فـضــفـضـــه ومنفـضـه (عيونيه)

[ابو غيوض]

بسم الله الرحمن الرحيم

في هذا الصباح الباكر.. وانا اعلك في مسواكي الفاخر (يسمع به من رمضان الى رمضان) وبعد ماطلعت الشمس من مشرقها--> احلف.. قلت خلني اطلع الشارع اشوف منظر الشمس وهي تطلع واسمع زقزقة العصافير.. والعصافير داقه اللطمه --> مدري هم يزقزقون والا يصيحون علي ,, وانا اللي اخذ لي شهيق وزفير--> يقال لي خاش(ن) جو على صوتهم وعلى منظر تلبد الغيوم--> زارفها من قوقل.. ويوم شفتهم داقين اللطمه( قلت حتى العصافير يسمعون بانفلونزا الخنازير).. وطبعا انا راسي الى هالحين فوق واطالع بالسماء ومازلت اخذ شهيق وزفير---> حسيت اني مدمن على هالريحه... وقلت في نفسي يازين هالصوت ويازين شروق الشمس..بس هالريحه مو غريبة(ن) علي... بس ياليت عندنا جو (بونشاك) بدل هالحراره..( نسيت اقول لكم اني طالع بسروال سنه وفانيلة البرازيل) ---> يقال له ستاايل... مالكم بالطويله تعبت رقبتي وانزل راسي( لاحظ اني رافع(ن) راسي من يوم طلعت من البيت).. واشوف ذلك المنظر...... يا له من منظر؟؟؟
8
8
8
8

ايعقل ان يكون هذا عندنا؟؟
ايعقل ان يكون هذا المنظر في اكبر دولة في تصدير البترول؟؟
8
8
8
8
8
ايعقل ان يكون هذا وجيراننا ارامكو؟؟
( علما بأن ارامكو تحد العيون من الغرب(العثمانيه) ومن الشمال(شدقم).. ومن الشرق( القريه) ومن الجنوب( معمل حقن المياه الرئيسي)
8
8
8
8
8

ايعقل ان يكون هذا في بلاد الحضاره ؟؟
8
8
8
8
8

لحقي انها من العجائب السبع العجاف ---> الاخيره تقدر تمسحها اذا ودك

اتعرفون ماذا رأيت ؟؟؟
8
8
8
8
8
8
8
8
8
8
8
8

رأيت الانهار والوديان تسير من امام بيتنا ورأيت الاعشاب والاشجار قد كشرت عن انيابها وقالت (شبيك لبيك العقربان بين ايديك)
8
8
8
8
8
8
8

صدقتوا انها وديان وانهار انتو وخششكم ؟؟؟

انني رأيت (المجاري) كرمكم الله تحيط بسيارتي--> (لاحظ يابوطلال مداخلة الفصيح على العاميه)....... ولا اعرف افتح الباب.. وقلت ابصوت للهنود اللي يبنون في البيت اللي جنبنا يدفون السياره معي... وتذكرت اني ساحب(ن) ( الجلنط.).. وحاطه على (الباركينق)..
طيب وش الحل وش الحل وش الحل؟؟ وانا حاطن اصبعي بخشمي--> :sm243: (جربها يامتابع ترى تجيك افكار حلوه احسن من سالفة القشطه)
: قلت مالها الا وحده من الثنتين يا اني احط لي تراب ( في وجه العدو) او اني اضحي بسروال السنه ----> وانا اناظر بالسروال ولسان حاله يقول ( يهون عليك بعد ماسترتك طول هالسنين:sm262:) ---> واضح اني محلل ام(ن) جابته
قلت له والله لا اوديك اطلق مغسله بالديره ولا يهمك... ويرد علي ابن(الهافه)-->( يقال لي ساب امه كااااااك).. ويقول( ليه بكره العيد)-->( مستظرف) ..... اهـ ياملعون الجدف بعد طلع لك صوت اجل بضحي فيك--> (لقى له عذر زي الشيبان اول)..

وضحيت فيه ورحت للسياره وحطيتها في مكان بعيد عن البيت..


رحت بعدين استكشف ما اسباب انهيار المجاري لدينا... وقلت في نفسي لازم اصير نبيـــــه هالمره واعرف ماهو السبب...

