جاتني فكرة وإن شاء الله تلقى القبول

[أبو طلال]

طبعا توها فكرة طازجة ماطبختها صح
وماني مطلعها من مخي أخاف تخترب
وإذا ماطلعتها كيف آخذ رايكم ؟
طيب لو طلعت شوي منها يصلح والا ﻻ ؟
وإلا تدرون مش مطلع منها شوي
بخبي منها الكثير والباقي بقوله

والله مادري وش أسوي
المشكلة اﻷكبر أني أنساها وتحترق في مخي

والله مشكلة
طيب خلوكم صفين
اللي يبي يعرف يكون هنا واللي مايبي يعرف يكون هناك
بس ﻻحد يلخبطنا تكفون

[وادي حنيفة]

حطها في الثلاجة ولا تخترب!!!ههههههههه!
والأ أقول علمني بها أنا بس ووعدك ما أحد يدري علشان إذا نسيتها أنا أذكرك بها!!
والأ أقول قطع الفكرة اللي جاتك قطع صغيرة ووزعها في زوايا البيت علشان إذا ضاع منها شي تلقى بقاياها في زوايا البيت 00والأ أقول لك خذ لك غرشه كوكا كولا واشربها ثم أعصر الفكرة من مخك في الغرشة00 وبذلك تحفظها00 والأ أقول لك 00 أنسى الفكرةأحسن لك00
والأّ أقول لك 00 خلالالالالاص نسيت لما أفتكر بكمل00
تحياتي لأبوطلال0

[أبو طلال]

ول ول ول

تراك لحست مخي
مافهمت وش تبي أنت قسم
شنهو شكيف أسوي يعني
الثلاجة باردة ترى وأخاف أن الفكرة تزكم
كوكا كوﻻ عاد
أصلا فكرتي مسوية رجيم توها صغيرة
بحول الله إذا كبرت وربربت بقول لك

خخخخخخخخخخخخخخ كلش صدقتك ماتعلم
شكلك بتوقف عند باب الملتقى وماسك مكرفون بعد

عابر سبيل معجب بهذا

[عابر سبيل]

وانا عند تسجيل الخروج




اطرح فكرتك حتى لاتنسى واخاف تصير مثل بعض المواضيع السابقه الي بعد العيد والي بعد فتره




كلنا معك وعلى حسب تواجدنا

والاغلبيه الي من صفي قليل مايشاركون معك وراح نقول لك بعد مانقراء الفكرة

[أبو طلال]

أنت مش مستوعب الفكرة اللي عن الفكرة اللي جاتني
أنت مفكر أن الفكرة مفبركة وهي فكرة سبحان الله جاتني
أصلا أنا فكرت بيكون فيه تفكير يفكر أن الفكرة للحين ماجاتني

وادي حنيفة معجب بهذا

[وادي حنيفة]

الفكرة اللي فكرت تجيك كنت فاكر أنك فكرت فيها وأفتكرت أنك ولا عبرتها بالتفكير ,ففكرت في فكره تفكك منها وتفكها منك , فقامت وفككت صواميل أفكارك لتفك حالها من تفكيرك وافكارك ؟؟وخلك فاكر ومفكر وفكران ومفتكر أن أصل الفكرة فكرتي وأنت سطيت عليها!!
هل أستوعبت الفكرة المبتكرة المفبركة المشربكة00 إذا فهمت قابلني00؟؟هههههههههههههههههههه!!

[أبو طلال]

أفتكر أن التفكير بالفكرة يفكرني أني أفكركم بأني أبي آخذ رايكم فيها
وماشفت أحد يقول لي قول


خخخخخخخخخخخخخخخ
أقابلك
أنت هالحين شككتني بتفكيري وتبيني أقابلك عشان تخليني أعد نجوم الظهر

[اسماء الشدي]

فكيت من عقلك تفاكير وأفكار ** فكيتها لكن فككها شبيكه
فكره تناهت له تباريك واكبار ** وغيرك على الأفكار فكره ركيكه
أن كان تبغيها تفاكير وأفكار** وأفكارك الفكهات تصبح وشيكه
كز الفكيره في مكاريف نكار **وتجيك ذا الفكره لدربك سليكه ؟؟!!
نظم : أسماء 0

[عَبقْ]

*

ههههههههههههههههههه
نصيحة قبل لآيدخل أحد هنآ يترك مخّه برا

أبوطلآل إذا طبخت الفكرة قدّمهآ لنآ بس انتبه لآتحترق

[أبو طلال]

المشاركة الأصلية كتبت بواسطة اسماء الشدي

فكيت من عقلك تفاكير وأفكار ** فكيتها لكن فككها شبيكه
فكره تناهت له تباريك واكبار ** وغيرك على الأفكار فكره ركيكه
أن كان تبغيها تفاكير وأفكار** وأفكارك الفكهات تصبح وشيكه
كز الفكيره في مكاريف نكار **وتجيك ذا الفكره لدربك سليكه ؟؟!!
نظم : أسماء 0

خبيت في عقلي كل الأفكار ، وجدران عقلي تراها سميكة
بس يمكن أبيح بالأسرار ، للي يمد لي قطعة كيكة