لاتلبق سيارتك عند بيتنا وخر سيارتك عنا

[ماجدونا]

الحمدلله ان فيه موقع يطلع عليه الشارع العيوني والقاصي والداني
لوسمحت لاتلبق سيارتك عند بابنا ..........كتبت في ورقة ووضعت على سيارتي قل ابشر ماطلبت الا حقك
ووخرت سيارتي عن بيبانهم لانه مايصلح تلبق عند بيت ساكنيه ليسو اهلك ولو ان احنا في العيون كلنا اهل
لكن الورقة كتب فيه كلمة حق امنا بالله ووخرنا السيارة نتفاجاء ان الاخ الفاضل قام يلبق في المكان اللي رحنا نلبق فيه
ومكان بيته يصير فاضي !!!!!!بحجج تافهه وهذا ينم عن مدى الحب الدفين لجاره الكريم
طيب وبعدين يعني وين نروح علمونا ياعالم ايش نسوي نحرق سياراتنا ولا نشد من الحاره مررررة وحده ونريح ونستريح
مااقول الا الله يرحم اباءنا واجدادنا وجيرانهم والله كانو مثل الاخوان ولم ترى يوم من الايام مر عليهم الا ويذكرون جارهم
بالخير ويسألون عنه اذا افقدوه ويزورونه اذا مرض .......اما جيرانا استغفر الله العظيم لو بودهم حرقوك
كلمه في خاطري احب ان اوصلها لأخي وجاري الكريم
ويارب ماتفضي ارواحنا الى الله الا وقلوبنا صافيه من الكراهية والحقد