طبعا الاسباب الرئيسيه والاستكشافات طلعت معي كالتالي:

1- نحن السبب الاول في انهيار المجاري.. ( أيوا حنا. وش بلاك برطمت).. اذا الواحد فينا يستهلك الماء فيما يحتااجه ماصار عندنا فيضانات في (المجاري)... للاسف بعض البيوت كل يوم كرف بهالشغاله وتغسل البيت كل يوم( تقل مافيه انظف من هالبيت)... وبالاخير نشتكي من قلة الميااه... وفي بعض البيوت تحصل فيه تسريب في بعض المواصير ويقول لك ما يأثر شوية مويه بس ... ليه ما يأثر؟؟ الا يأثر ونص.. جرب افتح صنبور (ولف) البانيو وغطه بالسداده وتعال له الصبح.. وشوفه... وفيه شي مهم جدا بعد .. انسداد المجاري من الداخل..كل واحد جا ورمى له منديل.. رمى له علاقي.. رمى له شامبو.. رمى له بيبسي.. أي شي.. وسد المجرى ثم يتنفخ ويصير له ورمه كنها جبهة (الصويلح)---> واحد اعرفه :sm101:

2- الزفلته السيئه.. يجيك راعي الزفت( كرمكم الله) ويدوس بالشارع بالدواسه ثم(ن) على طول يدهسها بها القار ولا حسيب ولا رقيب.. والجوده تسلم عليك من بعيد وتقول عظم الله اجركم..

3- اصحاب البيوت الجديده.. يااخي تشوف لك طريق جديد عند بيتك.. تروح تجيب لك الشيول ماعندك أي مشكله.. لكن تجي تحفر لبيتك وتبي ترمي التراب قدام البرحه اللي عند بيت جار ابو جاركم.. وراعي الشيول هندي يفكر الازفلت مسويينه( الكوريين ايام قبل) لا ويعجبك يلف الدركسون باقوى ماعنده ويدوس على (البالوعه) ويحفر تحتها حفرة(ن) ودك تحطه فيها..

4- مصلحة المجاري.. ليه ماتجي تسحب المجاري الا بتلفون( لايكون داقين على بيق بايت مثلا) دامك تعرف ان هذا من رداك انت وياه ورى ماتجي بدون امر... وراك يارئيس مصلحة المجاري ماتخصص لكل ثلاث اربع حارات سياره ( وترى الدوله تدفع على طريق كل يوم ينعاد ترميمه) ماتبيهم يدفعون لك على كم سياره..حتى مره من المرات.. قابلته قبل لا اوصل للبيت.. قلت له سحبت المجاري.. قال لا ماسحبت وهو حاطه بالثاني.. بغى يصدمني.. قلت اخاف الحقه يطلع فوقي ويدهسني وبعدين ما ا الحق اقول لكم السالفه.

الزبده من الموضوع

ورى كل يوم نضحي بسراويلنا وملابسنا وسيارتنا على هالمجاري.. ياقوم هلمو وتجمعو والحاضر يعلم الغاايب......يالربع لازم نتعاااااون كلنا.. والكل يحرص على بيته من حيث الغسيل المتكرر (سمعتوا يابنات.. عفيه عليكم) لاتغسلون ثلاث مرات في اليوم ( تقل دوا كحه) عاد اللي يسمعكم يقول عايشين في لاس فيقاس.. ترى ديرتنا كل فصول السنه في يوم واحد عج وغبار لاتغسلون الا بالعيد ووصوا الشغالات ونسوان الفريج.. قولو لهم ترانا في ازمه مائيه والمويه بتغتلي علينا بكره وبتصير لكم مثل سالفة راعي البينتو---> يعلمكم عليها ابوالطل... وهذي نصيحة(ن) من واحد يحبكم ويبي الفكه من شركم --> خربها بالاخير...

والله عز وجل يقول (وجعلنا من الماء كل شيئ حيا) .
ولنا لقاااء مع الفضفضه...

نسيت اقول لكم : عرفتوا ليه العصافير داقين اللطمه :sm60:


والموضوع مو منسق بالشكل المطلوب ولكن اتمنى الافاده والاستفاده
دمتم بخير