.:: قصة غرام - إبتدينا عند أحبك وإنتهينا عند باي ::.

[نانا]

بسم الله الرحمن الرحيم
أخواني وأخواتي الأعزاء
السلام عليكم ورحمة الله وبركاته
يطيب لي أن أهدي لكم هذه الكلمات علها أن تنال على إعجابكم واستحسانكم
وخلونا ندخل في الموضوع على طول

قصة غرام

لعنبو قصة غرام كل أبوها كلمتين ..
.. إبتدينا عند أحبك وإنتهينا عند باي

تونا ما مشينا في الهوى لو خطوتين ..
.. وإنتهى الموضوع فجأة حتى مدري وش خطاي

إنتهى الموضوع كذا بكل سهولة تحكمين ..
.. وين أحبك وين أريدك وين ساكن في حشاي

يمكن إنك ما وفيتي يوم جيتي تعشقين ..
.. ويمكن إنك تحسبيني بأتبعك من دون رأي

ويمكن أصلا ما عشقتي بس كنتي تلعبين ..
.. ويمكن إنك ما وصلتي في هواك لمستواي

ويمكن إني ما عرفتك في الحقيقة وش تبين ..
.. ويمكن إني خنت نفسي يوم أعطيتك وفاي

علميني في الهوى يا جاهلة وش تعرفين ..
.. تعرفين إنك غديتي شي يجري في دماي

علميني في العطا والتضحية وش تفهمين ..
.. لعنبو حييك عشانك سبت أقرب أقرباي

كنت أحطك في عيوني تسرحين وتمرحين ..
.. كنت أشيل هموم قلبك وأرمي همومي وراي

كنت أطير من السعادة يوم أشوفك تضحكين ..
.. كنت ذايب في هواك مثل سكر وسط ماي

كنت نايم في العسل وأرمي من الفرحة سنين ..
.. كنت أظنك قلب عاشق ما سكن وسطه سواي

ما وعيت إلا وإنت في خفوقي تطعنين ..
.. ما وعيت إلا وسيفك في الحشا رايح وجاي

وردة إي والله وردة بس عرفتي تجرحين ..
.. كل شي فيني جريح إلا فخامة كبرياي

ما تأثرت بغيابك وإيش هو يعني دمعتين
أدري إحنا إفترقنا بس أبفهم حاجتين ..
.. علميني وش كسبتي وعلميني وش خطاي

أصلا الموضوع كله ما تعدى كلمتين ..
.. إلتقينا عند أحبك وإفترقنا عند باي

ودمتم

تحياتي