حملة خلوها تقفل

[متعب512]

السلام عليكم ورحمة الله وبركاتة

قررت بعد تفكير طويل وأختيار أسم لهذه الحمله .., أن أقوم بفتحها والمناقشه بها .

وهي سوف تتكلم عن الاتصالات السعوديه بشكل أكبر

الكل يعلم بأن الاتصالات السعوديه لم تقم بعمل تخفيض للأسعار أو عمل خدمات مميزه إلا بعد نزول
شركة موبايلي .., وعند عمل لموبايلي أي خدمات تقوم الأتصالات بعمل مثلها وبعد ذلك
قامت شركة زين وفتحت بالسعوديه وماذا حدثت للأتصالات السعوديه ؟؟

كيف أصبحت نفسيتهم وخدمتهم في الرد عليك وحتى قبل فتح الشركتين الاخريتين ؟؟

والان اذا لم تعلمون سوف يتم افتتاح شركه جديده وربما أفتتحت وهي شركة GO وتقدم خدمة التلفون الثابت والـ DSL ..,



طيب الحمله هذه سوف تتكلم بشكل أكبر عن الأتصالات السعوديه لماذا من أجل خدماتهم وطرق تعاملهم بصراحه أسوء خدمات شفتها بحياتها ..,


بسم الله نبدأ


الحمله هذه اسمها خلوها تقفل المقصود الأتصالات السعوديه .. بشكل عام



نتكلم عن الأتصالات السعوديه .., وأول شيء بقوله أنا كنت بسوي هالحمله من زمان ولكن لم يسعفني الوقت أو لم يدفعني أحد لعملها إلا بعد الأحداث التي تحدث معي وقلت توكلت على الله سوف أقوم بعملها ..,


كل شخص يخبرنا الي عندهم DSL كم مره يفصل معك ؟؟
غير طبعا لما تطلبه متى يوصلك ؟؟ (( سنه كامله وزود لين وصلني انا ))

ولما تتصل عليهم وش يقولك ؟؟ يقولك خلاص الحين نشغله ثم مايشتغل ترجع تتصل
يقولك يالله لحظات يشتغل وهو اخلاقه بخشمه يحسسك مثل الي تقوله تكفى يرحم والديك
شوف لنا مشكلة الأتصال !!

والله ياخوان قمه بالمذله لا فيه أحترام ولا فيه أي تبادل في التعامل .. مثال :

أتصل الان عليهم وقولهم عندي مشكله بالأتصال شوف وش بيقولون لك مثلا بيقولك راسلنا
الدعم الفني مانقدر نحلها 48 ساعه يكون عندك صح ؟؟

أرجع قفل الخط وأرجع أتصل بنفس اللحظه وبيكلمك شخص ثاني بيقولك يالله فعلت البورت ويشتغل ؟؟ طيب ليه ؟؟

غير الـ 10 دقائق الى ربع ساعه لين يردون ؟؟


ياعزيزي يالي تشتغل اذا انت ماتستحمل هذه الوظيفه استقيل وشوف لك وظيفه ثانيه
لاتخلي الناس تدعي عليك او تسبك او تصير مشاكل ورفع شكاوي هذه ان وصلت الشكوى ؟؟


مشكله حصلت معي بالاتصالات قبل خمسه سنوات تقريبا وصلتني فاتوره بقيمه 264 ريال
رحت وسددتها كم يوم انفصل الخط اتصلت عليهم قالوا عليك فاتوره بقيمة 264 قلت كيف ماكيف ؟
قالوا عليك فاتوره قلت وحلفت اني مسددتها وجبت لهم اوراق البنك كشف حساب يعني أني مسددها لكن للأسف لا حياه لمن تنادي
قمت وسددتها مره ثانيه وعلى طول نقلت خطي لموبايلي بعد سته شهور وصلتني فاتوره من
الاتصالات اخبروني يجب تسديد فاتوره علي المبلغ 264 ريال ياهو وش السالفه ؟؟
اتصلت ورحت لهم قالوا عليك فاتوره والمعروف انه اصلا شركات ماتنقل خطك إلا بعد ماتسدد كل
الي عليك وروح وجرب بنفسك المهم قمت انا وراجعتهم ورحت لمسؤول الشكاوي وقالي جيب لي
كشف حساب اخر سته شهور واروح البنك اجيب له الكشف والبنك الاهلي ياخذ مبلغ ع الكشف مش ببلاش ثم اروح اعطيهم اياه وقالي خلاص راجعني عقب شهر سلامااااااااااااات ؟؟
المهم اراجع عقب شهر ولكن للاسف قال ماحليت مشكلتك ومره ثانيه اجيه يقول الدعم امردوا علينا !!
اجل ليه اسمك مسؤول شكاوي اذا الدعم مايردون عليك والله دنيا ..؟
المهم من بعدها لليوم هذه ياخوان والله مرتاح مع موبايلي اخذت منهم رقم ومريح راسي
والاتصالات كل شهرين يرسلون مبلغ الفاتوره على بريدي وانا لاشفتها قطعتها ورميتها ..!

لانهم بصراحه مدري وش اقول هذه فقط قصه من العديد من القصص في كيفية التعامل

موضوع اخر قمت وشحنت بمبلغ 100 ريال وحولت 30 ريال لرقم أخر المهم .. صحيت الصباح لقيت
رصيدي صفر طيب وين راح الـ 70 ريال ؟ قلت بتصل ع الي حولت له لربما انه كان فيه مشكله وتحول
كامل المبلغ المهم اتصلت عليه يافلان كم وصلك قال 30 ريال قلت والباقي وينه قال والله مدري ؟؟
قلت طيب اتصلت ع الاتصالات قالوا لي الشبكه كانت معلقه وبنرجعهم لك والله ياخوان ليومكم هذه
مارجعوا ولا فلس ..

وهالمشكله برضو صارت معي بموبايلي اقسم بالله ياخوان انهم عوضوني بمبلغ الشحن كامل
وصارت معي مرتين ورجعوا لي الشحن شفتوا الفرق ؟؟

غير التعامل والله فرق وانا ماقدر اتكلم عن شركة زين لاني ماجربتها ...


وغير كذا كثيرا من الناس اسال الي اشوفه والاحظه للاسف الشركه صارت تعبانه في التعامل
والاحترام غير الكونكت تبعهم ناس كثير ندمانه انه اخذته من عندهم يقولون جدا تعبانين

وانا اخذت موبايلي كونكت قمه بالروعه غير الاحترام المتبادل بين العميل والشركه

ولكن مانكر انه مافي موظفين في موبايلي يعني وقحين فيه لكن والله نادرين من فتحت الشركه وانا معهم مامر علي غير 2 الى 3 في تعامل وقح جدا منهم
وان اشتكيت عليه قاموا وعطوه تعهد وقاموا اتعذروا منك مو مثل المذله الشركه الثانيه الاتصالات


طبعا الحمله هذه ياخوواني الي راح نسويها نبي أي شخص عنده مشكله مع الاتصالات السعوديه
او شركة موبايلي او شركة زين نبي نشوف اكثر المشاكل مع مين وكيف التعامل يكون
او صديق له لديه مشكله مع اي شركه !!

يأتي هذه الموضوع ويكتب مشكلته بشكل واضح




يوجد بالأعلى تصويت أختر أفضل شركه لديك بالسعوديه ..

موبايلي ام زين ام الاتصالات السعوديه !![/align][/B]


يد بيدآ بهذه الحمله

ياليت من اداره ملتقى العيون تفتح قسم ناشات وحوار