الحلاقين والمغاسل اررفعوا الاسعار

**العنابي** · 09-29-2008, 07:20 AM

السلام عليكم جميعا

الملاحظ اليومين اللي راحو لاحظنا الحلاقين والمغاسل ارفعوا الاسعار طيب والحل
يعني لاوم نعمل مقاطعه شرايكم وش الحل

من جهتي بالنسبه للحلاقين معظمهم يشتغل كفاله يعني العامل يشتغل لحسابه الخاص واللي صاير هاليومين السعر وصلوه من 5 ريال الى 10 ريال واذا قلت له ليش قال البلديه هذا اسعارها وحطت امر بمنع استخجان الامواس واستبدالها بالامواس ذات استخدام واحد فقط . لا ويقول البلديه هي اللي حاطه الاسعر سالته وين لوحة الاسعار من البلديه طبعا سكت وقال كل شي غالي الحين طيب على حسابنا وش بقى ماغلى.
بالنسبه لنا لازم نتفق من البدايه ونقول له كم السعر واذا قال بعشره قولوا له غالي وقولوا خمسه بس واذا مافي فايده عطه 7 ريال بس بصراحه لاوم نكسرهم والا بياكلونا هالهنود.
المغاسل كذالك عسيل وكوي الثوب رايح يصير من اليوم ب 5 ريال طيب مو مشكله واقول هذا موسم لهم لكن بعد العيد قال لي العامل رايح يصير الثوب غسيل وكوي ب 4 ريال.
الحل عشان نقلل ارباحهم ونوفر في الميزانيه انا اقول افضل الواحد انه يغسل ملابسه في البيت ويجيبها لهم كوي ( راح يثير الكوي بعد العيد من 1 ربال الى 2 ريال )
بثراحه اشوفها اطهر وانظف من ان تختلط مع الباقيين من ثياب الناس الثانيين ربما فيها زيوت او اوساخ او نجاسات لاتعلم بها.

عموما اللي عنده حل لايبخل علينا.. وشكرا للجميع واسغين على الاطاله