الصرآحـــه خسرتنــي مــآ ربحــت

[ش ـقـآآوي]

كـم تقـــول الناس عن طبعـي صريح
و الصـــــــراحة خسّرتني مــا ربحت

قد خـــسرت الناس واصـحاب المديح
و انصـــحوني بالمجامل ما انتصـحت

بـايتـ[ن] ليلي ضميري مـــــــستريح
أوزن الكـــلمة و لا عـــــمري جرحت

يشبـــــهون بطبـــعهم كف الشحيح
عندهم لــــو كلّك عيوب انمـــــدحت

كـــم أشوف الناس من عيني تطيح
و الاّ انا من عيـــنهم مـــا يوم طحت

و الــمكان اللي يجيـــني منـــه ريح
مــن زمن ســـدّيت بابه و استرحت

في حياتي ما يــصـح الا الصــــحيح
إحترم واقــع حياتي لو ســــــمحت

لو يفوت الفوت مـــا ينفع تصـــــــيح
و الغرق ما شحت عنّه لو ســبحت

كـــان عيبي فـالزمن إني صـــــريح
لو خسرت الناس في عيـني ربحت