السكوت أرقى معاني / الإجابه

**عَذْبَھْہّ** · 02-23-2009, 03:04 PM

:

أطرش .. كفيف .. أبكم .. شعوره يقديه ..!!
علمني أسلوب الحكي .. والخطابه

قبضة عصاته .. هم رعشة أياديه
منها .. تعلمت الشعر .. والكتابه

جالس بعيد هناك .. محد يسليه
غير الظلام .. ووحدته .. والكآبه

بيت عتيق .. وسدرة البيت .. ماضيه
جنب الجدار المهتري => عند بابه

الليل والصمت .. ورضاه ورجاويه
عصابة .. تحصد / غنايم عصابه

كن التعاسه غنوة ..!! من أغانيه
[ غريب .. مدري كيف قضى شبابه ..؟! ]

مدي وش اللي حققه من أمانيه ..!
أحس بأن .. أيام .. عمره تشابه

أشعث.. غبر .. أصفر .. تلعثم خطاويه
تحكي تجاعيده سنين / اغترابه

ما يشبهه .. غير الظما بالمهاميه
خانه مطر عمر الصبا .. والسحابه

فيه الألم .. وأقول : وش عاد ما فيه ..!!
ناحل .. مثل قوس النبل .. والربابه

أبطت عيوني تستمتع له .. تحاكيه
واقف يجر أخطاه (( ضعف .. وصلابه ))

تضحك دموعه بالعيون .. ويداريه
[ ما بين ذله مع شموخه .. مهابه ..!! ]

بعض الصبر .. لو ينشرا منه ..! لا أشريه
راضي .. بلاه ..! إن الزمن ما رضى به

بعده => دريت أن الزمن تيه × تيه
( وأن السكوت أرقى معاني / الإجابه )

.
.
.
مما رآق لي..
ودي وتحيتي,,’’

**الـمـهـاجـر** · 02-23-2009, 09:48 PM

قصيدة في قمة الورعه والجمال
يعطيك العافية (! عَ ــذْبـَـہْ !

**عَذْبَھْہّ** · 03-05-2009, 03:53 PM

يعافيك ربي
الف شكر لك ع الحضور الجميل والرد

**ℓα∂y ℓανєи∂єя** · 03-08-2009, 02:49 AM

بالفعل
السكوت أرقى معاني / الإجابه
] عذبهـ [
انتي كما انتي تحضرين وَ بصحبتك الذوق و الجمال و الهيبهـ

**عَذْبَھْہّ** · 04-06-2009, 12:13 AM

يسلم ذوووقكـ ومنطوقكـ غلاي
لعظيم حضوركـ في قلبي
ود وشكر وامتنان ..}!!

الإهداءات
إضافة إهداء