يامغروربس معذورتعال ناظرحملة تسذآ ماهوب تسذآ

**مغرور بس معذور** · 09-18-2008, 09:27 AM


	تسذا ماهوب تسذا حلمة توعية رائعة للحريم أخليكم مع الصور وتعليقاته بس ان شاء الله الموضوع ماسبق طرحه :: الوحام :: أول شي لامن حملتي تبي تصيرين بثرة فوق بثارتس المعهودة وتبي تكرهين رجلتس وتبي تبدين تشوفين إنه شين زيادة على إنه أصلاً شين ، وتبي تبدين تكرهين ريحتة مع إن ريحته مخيسة من قبل و تبي تخرب الأخلاق عندتس وتبي تبدين بس تهاوشين أنت ورجلتس ، همن بتبدون تضاربون وكل يوم بيفقع وجهتس ، آخر شي بتهجين لبيت أهلتس . بفترة الوحام تبي تنفخين مع كل جهة ، وبتكرهين ريحة الأكل ، والله يستر عاد وش توحمين عليه ... بعض الحريم يتوحمن على تراب وفيه حريم على مخ قرد ، بس أنت أتوقع إنتس تبي توحمين على تسرشة بعير نيِّة . انتبهي لنفستس بالأماتسن العامة . :: الركادة زينة :: بعض الحريم الله يهديهن مايجوز لهن المطامر إلا لاحملن ، وأنا من هالمنبر أقول اركدي واقضبي أرضتس لاتجيننا بتسر تصيحين وتقولين : ( سقطت ) . :: المشروبات :: :: الأعمال المناسبة لصحتتس :: اختاري العمل المناسب ، يعني إذا انعرضت عليتس وظيفة سواق تريلة وإلا بنشري لاتقبلينه. :: لاجيتي تضنين :: لاجيتوا تروحون للمستشفى خلي رجلتس يركد عشان مايصدم خلق الله ، بس تسان الي على السيكل بنقالي مايخالف اصدموه وذنبه برقبتي. :: مابعد الإضناء :: :: مستلزمات البزر ::