يامحلى الطير تصويري الشقردي

[الشقردي]

السلام عليكم ورحمة الله وبركاتة

كيفكم ياحلوين وانا والله حاب اضع لكم بعض الصور من تصويري وانا من محبي التصوير

وهذي الصور عمل لة احادي ابيض واسود

جاك الفرج ياطير عقب اللهايب -- عقب المقيضي والليالي المغابيش
سبعة اشهور موثق بالصلايب -- مثل السجين وعند ناس مباليش
عليه للديان خمسة طلايب -- ومن الغثاء زودعلى البال تشويش
جيتك اهلي يا عطيب الظرايب -- ياقاطع اقلوب الحباري المخاريش
فعلك يذكر بين ربع وقرايب -- واهل الولع من زين فعلك مداهيش
الصيرم اللي في افعوله عجايب -- جول الحباري لا قفاهن مرابيش
العام اناء وياه مثل الصحايب -- بارض قفاروالصحاري النشانيش
طلعه وكاد ولابعد رد خايب -- اليا طلب ماقول طلعه على ويش
وتفاقعن من تحت قشعه رعايب -- وتدافعن اتقول جمع مهاويش
وراج يتخيرطايب الكيف طايب -- وسلط على خربن اشدوقه مداغيش
نزر على الثندات عضل النشايب -- خلى العواشق من نجيره دناديش
ياطير اناء وياك حاضر و غايب -- جيتك امولع بنقلتك والمطاريش
ياطير عقب سهيل نرجع حبايب -- عزك بقلبي وللمحبه نغاميش
واليوم شفتك وشفت عزر المصايب -- يوم شفت ريشك يابسات تقل حيش
وجتك الحفاة بين وكر ونصايب -- ومن السويرق ذاويات بك الريش
وعضيت كفي عقب ذيك الطرايب -- يوم شفت ربشك غاديات عكاريش
وجدره بخشمك واسفل البوز عايب -- وفحه بصدرك ينسمع له خشاخيش
اناء احسبني بربطه الطير صايب -- عند الذي ملبوسهم للطرابيش



اتمنى انة تعجبكم

[أبو طلال]

تسلم يمينك

الصورة جميلة وحتى إعادتها للعرض لايمل منه
خصوصا وأنها وضعت معها أبيات شعرية غاية في الجمال

شكرا لك يالشقردي الف شكر

[حتى ظلي يعشقونه]

يعطيك الف الف عافية يا الشقردي والى الامام دائما..

[بـًِـ7ـُوًرٍ.آلــًدلــًع ..}~]

طـير وصوفـة كلها تعـجب أعجاب &&& والله يـفــكه مـن عـيـــون الـحــسـادي


مبدع يالشقردي

[معانقه هم]

دوم دوووووووووووووووم مبدع والابداع بحد ذاته يتعلم منك
سلمـــــــــــــــــــــــت يداك خيو

[اسيرة ديرتي]

[ولد العيدي]

الله يعطيك العافيه اخوي الشقردي. وتصوير رأئع وتصوير احلى