ....... وربي رايكم على عيني وراسي وكلامكم صحيح بس خرجتم عن الموضوع انا اقصد بكلامي (( الممرضه ))) ومش كل الممرضات بعد واقرا كلامي لابو طلال ورح تفهم الموضوع    اختكم مغرمة |
||||
|
|
|
|
07-30-2005, 12:58 AM
|
#8 | ||||
|
مغرررررمه
وش بلاك شايفه فيني خبال هع ..! عزيزتي يمكن طلعنا عن الموضــوع واتجهنا اتجاه آخر لكن بالنهايه اعطينا الرأي عن الممرضه لأنها عاملــه ومافيه شك ان عمل الممرضه عمل مرهق لأبعد حد وهذا مافيه اي مجال للمناقشه فيه لكن عملها في ميدان العمل لا في ميدان البيت .... يعني مع الإرهاق وشدة التعب بالنهايه ومع دخولها البيت يكون العمل منتهي وتقدر تقضيه بالتساوي في حقوق البيت وحقوق الزوج وحقوق البدن .... ومن ناحيتي مافيه اصعب من مهنة التدريس شغل وكد بمكان العمل وبالبيت ..>> مجال يبي له قواميس للحديث عنه هع وصح عمل الممرضه يقتضي منها العمل في أوقات متعدده ومختلفه وماهي على وتيره واحده في ساعات العمل لكن مهما كان تقدر تعطي كل ذي حق حقه ... لي عوده لإكمال النقاش اذا ودك << ذبحها النووووووووم سي يــووووووووو |
||||
|
|
|
|
07-30-2005, 02:02 AM
|
#9 | ||||||||
|
كلامي اللي قلته ابدا لايتعارض البته مع ردك الرصين اختي مغرمة لذا اجدني اهز رأسي بالقبول اثناء قراءته اتفاقا تاما معاه نعم الأعمال تختلف بطبيعتها نعم هناك فرق بين طبيعة عمل وآخر من حيث عدد ساعات الدوام نعم هناك بيت له حقوقه مثل ماللعمل من حقوق والرسول عليه افضل الصلاة واتم التسليم قال ( إن الله يحب إذا عمل أحدكم عملا أن يتقنه ) ويأتي في عرف الإتقان هو أداءه بالوجه المطلوب أيا كان موقع هذا العمل في المشفى في المدرسة في الحقل في البنك وحتى في البيت طيب أجي لموضوع الزواج من ممرضة كونها ممرضة مافيها شي ابد واخالف من ينكر هذا الامر |
||||||||
|
|
|
|
07-30-2005, 04:47 AM
|
#10 | ||||
|
موضوع حساس بالفعل
اسمحولي بالمداخله وطرح وجه نظري نعم اقبل ولكن بشروط انا لاارى انه فيه اي شي يمنع المرأه من واجباتها الزوجيه او يشكل لها عائق ولكن انا انظر للمجال الاخر اللي هو عمل الزوجه كممرضه اين يكون في المستشفى وانتم تعلمون انه يوجد كثرة الاختلاط مع الناس والمرضى هذا ليس تشكيك او من هذا القبيل ولكن على سبيل المثال يهم الزوج ان تكون زوجته غير مختلطه بالرجال وان يكون عملها خاص بالنساء يمكن اني طلعت شويه عن نقاشكم ولكن هذه وجه نظري الشخصيه مع احترامي الشديد لجميع اراء كم مع خالص التقدير والشكر لك مغرمه تحياتي |
||||
|
|
|
|
|
|
المواضيع المتشابهه
|
||||
| الموضوع | كاتب الموضوع | المنتدى | مشاركات | آخر مشاركة |
| قصه حب بمنتهى الروعه وطبعا قصه خياليه | الخــــيالــــي | ~ نـــفــحــــَآتٌ إِيــم ــَــآنــيــة | 56 | 11-13-2006 04:41 AM |
| تريد ان تلقي بكل ثقة (50 وصية لغرس الثقة في نفسك) | عيوني العيون | الـمــلـــتـــقــى الـــعـــام | 4 | 08-24-2006 01:06 AM |
العرض العادي
