هذي القصيده الحزينه نصيحه انكم تقرونها

[عيوني]

هذي قصيده واحد ماتت امه بحادث وهو يسوق ولا صار له شي الا بعض الجروح

هذه القصيده :
من يواسيني وانا الميت وحالـي يجبـر الدمعـات تسيل من الذي فيني ويبكي وهـو يواسينـي

وانا ابكي واتنهـد وارسـم بالحـزن لوحـات يجبروني عشان امشـي ورجلـي مـا تمشينـي

قتلت رعايتي بيدي قتلـت الحـب والرحمـات حرمت النفس من حقها وانا ابكيها وتبكينـي

وكنه حلم قدامـي يقيدنـي مـن الصرخـات ابي اصحى ولكني عجزت القى الي يصحينـي

فداك القلب يايمه ومهما قلـت مـن كلمـات صغيـرة فـي حقـك بـس اتمنـى تعذرينـي

نهبت الفرح من بيتي صحيح اني خسيس الذات صحيح اني ولد طايش وكل مـا اسمعـه فينـي

تجول عيونهـم فينـي تفصـل منـي قياسـات وتشيح وجوههم عنـي وكنـي غيـرت دينـي

يظنوا حزنهم اكبـر وهـم اصحـاب هالمأسـاة وانا اتحدى اذا فيهم ربع مـا يحتـرق فينـي

نقص قدري بعد موتك وغابت نشوة اللـذات وصـار الهـم عكـازي اباكيـه ويباكيـنـي

عطيتني بدون حساب ولا سمعتك تقولي هـات وانا اشرب حيل من دمك ودمك مايكفينـي

يايمه ارجعي كافي ابجلس معك لـو لحظـات واقبل ايدك ورجللك وافرش لك رمش عينـي

يايمه ما تحملهم يقولـوا فـات مـا قـد مـات تعالي غيري هالقول واطيعـك باقـي سنينـي

واترك عادة التدخين وانفذ ماتبـي بسكـات واصلي الفجر بالمسجـد قبـل منتـي تصحينـي

يايمه ارجعي تكفين وطفـي شمعـة الآهـات ابيك انتي ولا غيـرك علـى موتـك يعزينـي

وضميني وداويني مثل مـا كانـت الهقـوات ما ابي احدن يواسيني ابيك انتـي تواسينـي

دخيلك بس لا تبكي اذا شفتي بي الدمعـات انا مـا اقـوى ابكيـك اذا انتـي تبكينـي


منقووووووووووووووووووووووول

[سيف العيون]

الله وكبر عليك يا عيوني والله قصيدة فعلاً حزينة بعد الطيش حادث وموت الام وتندم ما بعده ندم وإعراض من الاقارب واللي يحزن في الابيات فعلاً عندما قال :

تجول عيونهـم فينـي تفصـل منـي قياسـات ***وتشيح وجوههم عنـي وكنـي غيـرت دينـي

الله يعطيك الف عافيه وصحة يا عيوني وعساك على القوة والله يبعدك وجميع المسلمين من كل سوء وبلاء

[بوسعد]

دخيلك بس لا تبكي اذا شفتي بي الدمعـات انا مـا اقـوى ابكيـك اذا انتـي تبكينـي

عيوني
قصيده في غاية الروعه
لا حول ولا قوة الابالله العظيم

[ذكريات]

مشكور ياالعيوني مرررررررررة القصيدة حلوة ومحزنة واتمنى من كل شاب قراى القصيدة يتعض 000

[hالقاضيS]

مع الرغم انه منقول
لكن بصراحه موضوع وقصيده تستاهل النقل
وشكرا ....

[عيوني]

حياكم الله وياهلا بكم