{ سمو قدري يرتفـع عنـك بالحيـل }

[عَذْبَھْہّ]

يا مخطي ادري عن خطاياك ما اجهلك
أسمعك يـوم انـك تقـول الاقاويـل

ياصل كلامـك قبـل تتعـب رحايلـك
و اجنبك يا راعـي القـال و القيـل

و اسكت و لا قصدي أخاف اني ازعلك
لان السبب واضح ما يحتـاج تعليـل

شخصيتي تفـرض علـي اتجاهلـك
وسمو قدري يرتفـع عنـك بالحيـل

الله عطانـي قـدر عالـي و نزلـك
نزلك فـي اصغـر واقـل المنازيـل

مع كثـر حيلاتـك وكثـرة وسايلـك
ما زلت أصغر من سمو الرجاجيـل!!

تزيـد غلطاتـك ولكـنـي اهمـلـك
و الحيـن لا بالله جتـك المراسـيـل

مليت و آنا يا اسود الوجـه اجاملـك
خذها صريحة مـا تبـي أي تأويـل

قصيـدة تحـرق وجـودك وتقتلـك
أبياتهـا مثـل الطـيـور الأبابـيـل

يا أبرهـه هازمـك ربـي و خاذلـك
خاذلك لو تغزي بجيشك علـى الفيـل

أدحرك عن فعـل الخطايـا و اعدلـك
سيوف تقطع روس و احجار سجيـل

لو تجمع أعدائي معك أقـدر آصلـك
و آصل لحالي ممتطي صهوة الخيـل

أنا ابن وايل تدري اشلون أعاملـك؟؟
أجرفك مثل الغصن لا قشـه السيـل

حنا غبن مـن كـان يفعـل فعايلـك
حنـا لقـدر ضيوفنـا نذبـح الحيـل

رجال من كـاس المـرارة نفنجلـك
حلحيل منـا عـن ثمانيـن حلحيـل

أنشد ورانـا بساعـة لونهـا حلـك
تلقـى بيـاض افعالنـا بالتفاصيـل

و ليا شعرت انك مـن افعالنـا هلـك
امسح دموعك بالـورق و المناديـل

عيال وايل عز ..هيبه.. قدر.. ملـك
متوارثين المجـد جيـل بعـد جيـل

و الا انت قدرك صفر لو جيت اعادلك
ما لك محل بين الرجـال الحلاحيـل

أبوك لـولا صغـر قـدرك و منزلـك
يمكن أحسبه مـن رجـال مشاكيـل

لكن مدام انت ولده !! غرقـت الفلـك
ضاع القدر و الجاه بالحزن والويـل

من بعـد هـذي لا تزايـد مشاكلـك
و انت تعرفني لا طفح عنـدي الكيـل

بامكاني آكنسل وجـودك و اكنسلـك
لكن خـل الكـذب و القـال و القيـل

و اسكت قبل بين الرجاجيـل أفشلـك
و ألغيك ما كنـك بوسـط الرجاجيـل

وسلامتكم
لـ الشاعر : مشعل ضوي العنزي

[الـمـهـاجـر]

( ! عَ ــذْبـَـہْ !) قصيدة اكثر من رائعة

[الرمش]

أختي / ع ـــــــــــذبه
صح لسانك واعتلا شانك

ويسلم إحساسكِ على هالبوح الراقي والعذب

يعطيك العافية

ودام عطر حروفكِ

((

))

لكِ ودي ووردي

أخوك / الرم ـــــــــــــــش

[عَذْبَھْہّ]

المهاجر
الرمش

لشخصكـم ولحضوركم وردكم الجميل
اجل ودي وإمتناني
واعذب الاماني في طريقكـم