الدرس الثاني : ’ لَ تصميم ستايل متمدد , تأطير الأقسام + الأزارير .

[الهنوف]

السلام عليكم ورحمة الله وبركاته .., اليوم نكمل الدرس الأول بالدرس الثاني هذا .. طبعاً مابقول نراجع سوا وش خذنا بالدرس السابق كلنا فهمنا الدرس الاول بس كتذكير ع السريع .. صممنا الهيدر والفوتر وعرفنا أماكنهم ومقاساتهم ونقاط التمدد حقاتهم .. بالدرس هذا بنصمم لقوالب الفورهوم والنافبار والخ .. طبعاً هذي القوالب مابتفهمونها اللحين بس بعلمكم وين اماكنهم الفورهوم هو هذا .. تبع الاقسام الرئيسيه والاحصائيات .. ~ والنافبار هو هذي المنطقه يعني بالمختصر هي جدولة الاقسام اللي تجي بالوسط .. وحنا اليوم نبي نأطر الأقسام هذي نعمل لها تصميم .. بحيث إنها تتأطر تأطير علوي وسفلي وجانبي | اللحين فهمنا مع بعض وش بنصمم له .. فَ نبدأ بالتصميم .. نفتح عمل بالمقاسات الموضحه في الصوره .. نعبي الصوره نفس اللون أو الباترن اللي استخدمناه في تصميم الهيدر والفوتر وانا بستخدم الباترن اللي استخدمته في تصميمي اللي بالدرس الأول .. واكيد تعرفون وشلون تضيفيون اللون او التصميم شرحناه سابقاً في الدرس الأول .. نروح من اداة الاشكال هذي .. ونرسم مستطيل وعلى حسب ذوقك تبي مستطيل منحني الاطراف مثل كذا او ماهو منحني مثل كذا وتلونه بلون يناسب الهيدر والفوتر وانا اخترت اللون هذا طيب اللحين رسمنا المستطيل هذا شوفوا قبل لبدأ باللمسات الجماليه بحدد لكم نقاط التمدد اللي مابنحط فيها شي وبنخليها منطقه فاضيه من أي زخرفه او صور او سكرابز .. شفتوا نقاط التمدد في الجوانب الأربعه والمنطقه المهمله .., طيب ليه سميناها مهمله ؟ لانها منطقه مانحتاجها في التأطير نحتاج الجوانب بس , بيكون مكانها الأقسام .. طيب نكمل .. ,, نبدأ نضيف الجماليات .. انا حطيت ع اليمين سكرابز وكتبت أسم الملتقى , و حطيت الرابط وانتم بكيفكم صمموا براحتكم فيها اهم شي نقاط التمدد ماتوصلونها أضفت الجماليات في الجزء العلوي مايمنع نضيف شي بالجزء السفلي مثل كذا ابفيدكم في حاجه .. بأمكانكم تصممون بالجزء العلوي يمين ويسار وماتقربون منطقة التمدد وبأمكانكم تصممون بالوسط مثل كذا , وماتقربون نقاط التمدد اللي ع الجوانب ونفس الامر في الجزء السفلي .. وشوفوا الاستايل كامل هنـآ طيب نجي للأزارير .. اللي هي : اضافة رد وموضوع جديد وموضوع قديم وَ يوجد مشاركات جديده ولايوجد مشاركات ومنتدى مغلق .. NEW - يوجد مشاركات جديده ..( الغالب تكون متحركه او لها لون نفس لون الاستايل ) OLD - لايوجد مشاركات جديده | يعني القديم .. ( الغالب تكون ثابته ولها نفس لون الاستايل ) CLOSED - منتدى مغلق ,, ( الغالب يكون لونها رمادي ماهو بألوان التصميم الطبيعيه , لانها رمز للإغلاق ) أرفقت لكم مع ملحقات الدرس الملفات المفتوحه للأزارير هذي , لان في تصميمها مانحتاج لقياس محدد ولا تصميم معين لكن ! في تصميم الازارير هذي / موضوع جديد وقديم واضافة رد لازم تكون الخلفيه نفس خلفية الاستايل الاساسية ولا تلتزمون بنفس تصميمي صمموا بالحجم اللي تبونه وبالشكل اللي تبونه لكن ملفاتي كتوصيل فكره لا غير .. وهذا حنا خلصنا من الدرس , جداً خفيف .. الملحقات اللي استخدمتها .. http://www.mediafire.com/?jhfiapzxdi3tcee أي سؤال او استفسار اكتبوه .. موفقين

