تٍغطيّ يآ بنُت : هًذآ سعًوديّ !

[لـــمـــ سة حــــ نان]

موضوع جداجميل لكونه واقع في كل مكان

والبنات ماشاء الله علقوا بما فيه الكفاية

لكني حابة اطرح موقف حصل لاحد اقاربي ولو اني اشوفه خارج الموضوع شوي

شريت مره حاجة من مجمع الفوارس وحبيت ارجعها عطيتها أخوي يبدلها
راح اخوي مع صديقة يبدلها اذ بالسكرتي امام البوابة يستوقفهما (ممنوع دخول العزاب )

أخوي: طيب والأثنين اللي دخلوا قبلي الحين ؟؟؟

السكرتي :لا عادي هذولاء أجانب

أخوي :ههههههههههه يعني كيف حلال عليهم وحرام علينا (وبينهم دار النقاش)

السكرتي :والله هذي شروط المجمع ماتصدق روح للمدير

أخوي:مادريت المره الجاية ببدل وسوي نفسي اجنبي وادخل !!!!

وفي موقف ثاني كمان حصل لنا مع احد السواقيين في العيون
كنت انا مع امي وخواتي رايحيين للسوق وفي اثناء عودتنا من السواق صرنا لحالنا معاه اللي ركبوا معانا قبل بيتأخروون

ومو من عادتنا الحمد لله ان نسولف مع الهندي اوالسعودي أوغيره الا نتفاجى ء بذاك الهندي يهد كل مافيه عن كل حرمة ركبت معاه (تعرفون اللي اخذتها من البيت الفلاني ترى فيها وفيهاوهذي كل يوم تروح العثيم ولسانها طويل وهذي ووالله ماتستحي عيون القطو وترى هذي اذا معاها احد في السيارة ماتبيني انزلها عند بيتهم وووووووو...
وتعرفون ذيك المتينه عندها اخت مطلقة وعندها...وفيها...واحنا ساكتين مافيها الا امي تقول أاأأأأي تبي تسكته مو راضي يسكت ...وش تبون اكثر من كيذا ...

ما اقول الا الله يهديهن ويرشدهن الى الصواب

وعذرا على الاطالة وكل الشكر لك غلاي لجميل طرحك