قال منهو

[سعود العواد]

قال منهو

قال منهو يرسم الفن والنظم السماح
يبدع الأمثال بالضبط والمعنى الصريح

بالسهل يبني على الكيف في أطيور الفلاح
يوجز الكلمه نغم روحها حرف الفصيح

اكتب ابيوت الشعر وأنتقي هرج الفصاح
مرتجي مرزق أهل الأرض والبحر المليح

ناصر اسهوم المنايا رجاجيل الكفاح
لد المفرج حرية الموت بالباغي يطيح

من حاربهم صار طعمه لخفاق الجناح
والضبع والبوم يشبع من ألحوم الذبيح

كم حريب انهبوا حلته ولى وراح
كونوه اعيالنا في دماه ينزف جريح

في الشدايد لد امفرج عواصيف الرياح
من وقع من بينهم مات من الضرب البريح

لاوقع في ضوهم راح ماعين صلاح
أقهروه اولادنا لين في دمه يسيح

اطمحي يالخود للي نصى صوت الصياح
يوم ثار الهيج والمعركه درب الضريح

ازهمي اللي تلقى المعادي بالبراح
ذا وليد الحرب والمعركه يوم البطيح

التاريخ يشهد لنا والهجوم قبل الصباح
والعدو باكبر هزيمه ونسوانه تصيح

للعدو نشري جديد المعده والسلاح
يرهب اللي نلتقي به وكد علمي صحيح

والختم صلوا عدد مابرق برق ولاح
على من جانا مبشر وللامه نصيح

الشاعر/سعود بن احمد العواد

[حسام]

صح اللسانك ياسعود أبيات جزلة
هل عندك ديوان لقصائدك ؟وان كان الحواب لا . لماذا لاتدون ويعطيك العافية

[سعود العواد]

صح بدنك اشكزك على شعورك الطيب ولا عليك زود ومن امثالك تعلمنا ذالك وعليكم في ملتقى العيون
اما الديوان لم يكتمل فاتابعني على المنتدى وابشر باي قصيده تامر بها فاقصايد كثيره