بعض العلاقات

[هاوي العيون]

السلام عليكم ورحمة الله وبركاته

اعجبتني هذه القصيدة واحببت نقلها لكم

اتمنى ان تحوز على رضاكم...

تعبت من تعديل بعض العلاقات=اللي تبي كل اربع أيام تعديل
وتعبت اصامد طيش الايام بسكات=وانا مانا اتعب في وجيه الرياجيل
وتعبت من حب" على غير مشهات=وانا أعتزلت الحب وملاوع الويل
أثر المحبه فالزمن ذا دعايات=وحنا بجيل وصادق الود في جيل
اللي يقول ان الوفا حي ما مات=كنه اللي شاهد فالضحى نجمة سهيل
أما تأثر بالقصص والروايات=والا مع اللي صدقو كذبة ابريل
ياما سهرنا والسهر بعض الاوقات=ما من وراه الا الشقى والغرابيل
وياما كتبنا يا قصيدي والابيات=في غير اهلها ما ترد المحاصيل
بنات فكري خيل مربط جزيلات=ماهوب مربط افرق السوم وتشيل
نعسفها عسف المهار الاصيلات=إيلين ملينا من عسافة الخيل
ياليل جفني من عنا الوقت مابات=كن في ضلوعي دق نجر ومعاميل
ليت الغلا للي توده من الذات=يمحاه صبري والليال المقابيل
لو البكا بيفيدني...رد الأموات=ولو الجفا بيضر..ما عاد بي حيل
تدري البكا من سابع المستحيلات=عييت عيوني ترخص الدمع ويسيل
سلم على اللي تحسبنها إلى جات=بتعين ضلوع" جفتها مداهيل
يا رخصها من عقب ذا الليل بالذات=ويا غليها غلياه قدام ذا الليل
رح قل لها لبلادها (ست) رحلات=تختار وتعجل ومن دون تأجيل
تقفي ولا تكثر علي التلفات=أهل مصر ما تبكي الا على النيل
ما عاد عندي غير قطع العلاقات=اللي تبي كل اربع ايام تعديل

وســــلامـــتـــكم

[/quote]

[نبض الأمل]

أثـر المحبـه فالزمـن ذا دعايـات وحنا بجيل وصادق الود في جيـل
اللي يقول ان الوفا حي مـا مـات كنه اللي شاهد فالضحى نجمة سهيل

صح لسآنك يآلغلآ..
قصيده جميله جدا
آلله يعطيك الف عافيه..وننتظر جديدكـ..
تقبل مروري..

[عديل الروح]

صح لسآآن شآعرهآ ولآ هآن نآقلهآآ

آعجبتني بعض آبيآتهآآ

الف شكر لك ع النقل

دمت بخ ـير

,,

[هاوي العيون]

المشاركة الأصلية كتبت بواسطة نبض الأمل

أثـر المحبـه فالزمـن ذا دعايـات وحنا بجيل وصادق الود في جيـل
اللي يقول ان الوفا حي مـا مـات كنه اللي شاهد فالضحى نجمة سهيل

صح لسآنك يآلغلآ..
قصيده جميله جدا
آلله يعطيك الف عافيه..وننتظر جديدكـ..
تقبل مروري..

يا هلا وغلا فيك
تسلم حبيبي
يسلموووو على المرور الجمييييييل
والله يعطيك الصحه والعافية