من أروع القصائد التي قرأتها ....

[abusalman]

هذه من أروع القصائد التي قرأتها ورغبت نقلها لكم وان شاء الله تعجبكم ........

يا بنت أرجوك أنا ما أقدر كفانـي ماضـي الغلطـات = أخــاف الله يعذبـنـي وأنــا خــواف يا بنـيـه
وأخـاف بساعـة اللـذة يجينـا هــادم الـلـذات = ويأخذ مـن حشـى جوفـي بقايـا روحـي الحيـه
أنا ليّه ثمان اسنيـن وأنـا مدمـن علـى الشهـوات = ديـار الفسـق حاستهـا مواطـي تحـت رجلـيـه
‏عيوني مـن كبـر همـي تخلـط الـدم والعبـرات = مِسيـل الدمـع مـن عينـي حفـر بالخـد ماريـه
صحيح إنك جميله بـس تبنـا مـن هـوى الزينـات = تركنـا الحـب غصـب وطـوع للعيـن الشقاويـه
يابنت أنتي على بالـك أبأخـذ مـن بنـات الشـات = أجـل مجنـون أنـا يابنـت أشيـل العقـل بيديّـه
ترى أكبر شيء يربطني مِعك جـوال ابـو شاشـات = وهاتـف ينقـل أشواقـي علـى نبـرات سلكـيـه
‏وترى كل العلـوم اللـي عطيتـك بالهـوى كذبـات = وحتـى دمعتـي يـوم الفـراق الصعـب كذبـيـه
هـذاك اليـوم ماهلـت عيونـي لجلـك الدمعـات = لأن الدمـع ماينـثـر بقـصـه حــب وهمـيـه
أنا أضحك مِعك واضحك منك وعليك أكثّر الضحكات = كأنـي بالـهـوى جـنـي يعـبـي راس جنـيـه
وأنا مانـي بخكـري يلبـس القمصـان والشرتـات = ويفـرح قلبـه المسكـيـن إذا حــب الدوينّـيـه
‏أنـا مـن لابـةٍ أروت ضمايـا سيوفهـا الغـزوات = هم يام القبيله إللى فعايلــهم دايم نبــــيله
ودهنتي شعـرك الاسـود بألـوانٍ مـن الصبغـات = وعيـت تقبـل الصبـغـه ملامـحـك الخليجـيـه
وحشرتـي ردفـك المسكيـن بالبنطـال والجنـزات = خلاقـيـنٍ تصنّعـهـا مـزاجــات اليـهـوديـه
‏عشاني ميـتٍ فـي ثغـرك الأحمـر أبـو لمعـات = تحسبينـي أبرضـخ لـك لأن إشـفـاك ورديــه
‏ورب الكون مأرضى فيك لو إنك شيخـة الحلـوات = وإذا صمـل علـيّ العلـم أكـب ارض السعوديـه
يابنت الناس عـزك فـي سـوادٍ يستـر العـورات = وعزي في شماغ أحمـر وثـوب أبيـض وطاقيـه
سعودييـن نفخـر فــي عبـايـات السعـوديـات = نغـض الطـرف إجـلالاًً إذا شفـنـا السعـوديـه

[AL2o0y0u5n]

طلعت خطيرررررررررر يا بو سلمان


ما شاء الله عليك



ابدعت

[رحـــال العـــمر]

يابنت الناس عـزك فـي سـوادٍ يستـر العـورات
وعزي في شمـاغ أحمـر وثـوب أبيـض وطاقيـه

سعودييـن نفخـر فــي عبـايـات السعـوديـات
نغـض الطـرف إجـلالاًً إذا شفـنـا السعـوديـه







كلمات في قمة الروعه تسلم يا بوسلمان

[مجموعة انسان]

كلمات في قمة الروعه


شكرا لك abusalman

[ذكريات]

يابنت الناس عـزك فـي سـوادٍ يستـر العـورات
وعزي في شماغ أحمـر وثـوب أبيـض وطاقيـه

سعودييـن نفخـر فــي عبـايـات السعـوديـات
نغـض الطـرف إجـلالاًً إذا شفـنـا السعـوديـه


صراحه عجزت القى كلمات توصف هاالبيات لكن ماخلت من الروعه شي هي الروعه بذاتها


واجمل الأبيات الأخيره 000

تسلم ايدينك يابو سلمان ابدعت والله ماشاءالله عليك عندك حس مرهف وتثمن القصيد 0000

[abusalman]

الف شكر لكم واحمد الله ان القصيده اعجبتكم وماطلع اختياري سيئ ......


ذكريات >>>> بصراحه هذه الابيات تثمن نفسها من روعتها ...