[هذي حياتي]

يعطيك العوافي ع تصميم والمعلومات لاهنتي

[النشــ بنت ــامى]

الله يعطيك العافيه

بس حسافه موعارفه مالى عربي

احس غير جليزي بواجد

[الهنوف]

هذي حياتي ,
الله يعافيك , حيآك الله ..,

|

نَشمية .,

هلا ي نن العين ,
درسي هذا مافيه شي يحتاج تعريب ,
والدرس السابق كان كل شي معرب فيه ,
كل كلمة اقولكم روحوا لها مكتوب على جنبها تعريبها
انتي ابدئ بالتصميم واعرضي لي كل مشكله
لما احلها لك و تستمري معي ,
على اني أفضل إنك تحوليه للانقلش لان اغلب دروس
التصميم بالنت كلها ع الانقلش ,
وربي يوفقك ^^

[Gamrat Gaza]

المشاركة الأصلية كتبت بواسطة النشــ بنت ــامى

الله يعطيك العافيه

بس حسافه موعارفه مالى عربي

احس غير جليزي بواجد

لآتتحسفين يّ الغلآ
أمسكي شرح مبسط لك ^^



1- تحرير
2-تفضيلآت
3-عآآم

بعدهآ يجينآ هذا المربع




1- لغة التطبيق
2-اختاري اللغه الانجليزيه
3-موافق
أخيراً قفلي الفتشوب وافتحيه من جديد تحصليه تحول انجليزي
ولو حآبه ترجعيه عربي نفس الطريقه بضبط ,واتمنى فهمتي علي
حولت فتشوبي ورجعته انجليزي لعيونش

لإني مافهم شي بتاتاً البته إلأ با الأنجلش=(
وكل الدروس انجلش كل مكان , فخلك انجلش احسن لك واسهل بكثير


..

[الهنوف]

,

جمرة وين تطبيقك , ؟

[النشــ بنت ــامى]

الله يعطيكم العافيه

واشكرك جمره على الشرح

خلاص باذن الله بحوله انجليزي وبدى التطبيق

والله يكتب فيه الخير

[النشــ بنت ــامى]

المشاركة الأصلية كتبت بواسطة °•ج ــمرة غ ـضى ـآ•°

لآتتحسفين يّ الغلآ
أمسكي شرح مبسط لك ^^



1- تحرير
2-تفضيلآت
3-عآآم

بعدهآ يجينآ هذا المربع




1- لغة التطبيق
2-اختاري اللغه الانجليزيه
3-موافق
أخيراً قفلي الفتشوب وافتحيه من جديد تحصليه تحول انجليزي
ولو حآبه ترجعيه عربي نفس الطريقه بضبط ,واتمنى فهمتي علي
حولت فتشوبي ورجعته انجليزي لعيونش

لإني مافهم شي بتاتاً البته إلأ با الأنجلش=(
وكل الدروس انجلش كل مكان , فخلك انجلش احسن لك واسهل بكثير


..

اختي جمره

سويت الى قلتي عنه

بس اذا بحول العربي الى انجليزي مايجي يتم الى عربي مادري وليه

[بنوته عسل]

الله يعطيك العافيه ع الموضوع القميل..

[Gamrat Gaza]

الهنوف
هع
اصبري علي فيني كسل ومشاوير على الجو الإيطآلي
<~ برآ


بنت النشامى
100% يتغير
بس مدري وش مشكلته معاك يمكن انك ماقفلتيه وفتحتيه من جديد

..