حنا السعوديين

**سحاب الليل** · 07-29-2005, 02:45 PM

السلام عليكم

هذا موضوع اعجبني للدكتور صعب الشراري مع بعض الاضافات وحبيت انقله لكم

صحيفة عكاظ - « الدكتور صعب بن محمد الزعيمر الشراري » - 24 / 7 / 2005م - 12:08

حنا السعوديين أكثر شعب في العالم يمتلك بترول. وحنا اللي تبرعنا لأغلب دول العالم. وحنا اللي إكتفينا من القمح وصدرناه للعالم. وحنا اللي أخذنا كأس أسيا ثلاث مرات. ووصلنا لكاس العالم ثلاث مرات. وحنا اللي هزمنا العراق في حرب الخليج. وحنا اللي فجرنا مركز التجارة والبنتاجون.

حنا السعوديين أول من طلع الفضاء من العرب. وحنا أكثر شعب في المنطقة وحنا أكثر شعب عنده ستالايت. وحنا اللي نمتلك قناة

mbc وقناة art

... وحنا أكثر من يتصل على القنوات الفضائية ونلعب مع المذيعات الحلوات ونمزح معاهم.

حنا اللي أرسلنا أكثر المجاهدين لأفغانستان والبوسنة والشيشان. وحنا اللي ماأحد يغار على الدين مثلنا، رغم إن أغلبنا مايصلي كل الفروض. وحنا اللي مافي شعب يضايق الكفار مثلنا. والتكفير عندنا مثل شرب الماء وألذ من العسل.

حنا السعوديين مافي أطيب وأكرم مننا. حنا اللي نرمي نصف أكلنا في الزبالة من زود الكرم. وحنا من تفوق على غيرنا في كبر الكروش والكسل.

حنا من أكثر شعوب العالم إستهلاكا للدخان والشيشة. وحنا اللي عندنا مدينة جدة رابع أكبر مدينة تلوث في العالم. وحنا اللي قضينا على الحياة البرية في السعودية من كثرالصيد والقنص. ثم رحنا على مصر والسودان نقضي على الباقي.

حنا أكثر من يطارد بنات العالم في الخارج<<<< اي والله. وحنا أكثر ناس في العالم ننفق على السياحة. وحنا اللي تبكي وتتحسف علينا بانكوك وبتايا من بعدها عنا.

حنا أكثر شعب في العالم عنده عمالة أجنبية. وأكثر الأشياء اللي نستخدمها من صنع غيرنا. ومانرضى نشتغل في المطاعم والمطابخ والمخابز والمغاسل. لأننا نشوفها أقل من مستوانا.

حنا اللي نحافظ على تقاليدنا حتى لو كانت غلط. وحنا اللي مانشوف أحسن من قبايلنا. ونشوف الأجانب أقل مننا. إلا من رحم ربي.

حنا اللي نشوف البنت مخلوق ناقص ومالها رأي>>>هاذا احيانا في اشياء معينه. ماهي مسؤولة عن نفسها، لكن مسؤولة عن أفعالها. ماتأكل في العزايم إلا من بقايا أكلنا<<< لاعااااد ويننا فيه. محجوزة عندنا في البيت مثل الغنم<<<< الله لو اننا في العصر الحجري. ماتطلع إلا لزيارة الجارة أول للعمل. حتى زاد عليها الهم والغم. وحتى صارت في الوزن مثل الجمل<<<< لا تعليق. وبعد هذا نمنعها من ممارسة الرياضة لأن الرياضة بس للولد<<<هاذااااااااااك اووووول..!!

حنا اللي الحرمة عندنا ماتكشف حجابها لنا وتكشفه للأجنبي<<<هاذي صادق فيهاا. وحنا اللي نمنع الحرمة في المدينة من السواقه لأنها فتنة. حتى لو كانت قبيحة وغير مغرية. ونتركها تركب السيارة لوحدها مع السواق الأجنبي. رغم إن بنات البدو يسوقون السيارة في الصحراء من زمن. من دون خوف ولا وجل. ومن دون إعتراض الأهل.

حنا أول من إبتكر مطاردة البنات في الشوارع بالسيارات. وإذا شفنا بنت راكبة السيارة مع سواقها تجمعنا بسياراتنا حولها مثل الغنم. نبغا منها كلمة حتى لو تتفل في وجيهنا أو ترمينا بحجر.

حنا اللي عندنا أغلى المهور في العالم. ومانشوف ولا نعرف العروس إلا بعد الزفاف (شختك بختك). وبسبب هذا ثلث الزيجات عندنا تنتهي بالطلاق..!!.

رغم الحقيقة والألم..

حنا السعوديين أحسن المسلمين والعرب.(هيّن بس)

• ملاحظة: كل المعلومات الواردة في المقال صحيحه وعلى حسب الإحصائيات

**AL2o0y0u5n** · 07-29-2005, 05:43 PM

حنا وحنا

ومثل ما قال اخوي بوخالد

بعض وبعض

**وهم** · 07-29-2005, 09:18 PM

حنا السعــووووديين
أوافق مع الكاتب في جميــع ماقال ..
حقائق نراها ونعيشها ..!

لا اختلف إلا في شيء واحد ..
وهـوووو ان ماذكر يوجد صحيــح عند السعــوديين
لكن ليس كل السعوديين .. بل بعضــهم .. وأصابع اليد الواحده مو مثل بعض ..
كان عليه ان يقول بعضنا حنا السعوديين ..
لأن التعميــم على الكل فيه ظلم على الخاصه ..

8888
وجهة نظـر شخصيه ..

مع التحيه

**الفضي99** · 07-29-2005, 10:31 PM

حنا السعوديين

نعم نوافق الكاتب في بعض النقاط ونخالفه في نقاط أخرى مثل ماتفضلوا أخواني وأنه عمم ذلك الشئ على جميع السعوديين فقد اخطأ في وصف ذلك وأعتقد ان هذه المقالة ساخرة اقرب اليها من الواقع ... مجرد رأي

يعطيك العافيه سحاب الليل على نقل الموضوع والمشاركة .

**شوووق** · 08-02-2005, 02:23 AM

**خمبط** · 08-04-2005, 05:57 AM

ههههههههههههههههههه حلووه اخوي سحاب الليل .. معلومات ميه ميه ... الظاهر ان الي كتب الموضوع
يبي يثبت لواحد ان السعودي افضل

ويحق له

خخخخخخخخخخخ

مشكور اخوي سحاب الليل .. وكثر من المواضيع هاذي

تحياتي
خمبط الدولي

الإهداءات
إضافة إهداء