لحظة زعل

[الفضلي]

لحظة زعل فيها تبدّل كل حال = لحظة زعل ضاعوا بها كل العيال

يـقــول طـالق يامــره = ضاق الأفق ضاق المجال

راحت لابوها وامها = واللي حصل كنه خيال

تبكي ألم تبكي ندم = ماتقوى للصفعه احتمال

وعيالهم ذاقوا ألم = مااحدٍعطاهم يوم بال

البنت تصرخ يايبه = أبيك لاتعطين مال

محتاجه حق حضنك دفا = محتاجتك والبعد طال

وابنه شرد وسط السكيك = همّه بوسط القلب شال

بين الذئاب الجايعة = حاله دمر بالحيل مال

والأم تشكي من جفا = كل الأهل عمٍ وخال

بس النهاية طيبه = بامر الولي وقفة رجال

للصلح جوهم قاصدين = يسعون في لم الوصال

همٍّ لهم لم الأسر = ناسٍ يبون الاعتدال

صار الوفاق المرتجا = كل الزعل بالحال زال

[مملكة الاحساس]

ياكثر هالظاهرة في مجتمعنا
هذه طلقها طلقه وحده وفي مجال للرجعه وان كان باقي الجرح موجود مايطيب
لكن من عنده عيال وفي كل مرة يغضب ويطلق وش الحل معه ومن الي يضيع هنا
؟؟؟
الي تطلب الطلاق وماعندها عيال هذه ممكن نجت بنفسها لان زوجها مايستاهلها او هي ماتستاهله
لكن
؟؟؟؟
من عندها أطفال
الله المستعان

شكراً لك الفضلي
وصح لسانك
وبارك ربي فيك
وفي أنتظار روائعك
إن شاء الله
.............................

[بالصبر تنال]

شكرا عالقصـيده الرائـعه


صح لـسانك